¹ Tem bô Jésus o fité asonin soua nou, y djassifouè kon han hréli,kpangne nian yêbouè ndjrèman soua bô ba si ! ² O mannin moyé : Amô houn soua kpri ka mô ? yêbouè fi ngroi nga y mangon sou nan wa doutou goua. ³ Tem bô nin o ti kpro bô bè frè bè olivriers mô sou bô nin y gnin toua asonin soua,Pierre,Jacques,Jean o nin André bè bissari a hanmian : ⁴ " Kan tchré yê tem bô nigué so mô lè djouo,nan a hré yê zoriè bô yê fa sio ka nigué so mô wa djouo ? ⁵ Nan Jésus wa han hré bè ka : Amô sié amô gnariè nan sounan fi a naka amô. ⁶ Souman bè ba min douman nou nan ba han kaa : Mi lè Christ nin. Nan ba fa souman a ho miniwa nou. ⁷ Bô amô lè ti loye mô nin i won djorè mô,man kohoun kan amô.O fata ka nigué so mô ba,koussou o ti man mangne yi awuériè. ⁸ Manh bié lè yassou kô kpidè y mangon ngodi nan famian awouro kon lèyassou kô kpidè y mangon ngodi.Asiè mô lè kpoussou nika croir,êhoye mô lè kpin. O yo ahouriè gnalè y bou bôbrè. ⁹ Amô sié amô won gnariè. Bè yi amô man gbangni mô,nan ba fi amô mgbré asonin soua nou.Bè fa amô kô djorè diri wa nika mô nou nin famian mô gnounou min douman nou.Y sonin o yo adasiè man bè. ¹⁰ Bô y sinan djorè so nin wa djou a mannian fè fata ka o tédé nika croir. ¹¹ Tem bô bè tchi amô bô bè yi amô man,man amô won yo amô kohoun man amô djounin bô amô lè kan.Brè sonin bô amô lè kan bè fa man amô.Man amô yiè amô lè djoudjo,adjounin sanwou yiè wo djoudjo. ¹² Aniaman lè yi y niaman man nan ba houï,nan sciè koussou y wah.Maa mô lè yassou bè sci mô sou nan ba fa bè a ho éwoué nou. ¹³ Bè croir bè kpô amô mi douman nou.Koussou sounan bié ala bô o mian y gnin djou y ahuériè o fité nou. ¹⁴ Tem bô amô lè houn nigué bô bé yo man bô o ti zakiè nigué bô wa yan boussou ni ka kon bô o fa ka o yan boussou brè. Bô o kinga o ti y bou.Bè bô bè wo Judée bè wanti ho kpro mô nou. ¹⁵ Sounan bô o wo y soua iti sou nan man o djira y soua nou ka ho kô fa nigué bié. ¹⁶ Nan bô o wo fiéssou man o sa issi ba fa y tralè. ¹⁷ Koussou yalè lè kan bra bô bè wonzè mô nin bè bô bè man gninfran y so djian bô o sin brè nou. ¹⁸ Amô srè zrè nan man o yo wawa brè nou. ¹⁹ Awondié kpri bô o ba tôamô sou bié touri amô lé ka djian maa mô bô bè sinnin mô- nou, ²⁰ sè Gnamian wa di djian maa mô soua sounan fi sè mvité nou. Koussou bè bô yiè Gnamian frèli bè ,o nin bè bô yiè Gnamian yiri bè,bè djian maa mô sou lè ti. ²¹ Sè sounan bié kan kiré amô : "Amô nian ,Christ yia! " Amô nian yiè ho wo brè ! " man mô dafi sou. ²² Ofi ka Christ tè mô,nin djianmin tè mô bè yi bè won fité.Bè yo atrè djorè mô nin dôbô dôbô djorè mô,nan ba mian bè gnin a daka Gnamian maa bô wa frè bè mô. ²³ Amô sié amô won gnariè ma doumoi han nigué sô mô a hré amô. ²⁴ Côssou bô afèe kpri sone o scin nin,éyua lè yo coussou,Sra sè groi da man wuégni, ²⁵ Zrama mô bè fité Gnamian sou tô,toumi mô bô bè wo Gnamian sou bè kpoussou. ²⁶ Yiè bè hou sounan wah bô o yi y won fité Gnamian sou,o nin toumi kpri kpa nin anoumougnan. ²⁷ Yiè,o fa y soumanfouè mô ba,nan ba houan bè bô o frè bè mô bè bô bé fi a kpa kpa nan nou bè nouan,bô fi assiè nin ayuériè dé kô Gnamian sou ayuériè. ²⁸ Amô fa adjounin gnédra bô o bouri tronman baka y won.Tem bô y gnawa lè kprô goua yaki y sama mô nan o bô y bou fifè nin amô sci ka wawa nin wa bô y bou. ²⁹ Y sô biékou, bô amô lè hou nigué sô mô y babrè nou,amô sci kpa ka o wo kôkô.O wo anouan nou brè. ³⁰ Nanworè nou ,min kan kiré amô,brè sô nin sè nzin nan y sô nigué mô wa djou sou. ³¹ Gnamian sou nin assiè bè scin koussou Gnamian nouan djorè o nzin manlé. ³² Koussou djian nin tem sounan fi nzi,y souman fouè mô bô bè wo Gnamian sou,nin y wah,koussou siè gômin. ³³ Amô sié gnariè!amô nian amô wonssou,ofi ka amô sè nzi man tchian bô nigué sô mô lè baho. ³⁴ O fari sounan bô o kô atin nan wa yaki y awouro y pafouè mô bè sa nou.O fari bié ala y djouman mannin.O hannin tchidjin hréli grade fouè ka o di y souanin anouan y gradi. ³⁵ Amô sié amô won gnariè kpa,ofi ka amô nzi man djian bô awouro kpangne lè baho.O kroi sa issi ba nosoua,manmounian,bié koussou albadjian bô akô mô bè bô. ³⁶ Sè o founou ba man o tou amô ka amô sè dafi. ³⁷ Bô min kan kiré amô,min kan tchré sounan mô croir : Amô nian amô wonssou.