¹ Haho haho kumugolobha kulusiku lwi sabhato, izubha lyaliligiye liloka lyegele ulusiku lwa mbele lwi juma, Maliamu Magdalena, na Mariamu ulya undi bhalaje kulilabha ikabhuli. ² Habha hali haliho itetemeko linini, kukubha malaika wa Data bhuja yalashose kupilimiza lilya bhuye, ahweza alichalila. ³ Uluhanga lwage lwali nkubhumeme, nimyenda zage zali zela nkubhulubhula. ⁴ Bhaliya bhalinzi bhalafashwe nubhobha bhalabha nkabhafuye. ⁵ Wa malaika alabhalobhanulila bhaliya bhagole gole avugango, "Ntimutinye ndamenya komugiye mumulondela Yesu, yabhigagujwe. ⁶ Ntawaliho hano, yazuse nkingene yabhabhwiye. Nimuze mulabhe aha hantu hoyali yalaye Data bhuja. ⁷ Nimugende bhwangu mubhabhwile abhigishwa bhage, 'Yazuse ukuva mubhafuye, labha alabhalongoleye kuja Igalilaya. iyo niho mulomubhona.' Labha jewe ndabhabhwiye." ⁸ Bhabha golegole bhalalongoye bhalagenda bhava halya kwikabhuli bhali nubhobha bhashimye ishimo linini, bhalilukanga kubhabhwila abhigishwa bhage. ⁹ Labha yesu alahula nabhene agamba, "Ndabhalamukije."bhabhagolegole bhalaza bhalafata amagulu gage, bhalamwisenga senga. ¹⁰ Yesu yahweje abhabhwila, "Ntimutinye, nimugende mubhabhwile abhadugu bhanje bhalongole Igalilaya. iyo bhalombona. ¹¹ Abho bhagole gole hobhali bhagiye bhagenda, labha mulibhalya bhalinzi bhalagiye mumuji bhaja kubhabhwila abhakulu bhabha sanishi amagambo gose galigabhonekanye. ¹² Nabho hobhali bhahuye nabhazehe bhakalitimbula ilyo jambo bhalikumwe nabhene, bhalatanze amahela menshi kubhaheleza bhalya bhasilikale. ¹³ Bhagamba, "Bhabhabhwile abhandi kwa, 'bhigishwa bha Yesu bhaje mwijolo bhalagwibha umubhili gwa Yesu hotwebhwe twali twahuniye.' ¹⁴ Hakabha ijambo lino lilomusoholela liwali, mukulu wi jeshi twebhwe tulo mwinginga tubhakulileho ibhiyumvilo bhyose bhibhazanila ubhobha. ¹⁵ Bhalya bhasilikale bhakozeko nukutola gamahela bhalakola nkingene bhalagiwe. Lino jambo lyalakwiye chane mubhayahudi ninkatya nyene lichaliho. ¹⁶ Aliko bhalya bhigishwa bhage chumi na umwe bhakoze nukugenda Igalilaya, kuligwa musozi goyali yabhalangiye. ¹⁷ Nabho hobhamubhona, bhalamwisenga senga. aliko mulibhene imitima zala siganye. ¹⁸ Yesu yalaje iwabho abhabhwila agilati, "Ndahawe ubhuganza bhose mwidunia ni mwijulu. ¹⁹ Kulintyo, nimugende mumahanga gose mubhatela kubha abhigishwa mubhabhatize kwizina lyu Mwami, nilyamwano, nilya mpemu yela. ²⁰ Mubhamwilize kugakenguluka amagambo gose gondabhalagiye, kandi nimulabhe, jewe ndikwemwe na mwemwe imisi zose, mpaka ihelezo liyintala (idunia).