¹ Bhilabhoneka mnda yi Ikonio Paulo na Barnaba bhakinjiye hamwe mnda yi sinagogi dya bha yahudi nukuyaga ingene yuko ikidudi kinini cha bhantu Bhabhayahudi na bhayunani bhalemeye. ² Aliko Abhayahudi bhatakenguluka bhalabhashemennye ubwenke abhanyakihugo nukutela ukubha Bhabhi hejuru ya bhenebhu. ³ Kulintyo bhalichaye idya kumwanya wuleshe. Bhayaga kunguvu yi mana ahaye atanga ukuli kubhutumwa bwineema yimana yage. Yakoze ntya kukutanga ichelekano nibhitangaza bhikokwe kumabhoko ya Paulo na Barnaba. ⁴ Aliko ikisehemu chumji chalagabhanyisye abhantu bhamwe bhali hamwe nabhayahudi abhandi nabho hamwe Nabha mitume. Akanya abhanyakihugo na bhayahudo hobhagejeje kubhashemeza ibhilongozi bhabhu kubhakolela nabhi nukubhanuga amabhuye Paulo na Barnaba. ^{5 6} Bhalalimenyese idyo nukwilukila mmiji yi Likaonia, Listra na Derbe na handi habhazungurusye haya. ⁷ Nidya bhalahubiye ubhutumwa. ⁸ Nidya Ilistra halihumuntu wumwe yaliyichala yaliatafishe inguvu mumaguru yage. Ikimuga ukuva munda ya nyinawage ntiyegeze atambula. ⁹ Uwu muntu yalamtegeje Paulo ahaye agamba Paulo alamutumbulila amaso alabhona ati yahi ni chizero chukukizwa. ¹⁰ Kulintyo yalagavye iwage kwijwi dyaruguru. Hagalala kumaguru yawe nawuya muntu alasimba hejuru nukutangula kutambula. ¹¹ Ikidudi hochabhonye choyakoze Paulo bhalatalisye ijwi zabhu bhagamba kungambo yikilikaoni ibhigigwa mana bhilatushokeye kungene ya bhantu. ¹² BHamhagaye Barnaba zeu na Paulo Herme kuko yaliingavyi yikuru. ¹³ Kuhani zeu wuko shengero dyage dyati hanze yumji yalazanye imasa yinka. Numganda wamawa mpaka mmudyanko wumji, wene nikidudi bhalagovye kutola ibhigembo. ¹⁴ Aliko bhamitume Barnaba na Paulo hobhategeje ili bhalatabhuye imyenda zabhu nukubhingagiza kugenda hanze mukidudi bhahaye bhalila. ¹⁵ Nukugamba mwemwe bhantu nikuki mhaye mkola aya magambo? Na twetwe kandi tulabhanadamu bhali nka mwemwe. Tulabhazaniye inkuru nyiza ati mhindukile mve kubhintu bhitakwiliye nukulabha Imana. Yikomeye yalemye insi ni juru ni bahari na kila kintu kilimwo. ¹⁶ Mkanya kahise yalabhalekuye ikihugo ukuzenzela mnzila zabhu bhenenyene. ¹⁷ Aliko ntiyavuyeho hataliho ichaliho kulidyo yalakoze neza nukubha imvula, ukuva mwijuru, nakanya kigesa yalabhujuje mitima yabhu kubhilibwa nishimwe. ¹⁸ Nakwa ya magambo Paulo na Barnaba kungolane bhalagomeye ikidudi ukubhatolela isadaka. ¹⁹ Aliko bhanwe mubhayahudi ukuva Iantiokia na Ikonio bhalaje kushemeza ikivubha bhalamunya amabhuye Paulo nukumbhulula mpaka hanze yum ji bhagilango ntyo alafuye. ²⁰ Nakantyo abhingishwa bhalibha hagaze hamw na nyene yalavyuyse alinjila imjini umsi wa kabhili alagenda Derbe kumwa na Barnaba. ²¹ Amaze kwigisha injili mwawuya mji nukubhana abhubgishwa bheshi bhalalusye Listra mpaka Ikonia mpaka Antiokia. ²² Bhalagumishije kugumisha imitima yabhigishwa nukubhahumiliza bhagumishe mchizero alagamba bhitumwiliye twinjile mbwami bwi mana kukulengela amagongwa meshi., ²³ Hobhabhetegula kumanda yabhu abhatama bhachitwa mkongano wabhemeye nabho bhasenze na kufunga. Bhalabhasiga kumana wuko bhalibhemeye. ²⁴ Bhaheje bhachila pisichia bhalashika pamfilia. ²⁵ Akanya hobhayafa amagabo Iperge bhalashoka bhagenda Atalia. ²⁶ Ukuva idya bhaluliye imeli mpaka Antiokia huko bhali bhakwitanze kuneema yimana kunenda yibhilogwa vyuko none bhalibhayikwije. ²⁷ Hobhashisye idya Antiokia nukukola umkongano wa Hamwe. Bhalatanga inkuru za magambo yuko Imana yakoze iwabhu ningene yabhugululiye umdyango wichizero kumbhantu bhikihugo. ²⁸ Bhalichaye kukanya kareshe na bhingishwa.