¹ Akanya tumaze kulekana nabhene tulasafiri mwibahari tulashika mmji wikosi nkejo tulashika mmji wi rodo ukuva idya tulashi Minji wi patara. ² Hotwalorise imeli yambuka Foinike twaluliye tulagenda. ³ Tushiye mbele yi kisiwa chi Kipro. Tuyisiga uluhande gubhubhenfu tulagenda mpaka Siria. Tulahagalala mmji wi Tiro. Kuko idya niho imeli yiza kutula mzigo wa yene. ⁴ Amaze kubhona abhigishwa tulichala idya imisi ndwi. Abhigishwa bhalamubwila Paulo ukulengela impemu ati wene ntatabhage Iyerusalemu. ⁵ Hotwakwije yiya misi twetwe tulavaho tulagenda bhose hamwe nabhagolagole bhabhu na bhana bhabhu bhalatuhelekeza mnzila zachu, tulasohoka hanze yum ji tuheza tulafukana hakuya tulasenga tulasezelana na bhose. ⁶ Tululila Imeli nabhobhelagaruka imhila iwabhu kandi. ⁷ Hotwameze ulugendo gwachu ukuva itirotulashika tolomai haya tulabheha mwakeye bhenewachu tulichala na bhene umsi wumwe. ⁸ Nkejo tulavaho tulagenda Ikaisaria twetwe twalinjiye munzu mwafilipo umhubiri winjili yaliwumwe mwabhaya ndwi natwe tulichala hamwe na nyene. ⁹ Uwu muntu yali afishe amakumi yane yatarakwimgwa nabho nibho bhalibhefabiri. ¹⁰ Tumeze kwichala idya kumisi alashoka kuva ubhuyahudi nabii wumwe yitwa Agabo. ¹¹ Wene yalaje iwachu alatola umweko wa Paulo alitekela kumaguru na kumebhoko yage alagamba impemu yela yigavye ntya. Abhayahudi bhiyerusalemu bhalamfunga nyene uwu mweko bhalomsiga mmabhoko yabhanya kihugo. ¹² Hotwategeje aya magambo twetwe nabhandi bhalichala haya twalamsengasenze Paulo ntiyulile ukuza Iyerusalemu. ¹³ Niho Paulo yishuye. Mhamkola iki ukulila nukucha umtima wanje? Kuko ndemeye atali kubhobhwa gusa aliko ukupfila idya Iyerusalemu kunanda yi zina dya Data Yesu. ¹⁴ Kuko Paulo ntiyagovye ukwingigwa twalalesye tulagamba ukugomba kwimena nikukoleke. ¹⁵ Hanyuma yiyimisi twalatwaye imifuko yachu tulakuka Iyerusalemu. ¹⁶ Mbhigishwa bhwamwe ukuva Kaisaria bhalakuhikilanye na twetwe bhalamzana umuntu wumwe yitwa mnasoni. Umntu wi kipro umwigishwa w akela wuko twichaye na nyene. ¹⁷ Twalashise Iyerusalemu bhenewachu bhelatusasiye kwi shimwe. ¹⁸ Nkejo Paulo yalagiye hamwe natwe iwa Paulo kumwe nabhezehe bhose abhalibhalibo. ¹⁹ Hanyume yukubhaha mwakeye yalabhaye inkwu za magambo yi mana yakoze mbhanya kihugo ukulengera ibhikogwa vyage. ²⁰ Akanya habhategeje ayo bhelamishira Imana bhalamubhwila, ulabhona mwenewachu haliho amaelfu yangahe bhemeje mulabho bhayahudi bhene bhose bhalinintumbiko zukufata amateka. ²¹ Bhalabhiwe ayaliwawe ati uhayewingisha abhayahudi bhichala hakati ya bhantu bhikihugo ukutana na Musa nankatyo uhaye ubhabhwila go nfibhafahili abhaan bhabhu nfibhakuhkile nkagene kovyali kale. ²² Bhitukwiliye tugilente? Halihobhotegeza ati wewe ulaje. ²³ Kulintyo kola nkakuya kotuhaya tukubhwila tulinabhantu bhane bhasize hikalagano. ²⁴ Bhatole abha bhantu ugende kwiyoza hamwe na bhene ubhalihile chobhagomba kobhoshobhola ukumobwa inzwili zabhu kulintyo chitwa amenye ati amagambo yobhabwiwe kuliwewe nayubhubheshi bhanigana ati nawe ulakulikila amateka. ²⁵ Aliko nkunkulu zabhenyakilungo bhabhaye abhemezi twalandise nukutanga amalagizo ati bhelakwilye bhitanye nibhintu bhitanzwe ibhigemro kubhigigwamana na malaso yavuye mwakiya kihotowe nukwifanya nubhuzenga. ²⁶ Niho Paulo yatwaye abhegabhogabho, numusi wakabhili aliyoza wenenyene kumwe na bhene alimjila mwishengero alatangaza akanya kukwiyozaa numusi wisadaka yilotangwa kunanda yichatwe wumwe. ²⁷ Izomisindwi zegereje kuhala Abhayahudi bhwemwe ukuva Asia bhalambhona Paulo mwishengero numkongano bhalalaka bhalamgololela amabhoko. ²⁸ Bhalibhavuza induru abhantu bhi isiraeli nimtufashe, uwu ni waya muntu yigishe abhantu, chitwa hatu amagambo yalintanya na bhantu abhayunani mwishengero nukuhechafula ahahantu hera. ²⁹ Kuko kuntango bhalibhambhonye Trofimo mwefero bhalikumwe imjini nabh bhagizengo Paulo yalamzanye mwishengero. ³⁰ Umji wose walabhanye numtangalo, nabhantu bhalilukanga nukumbhata Paulo bhalamsohosya hanze yisengero imidyango yilugagwa. ³¹ Hobhal bhageza kumwicha inkuru zilamshikila umkuru wabhaaskari na bhalinzi Yerusalemu yose yaliyuzuye akayogore. ³² Honaho alabhafola abhaasikari kumwe numkuru wabhu alilukila ikivubha. Akanya abhantu hobhabhonye umkuru wabha askari, bhaaskari bhalalesye kumkubhita Paulo. ³³ Nakantyo umkuru wa jeshi yalamwegeye alamfata Paulo, alategeka afungwe iminyonyoro yibhili alambhaza wene ninde na akoze iki. ³⁴ Abhantu bhamwe mukivubha bhalibhayogota iki abhandi iki kuko jemedari ntiyashobhoye kubhabhwila chochose kunanda yakaya kayogole, avuga Paulo azanwe mngome. ³⁵ Hoyashitsye kungazi alatogwa na askari kunanda ya kalulu kikivubha. ³⁶ Kuko ikivubha chabhantu bhalamkulikiye bhaguma bhakoma induru ati mkuleho uwu. ³⁷ v 37 Paulo yaliazanywe mngome alambwila umkuru wijeshi ndoshobhola kukubhwila ikintu? Wuya mkuru alagamba ati ulagamba ikiyunoni? ³⁸ Were siliumisiri wuko hanyuma wongoje ubhubhi nukutwa abhichanyi ibhihumbi bhine mumnyika?" ³⁹ Paul alagamba jewe ndumuyahudi, ukuvaitarso yikilikia, jewe ndivukila yumji wumenyekana, ndabhesavye mndeke ngambe na bhantu. ⁴⁰ Akanya jemedari hoyamhaye uluhusa Paulo yalahegaze kuntandilo alatanga ichelekamo kubhantu kukumbhoko kwage Akanya hohaliho ukuholela chane, alavaga na bhene kukiebrania alagamba.