¹ K' umubhagwa wa Pentekote bhosi bhali bhakolaniye hamwe. ² Ubwo nyene humvikan' igihinda nk' umuyaga minini mukilele ch' idjulu, wamuyaga wuzuz' inzu yosi bhali bhichayemwo. ³ Hedjulu yabho habhonek' ibhintu bhimeze nk' imbeya z' umulilo kuli bhul' umunntu . ⁴ Maze bhosi bhacha bhuzula Mpwemu Yela, bhavugishwa muzindi~ndimi kungana nuko bhashobhodjwe na Mpwemu Yela . ⁵ Hlih' Abhayuda bhalibhadj' Iyelusalemu kuko bhubhah' Imana, bhavuye mubhihugu vyosi kw'isi ⁶ Idyo djwi dyumvikanye litumw' abhantu bheshi bhakungela bhibhatangadje kuko bhumvishidje bhavuga mu ndimi zabho bhavukanye. ⁷ Bhilabhatangaza chane maze bhalavuga bhati ''Abha bhantu bhosi bhavugishwa s' abhantu bh' Igalilaya''? ⁸ Kubhel' iki twumva bhul' umuntu bhavuga mundimi twavukanye? ⁹ Abhapalati hamwe n' Abhamedi, Abhaelamu hamwe n' abha~abha muli Mesopotamiya, Ibhuyuda, Ikapandokiya, hamwe n'Iponto bhe n' Asiya, ¹⁰ Ifiligiya, Pamfiliya, muli misiri nibhindi bhiche vy' Ilibiya kugeza muli kulene hamwe n' abhantu bhavuye bhavuy' muli Roma, ¹¹ Abhayuda hamwe n' abhantu bhahemela mukwizela, Abhakelete hamwe n' Abhalabhu, twesi tulabhumva bhavuga mu ndimi zachu kuvyegeley' ubhushobhozi bw' Imana.'' ¹² Bhosi bhali bhatangaye bhumiwe bhavugana bhati '' Ibhi n' ibhiki''? ¹³ Aliko hal'abhandi bha~bhavuze nabhi bhat' ''Abha bhabholew' umuvinyo mushasha'' ¹⁴ Aliko Petelo ahaguluka kumwe na bhagenzi bhiwe chumi n' umwe, alavuga chan' ''ati Yemwe bhantu bhosi bh' Ibhuyuda na mwebwe mwesi mubh' Iyelusalemu ibhi mubhimenye neza kandi mwumviliz' amadjambo yanje. ¹⁵ Abha bhantu ntibhabholewe nkukwo mwebwe muvyiyumvila , kuk' ubhu n' isaha zi tatu zomugitondo. ¹⁶ Aliko bhino vyali vyalavuzwe na Yowel' umuvugishwa yalavuz' ati ¹⁷ ''Iman' ilavug' iti mul' iyo mibhagwa y' ihelezo nzo suka Mpwemu wanje kubhantu bhosi. abhahungu n'abhakobwa bhanyu bhazovugishw' abhasole bhanyu bhazokwelekwaka,nd' abhatama bhazohabwa kulota. ¹⁸ Kand' abhakozi bhanje bh' abhahungu hamwe n' abhakobwa nzobhasukako Mpwemu wanje maze bhazovugishwa nanje. ¹⁹ Nzokwelekan' ibhimenyecho vyanje mu kilele no hasi kw' isi habh' amalaso n' umulilo bhe no gufumbha kw' umwochi. ²⁰ Izubha lizohinduk' umwiza , kand' ukwezi kuzobha amalas' vyosi bhizokwitangila w' umubhagwa w' Imana w' igitangaza. ²¹ Kandi bhul' umuntu wes' azohamagal' izina dy' Umwam' Iman' azolokogwa. ²² Yemwe bhantu bha Isilayeli nimuvyumve neza: Yesu w' Inazaleti yelekanywe hagati yanyu yuko yemewe n' Imana kubw' ibhitangaza hamwe n' ibhimenyecho kandi nkuko namwe nyene mwavyibhoneye. ²³ Kubhel' umugambhi waliwateguwe kuva kale kubw' ubwenge bw' Imana yalabhemeleye yuko mu mubhamabha mukamwichish' amabhoko y' abhantu bhabhi . ²⁴ Alikw'Imana yalamusize hedjulu, maz' ihindul' umubha~bhalo w'ulupfu gwiwe, kuko lutashobhoye kumugumya. ²⁵ Kuko Dawudi yamuvuzekw' ati'' Nabhony'Umwami wanj' imbhele yanj' imibhagwa yosi, niwali kuluhande gwanje gw' ubhudyo nicho kizotuma nkomezwa . ²⁶ Nichogituma nama nezelewe mu~mutima kand' umunwa wanje naw' ulanezelewe. Nicho gitum' umubhili wanje wama wizigiye. ²⁷ Kuko ntazogumiz' ubhugingo bwanje mukuzimu kand' utazokwemela yuko umugolo~lochi wiw' abhoila. ²⁸ Wamenyeshej' inzila z' ubhuging' uzokwam' unezelez' imbele yawe. ²⁹ Bhene mama leka ndabhabwile neluye kuvyelekanye Dawudi sokulu wachu yuko yapfuye, kandi [ Ikabhuli] yiwe ilihano natwe tulayibhona kuz' uno mubhagwa. ³⁰ Kuko yavugishwa n' Imana yamenya neza yukw'Imana yamusezelaniye ko mubhana bhiwe hazobhamw' umutwale wokuguma ku ntebhe yiwe. ³¹ Yelechwe muli Mpwemu kubhintu bhizobha mubhihe bhiza kuvyo kuzuka kwa Kirisito yuk' atazoguma mwizikilo nuk' umubhili wiw' utazobhola. ³² Uwo Yesu yazuwe n' Imana kandi nitwebwe tuvyemeza . ³³ Kuko yashizwe hedjulu mukubhoko kw' ibhudyo kw' Imana niwe yasuche Mpwemu yela kuva kuli Data nkuko yabhisezelanye kandi namwe mulabhibhona hamwe nokuvyumva . ³⁴ Kuko Dawudi we ntiyaduze mw'ijulu aliko yalavuz' ati '' Umwami niwe yabwiy' Umwami wanje ng' ichala. mukubhoko kwanje kw' ibhudyo ³⁵ Kugeza cha gihe nzohindula bha~bhasi bhawe bhabha musi y' amagulu yawe . ³⁶ Nuko lel' inzu yosi ya Isilayeli nimubhamenye yukw' Imana yamugize kubha Kirisito no kubh' umwam' uwo ni Yesu mwabhavye ³⁷ Bhamaze kuvyumva bhibhakola kumitima yabho maze bhala bhaza Petelo hamwe naza ntumwa bhati '' Bhagenzi dukwiliye gukol' iki ''? ³⁸ Petelo naw' alabhasubhiz' ati '' nimulokoke kandi mubhatizwe , bhul' umuntu wesi mw' izina dya Yesu Kiristo kugila mubhabhaligw' ivyaha vyanyu, kandi mwakile n' ingabhile ya Mpwemu yela. ³⁹ Kuko linosezelano dyateguliwe mwebwe, n, abhana bhanyu hamwe nabhadya bhosi bhali kule bhazihamagagwa n' Umwami kugila bhamwegele . ⁴⁰ Yakoleshedj' amadjambho meshi mukubhahanula, maz' alabwila ati '' Nimuhunge muve mubhantu bhakino gihe kibhi'' ⁴¹ Abhantu bhangana nk' ibhihumbhi bhitatu bhalavyakila kandi bhalabhatizwa. ⁴² Bhul' umubhagwa bhama bhigishwa n' intumwa hamwe no gushila hamwe, bhadya hamwe ku mukate bhe nomuguse nga . ⁴³ Abhantu bhosi bhala~ bhatinya maz' intumwa zikol' ibhintu bhitangadje. ⁴⁴ Abhizeye bhosi bhama bhalihamwe kandi bhagasangila vyosi, ⁴⁵ Kandi bhalaguz' ivyobhatunze bhakabhizana kugila bhagabhulile bhosi kungana n' ukwo bhakeneye. ⁴⁶ Bhama bhalihamwe mulusengelo bhashize hamwe. Bhalila hamwe mumaso yabho, kandi bhagasangil' ivyokudya bhanezelewe kandi bhamelewe neza mu mitima; ⁴⁷ Bhalashim' Imana hamwe no kwemegwa n' abhantu bhosi, maz'Umwam' alabhagwiza bhul'umubhagwa kubwabhadya bhaguma bhalokoka.