¹ Hanyuma yivyo Yesu yelekeje mu mpande z' ikiyaga ch' Igalilaya, kandi chitwa Tiberiya. ² Ikolanilo dy' abhantu bhagenda bhamukulikila kuko bhabhon' obhikogwa vyiwe vyo gukiz' abhagwaye. ³ Yesu yulila hejulu kukalambhi yichalanayo n' abhigishwa bhiwe. ⁴ (Wa musi mukulu w' Abhayuda witwa Pasika wali wegeleje). ⁵ Yesu yunamuy' amaso abhona bhenshi bhaza kuliwe maz' abwila Filip' ati ''Tulagula hehe imikate kugila dufungulile bhano bhantu bhadye''? ⁶ (Aliko yabhibewiye Filipo kugil' amupime kuko wewe yalimeny' ichogukola). ⁷ Maze Filipo alamwishul' ati nubwo twogul' imikate y' Idenaliy' amajan' abhili ntacho yobhamalila , ntibholonka bhul' umuntu agapande gatoya. ⁸ Andereya , umwe mulibho kandi ni mwenewabho na Simoni Petero alamaubwila ⁹ Yes' ati ''Hano dufis' umuhung' afisi mikat' itanu ha,we n' ifi zibhi;o, aliko vyomal' iki kuli bhano bhantu bhenshi guti''? ¹⁰ Yes' alabhabwil' ati ''Ni mwichalik' abahanyu hasi(Aho hantu halih' ivyachi vyinsi). Abhagabho bhagel' ibhihu,mbhi bhitanu bhavyichalako. ¹¹ Maze Yes' atola ya mikat' itanu alashima, ayiheleza bhadya bhichaye. Kandi n' ifi nazo nyene alazibhagabhulila nkukwo bhali bhakeneye. ¹² Abhantu bhamaze guhaga, yabwiy' abhigishwa bhiw' ati ''Ni mwegelany' ivyo bhivunji vyasigaye ntimutakaze na kimwe." ¹³ Maze bhalavyegelanya bhakulamw' ibhikapu chumi na bhibhili, vy' ibhimanyu bhitanu vy' umukate w' ishayiri vyasigajwe na bhadya bhaliye. ¹⁴ Abhantu bhabhony' icho kumenyecho bhalavuga bhati ''Nukuli uwo ni wa muvugishwa twabwigwa yukw' alikw' alaza mwayinosi''. ¹⁵ Yes' amaze kumenya yuko bhashaka kumufata ngo bhamuhindul' umwami wabho alitandukanya agenda hejulu kukalambhi wenyene. ¹⁶ Hageze kukagolobha abhigishwa bhiwe bhalamanuka bhaja muluzi. ¹⁷ Bhulil' ubwato bhelekez' Ikapelenawumu. (Bhulila kandi Yesu ntiyali bwaze ngo bhamubhone.) ¹⁸ Ikiyaga kimela nabhi kubw' inkubhi y' umuyaga. ¹⁹ Abhigishwa bhiwe bhamaze gusuz' ingafi nka milongw' ibhili na zitanu kugeza milongw' itatu bhabhona Yes' aza hejulu y' amazi y' ikiyaga ; yegeley' ubwato bhalamutinya. ²⁰ Alikw' alabhabwil' ati ''Ni njewe !Ntimutinye'' ²¹ Bhamwinjiza mu bwato maze mukanya gatoyi bhashika ku nkombhe. ²² Umubhagwa wakulikiyeho ikolanilo lilaza maze bhabhona yukw' atabwato bhundi bhuliho, bhabhona bwabhundi bwali bwuliwe na Yesu hamwe n' abhigishwa bhiwe, kandi yukw' abhigishwa bhiwe bhafsh' inzila yabho bhonyene. ²³ (Aliko hal' ayandi mato yaj' av' Itiberiya hamwe bhalila ya mikate chagih' Umwami yashima.) ²⁴ Maz' ikolanilo libhona yukw' Abhigishwa hamwe na Yesu nyene bhatali ngaho; maze bhulil' amatoi bha bhanza kumusakanya Yesu Ikapelenawumu. ²⁵ Bhamusanze kulundi luhande bhalamubwila bhati ''Rabi wagez' ino dyali?'' ²⁶ Yes' alabhishul' ati Nukuli nukuli mwebwe ntimunsha si ku kubw' ibhitangaza n' uko mwaliye ya mikate mugahaga. ²⁷ Ntimugakolel' ivyokudya kuko vyononekala, ahybwo mwame mukolel' ivyokudya vy' ubhuzima bhuholaho bhitangwa n' Umwana w' Umuntu kukw' Imana yamushizekw' ikimenyecho ²⁸ Maze bhalamubwila bhati ''None dukwiliye gukol' iki kugila dukol' ibhikogwa vy' Imana? ²⁹ Yes' alabhishul' ati ''Iki nicho gikogwa ch' Imana yuko mwizel' uwo yatumye''. ³⁰ Maze bhalamubwila bhati ''None n' ibhitangazaki , kugil' ubhikole kugila tubhibhone tukwizele? Ukol' iki? ³¹ Bhasokulu bhachu bhaliye Mana haliya mubhugalagwa kuko vyandichwe ngo ''Yabhahay' ukate wo mwijulu kugila bhadye.'' ³² Maze Yes' abhishul' ati ''Nukuli nukuli si Mose yabahahay' umukat' uva mwijulu ahaubwo nin Data kukw' abhah' ukate w' ukul' umanuk' uva mwijulu. ³³ Kuk' umukate w' Imana ni wawund' umanuk' uva mwijulu kandi niwo uhelez' isi ubhugingo. ³⁴ Bhalamwishula bhati mwami n' uduhelez' uwo mukate mubhihe vyosi''. ³⁵ Yes' alabhabwil' ati ''Ni njewe mukate w' ubhugingo kand' uwundiye wesi ntazosonza kandi ntazobhon' inyota na limwe.'' ³⁶ Aliko nalabhabwiye yuko nubwo mwqambhonye, kandi mukomeza kutanyizela. ³⁷ Abho nahawe na Data bhosi bhazoza kuli njewe, kandi bhul' umunt' anzako sinzomutelela hanze. ³⁸ Kuko sinavanywe mw' ijulu no gukol' ivyo nishakila alaiko naje gukol' ivyo Data yantumye. ³⁹ Kand' ibhi nivyo Data wanje yipfuza nuko ntotakaza n' umwe mubho yampaye, ahubwo nzobhazule kumusi w' ihelezo. ⁴⁰ Ubhu nibwo bhugombhe bw' Imana yuko bhul' u,muntu wes' alabh' Umwan' Kimwizela yakil' ubhugingo bhuholaho; kandi nanje nzomuzula kumusi w' ihelezo. ⁴¹ Maz' Abhayuda bhalamushavulila kubw' ijambho yavuz' ati ''Ni njewe mukat' uva ,w' ijulu'' ⁴² Bhalabhazasnya bhati ''Uwo si nYesu ,mwene Yozefu, kandi se na nyina tukabha tubhamenya? Bhigenze gute none kw' atubwila ngo ''Namache mva mwijulu?'' ⁴³ Yes' alabhishul' ati ''Ntimwido~dombhelane '' ⁴⁴ Nta muntu numwe nyoshobhola kuza kuli njewe adakwezwe na Data yandungiche, kandi nanje nzomuzula kumusi w' ihelezo. ⁴⁵ Kuko muvy' abhavugishwa handichwe ngo ''Bhazokwigishwa n' Imana '' Uwumva wesi maz' akigishwa na Data niw' aza kuli njewe. ⁴⁶ Ntibhisobhanuye ngo haliho numwe yobha yalabhonye Data alik' uwavuye ku Mana niwe yabhonye Data. ⁴⁷ Nukuli lelo uwizeye wesi alafis' ubhugingo bhuholaho. ⁴⁸ Ni njewe mukate w' ubhuzima. ⁴⁹ abhakulambhele bhanyu bhaliye manu m' ubhugalagwa maze bhalapfa. ⁵⁰ Uwu niwo mukate uva mw' ijulu kugila bhul' umuntu wesi awudyaho ntazopfe. ⁵¹ Ni njewe mukate uholahp wamach' uva mw' ijulu. Uwuzowudyaho wes' azokwakil' ubhugingo bhuholaho. Umukate wo nzotanga n' Umubhili wanje kubw' ubhugingo bwayinosi''. ⁵² Abhayuda bhalamushavulila bhalabhazanya bhati '' Uwu muntu yoshobhol' ate kuduhelez' u,ubhili wiwe ngo tuwudye? '' ⁵³ Yes' alabhishul' ati '' Nukuli ndabhabwile neza yuko mutaliy' umubhili w' Umwana w' Umunti mukanywa n' amalaso yiwe, ntabhugingo muzogila muli mwebwe. ⁵⁴ Umuntu wes' adya kumubhili wanje kand' akanyw' amalaso yanje niw' afis' ubhugingo bhuholaho kamdi nzomuzula kumusi w' ihelezo. ⁵⁵ Kuk' umubhili wanje niwo chokudya ch' ukuli kandi n' amalaso yanje niyo chokunywa ch' ukuli. ⁵⁶ Uwudy' umubhili wanje maz' akanywa ku malaso yanje abha muli njewe nanje nkabha muli we. ⁵⁷ Nkuko Data wanje nyen' ubhugingo yantumye kandi nkuko nanje mbhayeho kubwa Data kandi nawe nuyen' akabhaho kubwanje. ⁵⁸ Uwu niwo mukate umanuk' uva mw' ijulu, si nka wawundi bhasokulu bhadfya bhagapfa. Uwuwuwdya wesi ntazokwongela gupfa. ⁵⁹ Yesu yabhivugiye mw' Isinagogi alaimw' alaigish' Ikapelenawumu ⁶⁰ Bhenshi bho mubhigishwa bhiwe bhavyumvishije bhalavuga bhati'' Iki chigisho kilalemeleye none ninde yoshobhola kiuchakila?'' ⁶¹ Kuko Yesu yabhamenye yuko bhamwidodombhela kubw' ivyo alabhabhaz' ati ''Non' ivyo bhilabhachitaje? ⁶² None bhizomela gute ni mwabhon' umwana w' Umuntu amanuch' av' iyo yahoze kela? ⁶³ Mpemu niw' atang' ubhugingo. Umubhili ntacho womala. Aya majambho niyo mpwemu kandi niyo bhugingo. ⁶⁴ Muli mwebwe halachalimw' abhatizela. Kuko Yesu yamenya neza kuva mbhele yuko mulibho halimw' uwutizel' azomiugulisha. ⁶⁵ Alabhabwil' ati ''Nicho chatumye ndabhabwila yukw' atamuntu yoshobhola kuz' iwanje Data atabhimushobhoje''. ⁶⁶ Avuz' ivyo bhenshi mu bhigishwa bhiwe bhasubhil' inyuma ntibhakunda kwongela kumukulikila . ⁶⁷ Yes' abhaza bhadya chumi na bhabhili ati ''Mbhesi namwe mulashaka kugenda? ⁶⁸ Simoni Petero alamwishul' ati ''Mwami twoja kwande, ni wewe ufis' amajambho y' ubhugingo bhuholaho. ⁶⁹ kandi twalizeye twemela yuko wewe ul' Uwela w' Imana.'' ⁷⁰ Yes' alabhabwil' ati ''None si njewe nabhatolanije, alik' umwe muli mwebwe si Satani? ⁷¹ Aho yavuga kuli Yuda mwene Simoni wa Iskariyote, kuko yal' u,we wabho chumi na bhabhili lkandi niwe yalikumuguza.