¹ Bukeire bwa Sabato, Mria Mangadalena, na Salome abura amajuta agalikununkage kugenda kugasiga Yesu. ² Ahakiro kyambere kyeilimansi izoba karyaturukire bagenda ahanyanga. ³ Bagenda nibabazangana bati, "aharatuhilingisiza eibare kuliha ahanyanga noi"? ⁴ Kugya kunaga amaisho babona okwo eibare lyahilingisirwe, likaba lili lihango muno. ⁵ Kabatahire omu nyanga babona omusigazi ashuntamire orubaju orwobulyo, ajwete ekanzu elikwera. bashoberwa. ⁶ abagambira ati, " Mutakushoberwa. Manti nimuhiga Yesu owa Nazareti, owo babaire bamubyamikire. ⁷ Mugende mugambire abegesibwabe na Petro okwo Yesu yabebembera Galilaya, nio muramubonera, nkokwo yabagambiire." ⁸ Baruga omunyanga bairukire. Bakashoberwa muno bakajugumba. Tibaina ekyo bafomoire, bakaba beine obutini bwingi. ⁹ Ekiro kya mbere bwankya kare orwo Yesu yahimbukire, akabanza yahimbukira Maria Mangadalena, owo yabaire abingiremu amashetani mushanju. ¹⁰ Mangadarena agenda agambira abegesibwa ba Yesu, bali omukuchura nibalira. ¹¹ Kyonka babahuliire okwo Yesu alikukora nokwo Magadarena yambona, banga kwikiliza. ¹² Ahanyuma Yesu abonekera abesigwa abandi babili omumishusire endijo, bakaba nibataha omu kyato. ¹³ Bagaruka bagambira abandi abasiigire, chonka tibabaikilize. ¹⁴ Obugenda ira Yesu ahabukira ikumi nomo, bakaba nibarya. Abakunganisa aha rwokutaikiliza kwabo nobugumangani bwabo bwemitima, enshonga abamubweine ahimbukire tibabaikiliize. ¹⁵ Abagambira ati, "Mugende omunsi zona, murangire abantu bona Evangeli. ¹⁶ Aliikiliza akanyesiga akabatizibwa alirokoka. Chonka aliba ataikilize ogwo aliramurwa. ¹⁷ Abalinyesiga balimanyikira aha bubonero obu: Balibinga Amashetani omwibara lyange, baligamba endimi ezihya, ¹⁸ balikwata enjoka. Norwo balinywa ekyokubaita tikilibakoraho kantu. Balitaho abarwaire emikono bakire." ¹⁹ Aho Omukama Yesu kayamazire kubagambira atyo, atemba omwiguru, asingira aha bulyo bwa Katonda. ²⁰ Abegesibwa bagenda nibaranga Evangeli buli hantu. Omukama akaba nabemamu nebyo bagambaga yabihamisaga nobubonero obwo kubijulira.