¹ Emeza emeza mpanda khabwila wuya atinjila kukulengela kuwu mdyango wuluhongore gwi ntama aliko akuka kuyindi nzila uwo muntu numulavya numwakanyi. ² Wene yinjila mumdyango numungere wintama. ³ Wene uwulinda umudyango alamwugululila intama zilategeza ijwi dyage nukuhamagara intama zage, kumazina nukuzisohoya hanze. ⁴ Abhasohokanye hanze abhobhawage alabhalongolela intama nazo zikamkulikila kukozila menya ijwi dyage. ⁵ Ntizikulikila aliko zilamuhunga kuko ntibhamenya ijwi dyabhalazi. ⁶ Yesu yalagavye ikisusango iki iwabhu ntibhayamenyese ayamagambo yuko yaliahaye abwila bhene. ⁷ Yesu alagamba na bhene kandi. Emeza emeza mpandabhabwila. Jewe ndu mudyango wintama. ⁸ Bhose bhandongoleye nabhalavya nabhakanyi aliko intama ntizabhategeje. ⁹ Jewe ndumdyanko wowose yinjila kulengela iwanje alokizwa alokwinjila nukusohoka nawo alokwilonkela ukulisha. ¹⁰ Umlavya ntaza nkilesye ukwibha ukwicha nukwangamiza. Ndaje ngomba bhalonke ubhulavyi nabho bhabhane bweshi. ¹¹ Jewe ndumungele mwiza Umungele mwiza alatenja ubhulavyi bwage kunanda yintama. ¹² Umkozi ya hahwe injero atalumungere wuko intama ataliziwange alabhona Amabhingira yaje akasinga hitama akilukanga. ¹³ Amabhingira yalafata nukusambanganya. Alilukanga kuko numkozi ahabwa ingero intama ntazifuako. ¹⁴ Jewe ndumungere mwiza ndabhamenya bhawanje nabho bhawanje bhalamenya jewe. ¹⁵ Data alamenya nanje ndamumenya. Data nanje ndatanga ubhulavyi bwanje kunanda yintama. ¹⁶ Ndi nintama izindi zitalizulu luhongere, Nabho kandi bhalategeza ijwi dyanje kukohobhaho ikidudi kimye numungere wumwe. ¹⁷ Iyiniyonanda yuko Data akunda ntange ubhulavyi bwanje hanyuma nda bhutwale kandi. ¹⁸ Ntawubhutwala kuva iwanje aliko jewe ndabhutanga jewe nyene. Ndinubhugaze bwakutanga kandi ndinubhuganze bhukutwala kandi ndakwakiye ili teka kuva iwa Data." ¹⁹ Ukugabhanuka kandi kulabhoneka kandi hakati Mubhayahudi kunanda yaya Magambo. ²⁰ Bheshi mlibhene bhalagamba, Alinimboge kandi numsazi nikuku mhaye mumutegeza. ²¹ Abhandi bhalagamba. Aya samagamboyu muntu asala. Imbonge yilashobhola kwugulula amaso yuwuhumwe?" ²² Niho haziye Isikukulu yukuhabwa ibhikokwa, Iyerusalemu. ²³ Haliakanya kimbeho, Yesu yaliahaye azenzela mwishengero hakati mubhukumbu bwa selemani. ²⁴ Niho Abhayahudi bhamuzunguluka nu kumubwila ukugeza dyali holotusinga mumanzigizigi? Akasanga wewe ulikristo utubwile kwose. ²⁵ Yesu alabhishula nzandabhabwiye aliko ntimwemeza ibhikogwa vyonkola kwizina dya Data wanje izonizo zimpa ubwaliho hajuru yanyu. ²⁶ Nakatyo ntimwemeza kuko mwemwe sintama zanje. ²⁷ Intama zanje zilalegeza ijwi dyaje Ndabhamenya nabho bhalankulikila jewe. ²⁸ Ndabhahaye ubhulavyi bwintahela ntibhahohone nakatoyi ntanawumwe aliho alobhakota ukuva mkubhoko kwanje. ²⁹ Data wanje yampaye abho numukuru kusumba bhosee ntanawumwe afishe ubhushobhozi. Bwukubhakota kuva mmabhoko ya Data. ³⁰ Jewe na Data tulibhamwe. ³¹ Bhalatola amabhuye bhagomba bhamunug kandi. ³² Yesu alabhabwila nzandabhesye ibhikogwa vyeshi bhisore ukuva iwa Data nikikogwa ichahe mwizo chomgomba kunuga amabhuye? ³³ Abhayahudi bhalamwishura. Hitukunuga amabhuye kukikogwa chochose kisore aliko kukutukana kuko wewe ulumuntu witenga kimana." ³⁴ Yesu alishura Ntivyandizwe hakati mumateka yanyu. Ndalagavye mwemwe mlibhigigwamana? ³⁵ Akasanga yalabhitisye ibhigigwamana kulibhaya bhuko ijambo dyimana dyalabhaziliye. Ivyandisye ntibhishobhoka kuvaho. ³⁶ Mhamugamba hejuru ya wuya wuko Data yatanze nukumulungika hakati mkihugo, Ulatukanye kuko ndagavye jewe ndumwana wi mana? " ³⁷ Akasanga ntakola ibhikogwa vya Data wanje ntimunyemeze.. ³⁸ Nakatyo asanga mpandazikola, nahomtanyemela nimwemeze ibhikogwa kuko mwoshobhola kumenya ati Data alimunda yanje, nanje ndimunda ya Data. ³⁹ Bhalageza kandi kumfata Yesu, yaligiliye kuva mumabhoko yabhu. ⁴⁰ Yesu aligila kandi hakuya yi Yordani ahantu huko Yohana yaliohaye abhatiza ubwambele alichala idya. ⁴¹ Abhantu bheshi bhalaza iwa Yesu Bhalagumisha kugamba. Yohana nukuli ntachelekano yakoze chochose. Aliko amagambo yose yoyagavye Yohana hajuru yuwu muntu nayu kuli." ⁴² Abhantu bheshi bhalamwemeza Yesu aho.