¹ Mugomwanya ugonyene abhigishwa bhalagiye Iwayesu nukumubhwila, "Ninde mukulu Mubhwami mwijulu?" ² Yesu alamuhamagala umwana mutoli, alamumika hagati yabho, ³ Nukuvuga, "Nikwene ndimondabhabhwila, Mutihanye nukubha nkumwana mutoli ntimuloyobhola kwinjala Mubhwami bhwimana. ⁴ Ninkantyo wowose alokwishosa nkumwana mutoli, Umuntu nkuyo nimukulu Mubhwami bhwijulu. ⁵ Kandi wowose yakila umwana mutoli kwizina lyaje alobhakiye jewe. ⁶ Aliko wowose atele umwe mwabhalya bhatoli bhano abhanyemeye kukigero chukumpakana, Alobhamwiza kuyo muntu ibhuye likuze lyukusyesha ilyatekewe mwijosi lyage, Nulizamisha muluzi. ⁷ Mulahumiwe kubhubhwelelo kubhwili bhwakakanya bhubhabhazwa! Kukubha lilaleye kugomwanya ugo kuza, Aliko alahumiwe iwage kumuntu ulya kanya ako kalokaza kuliwene! ⁸ Hakabha ukobhoko kwawe nukugulu kwawe kukutela kubhalala,Njanye ukukate nukukunuga kule nawe. Nineza kusumba iwawe wewe kwinjila kubhuzima utagila ukubhoko kandi ikimuga, Kuliko kunugwa mumulilo gwimsiizose ulinamabhoko gose kandi amagulu gose. ⁹ Hakabha ijisho lyawe ligiyekulela kukugomela, Likulemo nukulinuga kule na wewe. Nineza chane iwawe wewe winjile mubhuzima nijisho limwe, Kuliko kunugwa mumulilo gutazima gwimisizose ino ulina maso gose. ¹⁰ 10 Nimulabhe lyukubha ntimuze mukamukegela umwe mulibhatoli bhano. Kulili ndimondabhabhwila lyuku mwijulu haliyo bhamalayika bhene imisi zose bhalabhabhona uluhanga lwa Data wanje alimwijulu. ¹¹ (Nimugumishe: Amagambo gabhoneka na glya gumulongo chumi na gumwe 11, "Kukubha umwana umuntu yalaje kukiza kilya chali chatagise" Kitabhonekanye mulyayandise likomeye lyakela). ¹² Mwiyumvila iki? Habha hagila umuntu alinintama ijana limwe, mulizene zabho yikatagika, intya ntazisiga izo ulwendana chenda kumusozi nukugenda kulondela yimwe yatagise? ¹³ Kandi amaze kulonka, nukuli ndimo ndabhabhwila alamushima kusumba bhalya amuchumi chenda bhatatagise. ¹⁴ Ninkntyo nyene, ntali kulukundo lwa Data wanyu wamwijulu kubha umwe wabha bhatoli yichezwe. ¹⁵ Hakabha mugugu wawe akononeye genda umweleke lilya lyakomeye liliho kuli wewe na wene aliwenyene. Akabha akutegeje ulobha umugalukije mudugu wawe. ¹⁶ Aliko akabha akumvilije, mutole mudugu wawe umwe kandi bhabhili kumwe na wewe, kandi bhatatu kila lilingo lilashobhoka kubhonekana kulikwene. ¹⁷ Kandi akabha abhakengeye kubhategeza, mulibhwile Isengelo ilyo jambo, akbha nahene akangeye bhasi mumuleke abhe umuntu umupagani kandi umutoza ubhushulu. ¹⁸ Nukuli ndimo ndabhabhwila lyolyose lilya lyomulabha mugaye kubhwelelo namwijulu lilobha lyugawe. Kandi lyolyose lyomulabha mugaluye kubhwelelo lilobhe lyuguluwe namwijulu. ¹⁹ Kandi ndimo ndabhabhwila lyukubha hakabha abhantu bhabhili muli mwemwe bhakabha bhemezanyije haluguru yililingo lyolyose lya-kubhwelelo lyobhagiye bhasabha, ilyo na Data wanje wamwijulu alokola. ²⁰ Kukubha bhabhili kandi bhatatu bhakabha bhichaye hamwe kwizina lyanje jewe ndihati yabho. ²¹ Kandi Petro yalaje nukumubhwila Yesu, 'Nilyakangahe mudugu wanje anyononela nanje ndamugililaikigongwe? Niho wobha ugeze kulindwi?" ²² Yesu yakozeko nukumubhwila, "Hindakubhwiye uhage kuli indwi, mpaka ugele kuli amuchumi indwi mara indwi. ²³ Kubhwili ubhwami bhwijulu nikwene nubhwami nkabhulya bhyoyagomvye kwinganya nisabhu kuva kumukozi wage. ²⁴ Hoyatangula kunganya kumahesabhu, umukozi umwe yalazanywe iwage aliwo yali agiye yishuza Italanta ibhihumbi chumi. ²⁵ Kukubha yali atagila yukumuliha, Umwami wage yalalagiye aguzwe, mugole wage kumwe na bhana nibhintu bhyose bhyolinabhyo, kugomba kuliha kukoleke. ²⁶ Ninkantyo uyo mukozi yalaguye, alafukama hambele yage, nukuvuga 'Mwami ubhe nukulindila kumwe na jewe ndakwishula bhyose bhyondi-nabhyo.' ²⁷ Ninkantya Umwami waulya mukozi, kukubha yahwezwe chane kigigongwe, yalamulekuye nukumugilila ikigongwe kugomusango gwage ²⁸ Aliko ulya mukozi yalavuyeho mukumulonka umwe mwabhaliya bhakozi bhagenzi bhage, uwali agiye yishuza umusango widenari ijana. Yalamumubhuluye, nukumuniga mumihogo, nukumubhwila, 'Nuyishule bhilya bhyose bhyonda kwishuza.' ²⁹ Aliko ulya mukozi mugenzi wage yalaguye nukumwinginga chane, nukuvuga, 'Abhe nukwemela kumwe na jewe ndukwishula.' ³⁰ Aliko ulya mukozi wambele yalahakanye. Hanyuma yaho yagiye kumunuga mwibhohelo, kugera aho halobha amwishuliye kilya choyali mwishuza!. ³¹ Kandi hobhabhabhona abhakozi bhagenzi bhage kilya chabhonekanye. Lyalabhateye maganya chane. Bhalaje nukumubhwila umwami wabho kulikilya chabhonese. ³² Niho ulya Mwami wumukozi ulya yalamuhamagaye, nukumubhwila, 'Wewe mukozi wichaha, ndalakugiliye ikigongwe wewe kumusango gwanje gose kubhwili lyukunyinyinga chane. ³³ Intya! Ntihagombezwa kubha nikigongwe kumukozi mugenzi wawe, nkajewe kingine ndakugiliye ikigongwe wewe? ³⁴ Umwana wage yakoze nukubhana ishavu nukumubhika kwabhalya bhamenya kubhigaguzanya kugela halobha-yishuye icho kigelo chose chumusango gwagiye yishuzwa. ³⁵ Ibhyo nibho Data wanje wamwijulu ingine alo-bhalolela nkankulya muli umwe wanyu atalomugilila ikigongwe mudugu wage kuva mumili zanyu."