¹ Cristo fíxonos libres para sermos libres. Por iso, non vos poñades un xugo de escravitude coma o que tiñades; estade firmes. ² Ollade para min, eu Pablo, vos aseguro que non ides ter ningunha mellora de Cristo, se vos circuncidades. ³ Eu son testemuña para todas as persoas, de que se vos deixades circuncidar, estades obrigados a cumprir a lei, e esquecedes a graza. ⁴ Os que buscan ser xustos pola lei están afastados de Cristo. ⁵ Porque, a través do Espírito, pola fe, agardamos a esperanza segura da xustiza. ⁶ En Cristo Xesús nada vale circuncidarse ou non, senón só a fe traballando mediante o amor. ⁷ Iades correndo ben. Que vos impediu obedecer á verdade? ⁸ Esta certeza non ven de quen vos chama. ⁹ Un chisco de levadura fermenta toda a masa. ¹⁰ Confío no Señor que vos garde para non crer noutra cousa que non sexa a verdadeira boa nova. Calquera que sexa que vos estea amolando terá o seu castigo. ¹¹ Irmáns, se eu aínda proclamo a circuncisión, por que sigo a ser perseguido?. Nese caso a pedra da cruz, que era de tropezo, deixaría de selo. ¹² En canto aos que vos están amolando, que bo sería que eles mesmos se mutilaran! ¹³ Porque a vós se vos chamou á liberdade. Non a usedes para que a natureza pecaminosa campe, mais servídevos en amor os uns aos outros. ¹⁴ porque toda a lei está cumprida nunha palabra: amarás ao teu próximo como se foses ti mesmo. ¹⁵ Pero se vos mordedes e comedes uns aos outros, tede conta de non vos consumir entre vós. ¹⁶ Pero eu digo: camiñade no Espírito e afastádevos do querer natural do pecado. ¹⁷ Porque este querer está defronte do Espírito, e os desexos do Espírito están enfronte aos do querer natural do pecado. Pois estes loitan entre eles, por tanto non sodes quen de facer as cousas que queredes. ¹⁸ Agora ben, se vos guía o Espírito, non estades suxeitos á lei. ¹⁹ Os feitos da natureza de pecado son moi claros: fornicación, impureza e lascivia. ²⁰ Idolatría, meigallos, enemizades, liortas, ciumes, iras, pelexas, divisións, herexías ^sectarismos , ²¹ envexas, borracheiras, orxías e cousas semellantes. Chamo a vosa atención de que os que están afeitos a estas cousas non herdarán o reino de Deus. ²² Pero o froito do Espíritu é amor, gozo, paz, paciencia, benigninade, bondade, fe, ²³ mansedume e dominio propio. Contra estas cousas non hai lei. ²⁴ Aqueles que pertencen a Cristo Xesús crucificaron os desexos da natureza humana coas súas paixóns e desexos. ²⁵ Se nós vivimos polo Espíritu, camiñemos tamén polo Espíritu. ²⁶ Non sexamos fachendosos, provocándonos uns aos outros, envexándonos uns aos outros.