¹ Omu biro ebyo embaga eshuba ehurura nyingi. Chonka bakaba bataina kyakulya. Yesu ayeta abegesibwabe abagambira ati, ² “Embaga yanganya. Namara nabo ebiro bishatu mara bataina kakulya. ³ Kandabataishura kushuba omuka baina enjara nibakabira omu kihanda, mara abandi barugire hare.” ⁴ Abegesibwabe bamuhorora bati, “Omukate gw'okuliisa abantu bati omw'irungu ogwihyeha?” ⁵ Ababaza baina emikate engahi. Bamuhorora bati, “Mushanju.” ⁶ Aragira embaga kushuntama ahansi. Akwata emikate mushanju. Kayamazire kusiima agibegura agiha abegesibwabe kugigabira abantu. Bagigabirakwo abantu. ⁷ Bakashangwa bainaho n'enfuru zike. Kayamazire kuziha omugisha, aragira nazo kuziha abantu. ⁸ Balya baiguta, obubeguka obwashaagire babushomboza, bigoba entukuru mushanju. ⁹ Abantu bakaba nibelenga omu 4,000. ¹⁰ Aba nirwo abataishura, aho wenene n'abegesibwabe nikwo kusabara omu bwato bagiire Dalumanuta. ¹¹ Abafarisayo baija babanza kuhakana nawe, nibenda k'abakolera ekitangazo, kumulenga. ¹² Yesu asinda muno omu mwoyo, agamba ati, “Kubaki omuzarwa ogu nigugonza kubona ekitangazo. Nimbagambira amazima, omuzarwa ogu tigulikwija kukolerwa kitangazo.” ¹³ Abasiigaho ashuba omu bwato, asabara agya buseli. ¹⁴ Omu kaanya ako bashangwa bebirwe kugenda n'emikate; bakaba baina gumo gwonka omu bwato. ¹⁵ Abatatira nagamba ati, “Muramanya mwelinde eitumbyo ly'Abafarisayo n'eitumbyo lya Herode.” ¹⁶ Abegesibwa bakifumoraho bonene bonka nibagamba bati, “Titwina mukate.” ¹⁷ Yesu kayabimanyire abagambira ati, “Kubaki nimugamba okwo mutaina mukate? Timwina kyomwaihiremu, n'okushobokerwa chei? Emitima yanyu ekyagumangaine? ¹⁸ Mwina amaisho timukubona, mwagira amatwi okuhulira kwayanga? Timulikwijuka? ¹⁹ Orwo nabegabegwire emikate etanu ekaliisa abantu 5,000, obubeguka obwasigaireho kamwaburonzire, bukaijuza entukuru zingahai?” Bamuhorora bati, “Ikumi na ibili.” ²⁰ Ati, “Isi emikate mushanju eliisize abantu 4,000, obubeguka obwo muronzire bwijwize entukuru zingahai?” ²¹ Ati, “Isi emikate mushanju eliisize abantu 4,000, obubeguka obwo muronzire bwijwize entukuru zingahai?” 20 Bamuhorora bati, “Mushanju.” Ashuba ababaza ati, “Timukashobokeirwe?” ²² esu n'abegesibwabe bagoba Betisaida. Arugwayo abantu bamuletera empume, mara bamushaba k'amukwataho. ²³ Yesu akwata empume omukono, agiturukya omu kyaro. Kayamazire kumuchwa akachwanta omu maisho, akamutaho n'emikono, amubaza nk'aina kyona kyona eky'alikubona?" ²⁴ Omushaija ainuguka, amugambira okwo alikubona abantu nibatambuka, chonka nibashana nkemiti. ²⁵ Aho atwara emikono amukwata aha maisho. Aleba kurungi kwekomeleza, akira, buli kantu akabona kurungi. ²⁶ Amutaishura kushuba omuka, chonka amutanga kugaruka omu kyaro." ²⁷ Yesu n'abegesibwabe beyongera omu maisho, bagya omu byaro bya Kaisaria Filipi. Bakyali omu muhanda abaza abegesibwabe ati, “Abantu nibagamba bati ndyoi?” ²⁸ Bamugambira bati, “Yohana Omubatiza; abandi nibagamba ngu oli Eliya; anga omo omu barangi.” ²⁹ Wenene ababaza ati, “Chonka inywe nimugira muti inye ndyoi?” Petero amuhorora ati, “N'iwe Kirisito.” ³⁰ Abaragira kutamugamba mu bantu. ³¹ Yesu abanza kubegesa okwo Omwana w'Omuntu naragirwa kushasha naturwa enshonga zingi, okwo abagurusi n'abakuhani bakuru n'abegesa b'Amateka balimwanga bakamwita, chonka k'ebiro bilirabaho bishatu alihimbuka. ³² Eki akakibagambira atalikubumbisilira. Petero amutwara aha kabaju abanza kumukunganisa. ³³ Na Yesu ahinduka alebire abegesibwa, akunganisa Petero ati, “Nshuba enyuma, Sitani! Tolikutekeleza mitekelereze eya Katonda, notekeleza emitekelereze ey'abantu.” ³⁴ Aho ayeta embaga hamo n'abegesibwabe, abagambira ati, “K'omuntu alikugonza kumpondera, ayeyange wenene, ayetweke omusarabagwe ampondere. ³⁵ Aligonza oburorabwe bulimufera; kandi aliferwa oburorabwe aha rwange n'aha rw'Evangeli ogwo aliburokora. ³⁶ Kuba omuntu nagasirwaki kulya ensi yona, kyonka kandi akaferwa oburorabwe? ³⁷ Kayamazire kuferwa oburorabwe naba akyainaki? ³⁸ Kaishe muntu alinkwatirwa enshoni, n'ebigambo byange akabikwatirwa enshoni omu muzarwa ogu gw'abafakare ogutaina bwesigwa, n'Omwana w'Omuntu halimukwatirwa enshoni orwo alija aina ekitinwa nk'ekya Ishe, abamalaika bamushembire.”