¹ Mumisi mukaga hanyuma Yesu yalabha bhaloye kumwe na Petro, kandi na Yakobo, kumwe na Yohana, mudugu wage, yalabhotoye nukubhatwala halugulu yumusozi guleshe bhenenyene. ² Yalakabhishijwe imbele yabho. uluhanga lwage lyalakemye nkizubha, nimyenda zage zalabhonekanye zakemye nazene nkulumoli. ³ Labha, halya bhalabhonekanye Musa na Eliya bhagoye bhasshumula nawene. ⁴ Petro alamwishula nukumubhwila Yesu, "Mwami, iwachu twebhwe kubha hano. Ukubha wifuza, ndoyubhaka ibhigambilo bhitatu kimwe chawe, ikindi kubhwa Musa. kimwe cha Eliya. ⁵ Mukanya akihaye ashumula, labha iliho lyela lyahweje libhazanila umutaka, nukubhatwkila kandi labha, hahweje hatuluka uhwaku bhutuluka mubhiho, bhivuga, uyu niomwana wanje mukundwa honshimishwa na wene mumutegeze wene. ⁶ Abhigishwa hobhumva ago, bhalaguye hasi nukufukamanga nukubhana ubhobha chane. ⁷ Yahweje Yesu aza nukubhafatako nukuvuga, "Nimubhyuke kandi ntimutinye. ⁸ Nabho bhakoze nukubhyuka impanga zabho zilangamiye halugulu aliko ntibhamubhonye uyomuntu kusa atali Yesu wenenyene . ⁹ Egoye hobhali bhagiye bhashoka kumusozi, Yesu yalabhalagiye, alavuga ntimuteguze ililyomubhanye mpaka kugela aho humwana wumuntu halobhazuse kuva mubhafuye." ¹⁰ Abhigishwa bhage bhalamubhajije, bhagiye bhavuga nikuki abhandisi kobhavuga lyukubha Eliya atotangula kuza wene ¹¹ Yesu yalabhishuye nukuvuga, "Eliya aloza kukuli kandi alogalusa amagambo gose. ¹² Aliko ndabhabhwila mwemwe Eliya ajayamaze kusohola, aliko ntibhamumenyese. Hanyuma yage, bhamukoleye amagambo gobhagomba bhene ilyo nilyo numwana wumuntu alokabhigaguzwa mulibhene mumabhoko gabho. " ¹³ Niho abhigishwa bhamenyese lyukubha yali avuga inkulu za Yohana mubhatizaji. ¹⁴ Hobhasohola mubhwinshi bhwabhantu umwe yalamugiliye nukumufukamila imbele yage, nukumubhwila. ¹⁵ " Mwami, umugilile ikigongwe umwana wanje, kukubhona yalalwaye ibhita hasi alagolese chane. Kukubha imisi minshi alimo alagwa mumulilo kandi mumazi. ¹⁶ Ndalamuzanye kumwigishwa wawe aliko ntibhayobhoye kumukiza. ¹⁷ Yesu alamwishula nukuvuga, "Mwemwe uluvyalo lutemeje nukuhezagilwa ndoyichala kumwe namwe kugela lyali? ndogumisha namwemwe kugela lyali? numuzane hano iwanje." ¹⁸ Yesu yalalihamwe ilyo lisigo nukumuvako chakikwelele chalakize kuva mwiyonsa nyene. ¹⁹ Bhahweje abhigishwa bhamuzila Yesu kukwihisha nukumubhaza. "Nikkuki tutayobhoye kumuhama. ²⁰ Yesu yakozeko nukubhabhwila, "Kubhwili lyumwizelo mutoli kulyukuli ndimo ndabhabhwila mukabha muli numwizelo nagutoli nugwingana imbuto ya haladali, muloyobhola kugubhwila guno musozi yimuka uve hano uje halya nago guloyimuka nakandi ntahalobhana lyolyose lilonanilana iwanyu. ²¹ ( Gumisha: amagambo gumulongo amachumyabhili na gumwe 21"Aliko ingene iyi yilisigo ntiliyobhoka kuva aho aliko kumasabho nukwiyima" Ntigabhonekana mukitabho chakela). ²² Mwakokanya hobhali bhakiliyo Galilaya, Yesu yalabhabhwiye abhigishwa bhage, "Umwana wumuntu aloshilwa mumabhoko gabhantu. ²³ Kandi bhalomwicha, umusi gwakatatu alozuka."Abhigishwa bhalayinze chane. ²⁴ Kandi hobhasohola kapenaumu, abhantu abhantu bhakonganya ikoli yi nusu shekeli bhalamugiliye Petro nukuvuga, "Intya mwalimu wanyu ahola liha ikoli yinusu shekeli?" ²⁵ Alavuga" Nikwene nyene" aliko Petro hoyinjila munzu Yesu yalashumuye na Petro kwanza nukuvuga, "Wiyumvila ni Simoni? abhami bhakubhwelelo bhakila ikoli nubhushulu kuva kulinde? Kuli bhalya bhagiye bhatozwa kuva kubhalazi. ²⁶ Kandi Petro hoyavuga, "Kuva kubhalazi" Yesu yalabhabhwiye intyo abhagazwa bhakuwemo mukuliha. ²⁷ Aliko ntituze tukabhatela abhatoza bhushulu bhakakola ibhyaha genda muluzi, unugemo indowano, na utole yilya Nsamaki yuzuye kwanza hanyuma yukulumulula umunwa alosage mulya halimo ishekeli yimwe uyitole uhweze ubhaheleze abhatoza bhushulu kulijewe na wewe.