¹ “Bhenewachu na bha data dyanje, ni munve libhu tabhazi bwanje bwondokola iwanyu ntyanyene.” ² Aho bhalonganye bhalanza kumva Paulo ahaye agambe na bhene kuki Ebrania, bhalaholela, alagamba ³ Jewe ndumuyahudi, ndavyawe muntala ya Talso ahantu hitwa kilkia, nyamale ndalalonse uuwigishwa wumtala iyiyene, mumagulu ya Gahilieli. Ndaligishijwe ukwingana ni nzila yoyene za mateka ziwa data wachu. Jewe ndinu mwete wi mana, nka mwemwe mwese kukomuli umusi. ⁴ Ndalabhabhigagiije kwiyi nzila nugu hwela, ndabhazilika abhagabho gabho na bhagolagole nuku bhanuga mwigeleza. ⁵ Kandi numtwale mukulu uumwe na bhazehe bhose bhalashobhola kuvuga ivyakolese kandi ndala kiye ibhalua ukuba iwabho kulabho bhenewachu bhali Dameski, iwanje jewe ukugenda iyo. Ndali ndobhazamye abhantu Iyerusalemu kunzila yiyanyene kandi bhabhohwe nukubhabhazwa. ⁶ Halabhaye haya hondali ndimulegendo mpayenshi ua Idameski, igihe chuhutaga ahana ha umwanga wumini wiva mwijulu wulanza kumolekela. ⁷ Ndagwa hasi nukumva ijwi limbalila, Sauli Sauli kuki unsebha? ⁸ Ndishula, “wewe nyene ulinde, Bwana?” Alambhwila, “Jewe ndi Yesu umunazaleti, woko wewe unsebha.” ⁹ Bhaya bhalihamwe na jewe bhalabhonye umwanga, kandi sibhategeje ijwi dyawiiya yagamve na jewe. ¹⁰ Ndagamba, “Nuole ikiga mana?” Imana yilambwila, “Hagalala kandi winjile Idameski, iyo ulobwigwa kila kintu ulogombegwa ugikole. ¹¹ Sinda shobhoye kulabha kuko umwanga wiya, niho ndagiye Idameski kukwelekezwa na mabhoko yabhaya bhotwalikuluwe na jewe. ¹² Iyo ndahula nu muntu yitwa Anania, yalikumwe hu muntu afashe amateka kandi bhali bhichaye iyo. ¹³ Alaza iwanje, alahagalalal imbele yanje nukugamba, “Mwenewachu Sauli, ushobhole uubhone.” Kukanya kayayene ndamubhona. ¹⁴ Alagamba, “Mungu wa data dyachu yagutoye wewe myene ushobhole kumenya ulukundo gwage, ukumubhona wuya alalinivyaha, hukumva ijwi liva mukunwa wage. ¹⁵ Kulintyo ulobha ichaliho chage kubhantu bhose hejulu kwayo qabhonye hukuyategeza. ¹⁶ None kulintyo kuki utegeje? Vyuka, ukomezwe wiyuhagale ivyaha vyawe, ulihamagile izina dyage. ¹⁷ Hanyuma hoyashise Iyerusalemu, nanye mpaye mpezagila ndimulusengelo, lilaza ndahabwa ukibhona. ¹⁸ Ndamubhona ahaye ambalila, “Bhinga uveho Iyerusalemu ntyayene, ukubhela ntibhalokwemela ubwemezi bwawe kuli jewe.” ¹⁹ Ndagamba, “Bwana, bheneyene bhalamenya ndalabhabhoshe mwijela kandi nukubhakubhita bheya bhakwemeye kila ahali isinagogi. ²⁰ Na malaso ya Stefano ichaliho chawe hoyasheshwe jewe nanje ndali mpagaze hofi nukwenda kjandi ndali ndabha imenda yabhaya bhamwishe. ²¹ None yambwiye, “Genda, kulintyo jere ndalokutuma ugende kulele kwabho bhantu bhi ntala. ²² Abhantu bhalamulekula agambe hejulu yili jambo. Nyamale kukanya kalikuza bhalakukiye ijwi nukugamba, “Mukuleho uwo muntu muntala: ukubhela siyo neza yichale.” ²³ Hobhali bhakusa ijwi, hugutaga imyenda yabho hukunwa ibhiuvvu hejulu, ²⁴ Mukulu wabho alamulisha Paulo azanwe mulukinga. Alamulisha abhazwe ino ahaye akubhilwa amukoni, ili weneyene amenye mikuki bhahaye bhamuvu gilizako akalulu iyo ngene. ²⁵ Naho bhalibhamutekeye kumigozi, Paulo alamubwila wuya mkozi yali ahagaze hofi yage, “None, nukuli uwanyu ukumukubhila umuntu wu murumi niho yobha atalachiligwa?” ²⁶ Wuya mukozi hoyategeje ayo magambo, yalagiye jemedari wabho nuku mubwila, agamba,“Ugomba ukole iki?None uwu muntu nu mrumi.” ²⁷ Jemedari wabho alaza nukumubwila, “Mbalila, none wewe ulu muntu wi Rumi?” Paulo alagamba, “Niyomva.” ²⁸ Jemedari alamwishura, “Nukubhela habhaye amahela menshi niho ndabhaye mwene intala.” Kandi Paulo alamubwila, “Jewe ndumurumi wukuvyagwa.” ²⁹ None bhaya bhalibhitegeza kugenda kumubhaza bhalagenda bhalamuleka akanya akoyene. Numukulu nawo alatinya, hoyamese ati Paulo numrumi, na kulintyo alamubhoshe. ³⁰ Umusi wanulikiye, Jemedari akuze yalagomve kumenya ukuli uwukulega kwa bhayahudi hejulu yiwa Paulo. None lilo alamwugululila ibhifundo vyage alahulisha abhakulu bhabhatwale ni bhalaza dyose bhahule. Alamuzana Paulo hasi nukumusiga hagati yabho.