ebenezer-sako-peh_mrk_text

Marki iti brou nin nan

¹ Agnidié ndjian Pâques nin kpanhon bô o woura bô o fata ka bé yo ndjian mah gnon èkanou . Perou mgbangni mô o nin mradifouè mgbangni mô bè kpindè fiabrè atin bô bè sin sou nan ba hi Jésus nan ba hougne. ² Bè kan tchré bè won :yé sié gnariè man yè yo agnidié ndjian nan manvouè mô nan ba man bè won sou." ³ Tem bô Jésus wo Béthanie Simon kokobefouè souanou ,tem bô bè di aliè ,bra kon wrouli nin ngoufani ngotoua kpa bô y goua yé si wo y sanou . O touri sou nan wa fa goua y tissou . ⁴ O wroli bè won.Bè kan tchré bè won :" Nzou tiè a man o croi saki nigué sué ka ? ⁵ Ngoufani nzué so nin bè croi tonin kotokou yanan abroua nou nan ba fa man hianfouè mô."Bè yori mgbangni mgbangni . ⁶ Yiè Jésus wan :" Amô yaki kowhou .O yo sè bô amô fa kowhou a han yio?Wa yo nigué tchreman bô min gnin soye . ⁷ Daa amô nin hianfouè mô ,tem croir bô amô kro nin amô croi yo nigué kpa man bè,koussou min amô sè gnanin daa amô bouekon . ⁸ Wa yo min bô fata.Wa doumoi goua min won ngoufanin issinan ba sié min. ⁹ Nanwrôssou min kan tchré amô , tem croir bô bè kan amanian fê man nou croir ,bô brah èka wa yo ,tem croir bè kan y won djorè" ¹⁰ Yiè,Judas Iscariote , djassifouè brou nin gnon bè nou kon ,o hori mouzué yifouè mgbangni mô dô nin o kouro ka o yi man bè . ¹¹ Tem bô mouzué yifouè mgbangni bè tiri djorè sonin o yori bè fê nan ba boye sika. O kpindè sô bô o yo nan wa yi a man bè. ¹² Ndjian tchritchri bô ti kpanhon bô o wroua man y ndjian, tem bô bè kou mouzué agnimoi mô bô bè fa tôn Paques aliè ,yi djassifouè mô bissari :"Nifan yiè ékouro ka yê kô tôn Paques aliè nion nan awroi di biho ? " ¹³ O soumanin y djassifouè gnon nan wa han hré bè ka: " Amô ho kro nou dô,amô lè hou sounan bié bô nzué boua o wo issa nou,amô di isci . ¹⁴ Sè ho wrô awouro biè nou , amô han hré awourofouè:kpangni wan yé bissa :"soua baa béni nou yiè bè siké mion ,nan min nin min djassifouè mô ya di Pâques aliè?" ¹⁵ O tchré amô soua y tissou dô , soua ba kpri kon bô nigué croir wo nou . Amô tôn aliè dô. ¹⁶ Yi djassifouè mô bè fiteri dô nan ba wrô kro y kounou . Bè ho touri nigué so bô o han hréli bè, yiè bè tônin Pâques aliè. ¹⁷ Nôssoi brè nou,o nin y djassifouè brou nin gnon bè wari. ¹⁸ Tem bô bè wo kpouin sou bô bé di aliè,Jésus wan:" Nanwrè sou min kan tchré amô,amô nou kon nin min sè di aliè o yi min man." ¹⁹ Bè croir bè won a boubou bè,nan bié ala a bissaye:" Min sci ka man mion ? " ²⁰ Jésus han hréli bè:" Amô nou kouhon,sounan bô o nin min sè doi kpanhon kouro kon nou. ²¹ Afinin sounan wah o fité man nou kô ka bè si hannnin y won djorè crata sanwou nou. Koussou yalê lè kan sounan bô o yi sounan wah man, o fata ka sounan sonin sè ba wô yia o fréman. " ²² Tem bô bè ba di aliè,Jésus fari kpanhon,o yirali sou,nan wa boubou nou.Bô o fa man bè bô o hannian:" Amô fa èka,o ti min won nanhan." ²³ O fari kangô,bô o yira sou yuéri o fa mannin bè,nan bè croir ba nou. ²⁴ O han hréli bè," èka ti min modja bô o ti anouanzè y a djranmou h,modja sonin gouari souman bè douman nou. ²⁵ Min kan tchré amô nanwôrè sou,min nou nzan sonin dée djou djian baa bô min nou biékou Famian Gnamian a wouro nou dô." ²⁶ Bè touri a gnidié djué mô,yiè bè hori Oliviers kprô mô sou. ²⁷ Jésus han hréli bè:" Amô croir amô lè wanti min,afinin bè hrèli ka min kou agnimoifouè nan agnimoi mô ba sandi." ²⁸ Y sone croir scin min tigué,min doumoi Galilée. ²⁹ " Pierre han hréli : Sè bè croir bè wanti wo min di min wanti wo." ³⁰ Jésus han hréli:" Nanwrô sou min kan tchré amô,Kogouè bôbô tem bô akô nouman lè bô kpè gnon èkan kpè nzan ka è nzi min." ³¹ Yiè Pierre han hréli :"sè o fa ka min nin wo yé woua, min wanti wo." Yiè bè croir bè bouari. ³² Bè fitéri brè, bè djouri nika kon bô bè frè yi Gethsémané,nan Jésus han hréli y djassifouè mô:" Amô tran è wa min kô srè zrè." ³³ O fari Pierre,Jacques,nin Jean,yiè awroibô hannin nan y a djounin a sanga. ³⁴ O han hréli bè:" Min kra wo gnalè kpri kpa nou bô o fa yi kô éwoué nou.Amô ha è wa nan amô si pè." ³⁵ Jésus hori y gnounou kanh ,y won yori bassaa nin wo srè zrè ka sè o croi yo yé man man y sô dohon sô tou min. ³⁶ Y wan," Abba,Baba,è croi nigué croir yo.Yi afè fité min won.Man o yo bô min krou kouro koussou man o yô wo diè." ³⁷ O sari y sci nan o trô bè nin bè dafi,nan wa han hré Pierre:" Simon è dafi ? è groi wuri dohon kon ? ³⁸ Wuri nan srè zrè nan a dô abosamin y djidjiriwa nou.Wawouè nigué souman yori wa wo y nou koussou a wonnan lè y won fanga." ³⁹ O sari isci bô o kô srè zrè biékou wa sa djorè sone mô nou. ⁴⁰ O ho trô bè nin bè dafi,dafrè nin aboubè nin bè nzi bié sé. ⁴¹ O sari y sci kpè zan sou nan wa han hré bè:" Amô wonmin wa nou dafrè yiè amô dafi ? wa boussou kassian ! Tem nin wa djou. ⁴² Yia ! Sounan wah bè yi man êtè yo fouè mô.Amô yassou,amô man yê ho.Nian,bô yo yi min man o ba." ⁴³ Tem bô o djoudjô,yiè bè brou nin gnon kon,o djouri brè nin sodjafouè mô kouro kpri bè sa nou pia mô nin baka mô,pero mô gbangni,mra difouè mô nin asonin gbangni. ⁴⁴ N'gbodo-ngbofouè o man nin bè zoriè,yiè y wan:" Sounan bô yiè min foufou y nouan won,yio.Amô hi amô lè fa y kôa amô nian y sou kpa. ⁴⁵ Bô Judas djouri brè,yiè o hori Jésus y won,nan wa han ka," kpangni ! " yiè o foufouri y nouan won. ⁴⁶ Bè fari bè sah fouari y won nan ba hi. ⁴⁷ N'dè -ndèbrè, bè nou kon hunin pia nan wa kpè mouzué yi fouè kpangni y djouman difouè y sou. ⁴⁸ Jésus han hréli bè :" O fata ka amô ba min sou nin pia mô nin baka mô ka kôdiahou fouè lè min ? " ⁴⁹ Ndjrètchrè fouè kpa djian maa croir min wo asonin soua nou nin amô ,amô ngroi djimin. Koussou o fata ka sone ba nan bô bè hrèli nan wa yo so. ⁵⁰ Bè bô bè nin Jésus wo brè bè yakiri nan ba wanti. ⁵¹ Kpafounan bah bié di y isci , y bê sou tanin ngoumin yiè o kata y won. Bè kroka bè tchi y koussou ⁵² O yakiri y bê tanin touri nan wa wonti y nin won kpro . ⁵³ Bè fari Jésus hori perô kpangni y djassou ,ninka bô o nin mgbangni mô bè yia brè ,mgbangni mô, mradifouè mgbangni mô . ⁵⁴ Pierre o di be isci nin o dè bè , nan wa hro perô kpangni awronou. Wa tran y gradi fouè mô bè afian scin won brè wo tou scin. ⁵⁵ Pero mô bè kpangni o nin y mgbangni mô bè kpindè tou y souan,nan ba fa sou a hougne .Ba gnan djorè fi y won ; ⁵⁶ Afinin souman bè di adassin tê y won, koussou bè adassin o yia man. ⁵⁷ Biémo bè djassou nin bè di adasiè tê goua y won.Bê won : ⁵⁸ "yè tiri y nouanou ka ,min bou assonin soua èka nan èlè san sou man si foufrè bô man sounan yiè o siô. " ⁵⁹ Djorè sone sou bè adasiè wa yia ⁶⁰ Perô kpagni djassou djnanin bè afian nan wa tou Jésus kossan :"Èlè bié ngan? bo fi bô sounan mô bè kan goua o won?" ⁶¹ O hari kohoun wa ngan djorè fi .Biékou perô kpangni touri kossan djorè sô mô sou : "Wo lè Christ ,bah bô ngnira wo y sou ? " ⁶² Jésus mannin moyé : " mion.yiè éhouye sounan wah,tem bô o ti Gnamian bô lè kroi y sa fomrô sou nin o djira gnamian koussou sou . " ⁶³ Perô kpangni titiri y won tralè y wan : " yê hian adaziè biékou ? ⁶⁴ Amô bôbô amô ati y béki djorè bô hannin . Amô djinan béni sou ?" Bè bouri y fouô ka wa yo y sô djorè so mô o fata ka o wou . ⁶⁵ Mié mo touri bè nouan nzué gouari y won bè kpakiri y gninsou nan sé ka : " Tchianmin bo djorè bô o ba mô sou tchré yê !"Sodjafouè mô bè fari hori nan ba fi y mgbré. ⁶⁶ Nin Pierre wo awouro kounou ,perô kpagni y awouro djouman difouè bra kon wari y nika . ⁶⁷ O wounnin Pierre tem bô nin o wo scin y bouekon wo tou scin. O siéri y gnariè kpa . Nan wa han hré :" O koussou èwonou bié nin è nin Jésus bô fi Nazareth." ⁶⁸ Min nzihi:" Min nzi min di bô èkan y bou." Brè nin o fitéri awouro nou nan akônouman a bô. ⁶⁹ Koussou awouro nou dô,Pero y djouman difouè bra o wouni nan wo kan biékou tchré bè bô bè wo y won brè:" Bian ka o wo bè nou bié ! " ⁷⁰ Koussou wa tia sa biékou.Bo o yo kanh bè bô bè wo brè bè han hréli Pierre ka:" Sakpassou è ti bè nou fouè mô bié afinnin è ti Galiléen fouè." ⁷¹ è,o kan nda goua y won ka man mio :" Min nzi sounan bô amô sè kan y djorè." ⁷² N'dè-ndè brè akô nouman a bô kpè gnon.Nan Pierre y gnin a kpin kpin djorè bô Jésus han hréli mô sou:" Déhé bô akô lè bô kpè gnon è kan ka è nzi min kpè nzan." Nin y gnin moin goua.