ebenezer-sako-peh_jhn_text

Jean Iti brou nin motchouè

¹ Bo sone sin nin,Jésus hun-nin y won hori Cédron kouman y bouékon dô nin ka kon bô wonminiwa nin ka wo o nin y djassifouè mô. ² Judas bô o yi man,o si nin ka sô dô bié o fi ka Jésus nin y djassifouè mô bè ta kon nika sone nou dô,o wo bè nou bié. ³ Y sone Judas o hô soumannin Sodjafouè mô nin bè gbangni mô bô nin kouro gbangni mô nin tchianmin mô bè kô nin ka nou dô nin bè sah nou têhè, kannian mô nin loye nidjé mô. ⁴ ́Y sone Jésus bô o si nigué croir,o ba bè nin ka nan wa bissa ka:"Wan yiê amô sè kpidè yio? ⁵ Nan ba man y moyé:"Jésus bô o fi Nazareth yiê yê kpidè yio" Jésus mannin bè moyé:"Mion."Judas bô o hiri mannin o nin sodjafouè mô. ⁶ Jésus mannin bè moyé:"Mion"bè bori si nan bè croir batô asci. ⁷ Nan wa bissa bè biékou:"Wan yiê amô sè kpidè yio?" Nan ba man y moyé:"Jésus bô o fi Nazareth. ⁸ Jésus mannin bè moyé:"Man doumoi han hré amô ka mion.Yiê min sakpaha yiê amô sè kpidè ho amô yaki bè nga mô bè ho. ⁹ Sô mô croir wa sin issi nan y sô djorê sone wa yo y nouan sou:"Bè bô yiê e fari bè mannin min,biéfi amini man." ¹⁰ Yiê Simon Pierre bô pia wo y won,wa fa kpè kouro kpangni y djouman difouè kon y sou fomorè. Djouman difouè sone bè frè y Malchus. ¹¹ Jésus han hréli Pierre:"Fa pia wroua y kotokou nou!O mvata ka min nôn kangô bô min sci va mannin min nou?" ¹² Sodjafouè mô bè kro o nin bè sou kpangni nin Juifs mô bè sodja gbangni mô ba hi Jésus nan ba tchitchi. ¹³ Bè fari fa brali Anne,bô yiê o ti Caïphe issia.Caïphe nin o ti mouzué yifouè kpangni afouè sone, ¹⁴ yiê wo ti sounan bô o han hréli Juifs mô ka o ti mvassouè ka sounan kon wou man manvouè mô croir. ¹⁵ Simon Pierre o diri Jésus sci,o nin djassifouè biékou.Djassifouè sone mouzué yifouè kpangni ho sci,yiê o nin Jésus bè roli mouzué yifouè kpangni yi awouro nin y kounou. ¹⁶ Koussou Simon Pierre o dji foufoué nou a nouan gnounou brè.Yiê djassifouè biékou mouzué yifouè kpangni sci nan wa djoudjô djouman difouè brah bô yiê o nian anouan sou nan wa fa Pierre a hro. ¹⁷ Yiê djouman difouè brah bô o nian anouan sou wa han hré Pierre:"Manhan bian y djassifouè bié lê wo? Man bié lê min." ¹⁸ Djouman difouè mra mô nin sodja bè gbangni mô nin bè dji dji brè;Ba trô bè sin afinin nin êyerè wo nou nin bè tô sin.Pierre o nin bè bè wo brè ho,o dji brè nin wo tô sin bié. ¹⁹ Mouzué yifouè kpangni o touri jésus kossan y djassifouè mô sou nin y djrètchrè won. ²⁰ Jésus mannin moyé:"Tem croir min djoudjô huégni manvouè mô gnounou,min man djrètchrè Juifs mô bè agnia nin ka mô nou nin asone soua mô nou bô juifs mô kouan bè nouan.Man gan djorê fi fiabrè nou. ²¹ O yo sè bô ê tou min kossan?Bissa bè ndè bè bô bètiri bô min ngannin. ²² Tem bô Jésus hannin sone huéri,sodja gbangni nou kon bô ho dji y won brè nan wa figne,nan wa han hré y:"Y soua sou yiê o fata ka ê man mouzué yi fouè kpangni y moyé?" ²³ Jésus mannin y moyé:"Sè man djoudjo tê,kan tchré min;koussou sè min mannin moyé kpa kan tchré min,o yori sê bô ê fi mion?" ²⁴ Jésus bô nin ba tchitchi Anne fari hori mouzué yi fouè kbangni Caïphe y nika. ²⁵ Pierre dji nin ka sone nou brè nin wo tou sin.Ba bissa y:" Manhan y djassifouè mô nou kon bié lê wo?" Min nzye nan wa han ka:" Min nzye bôbô!" ²⁶ Mouzué yifouè kgangni y djouman difouè bô ti aboussouan nin bô Pierre kpèri y sou wa han ka:"Man hou wo nin yi wonmilê ninka nou dô?. ²⁷ Y biékou sou y wan wo nzye,nan ndê nou brè akônouman wa bô. ²⁸ Bè fari Jésus hori Caïphe won dô bè djorè diriwa nin ka nou dô.Djrêmo toutou.Bè bôbô ba hro djorè tiriwa ninka nou do afinin bè gouro ka mouzué kan bè nan ba ngroi ni Pâques. ²⁹ Yiê Pilate fiteri nan wa bissa bè:" Nzou djorê yiê amô agnan yi sounan sô won? ³⁰ Ba man yi moyé:"Sè sounan sone o ti kodiawoufouè,angan yê fa mra wo." ³¹ Pilate han hréli bè:" Amô bôbô amô fa y nan amô di iti djorê ka amô mra wo tchré djou:" Bè han hréli Pilate:"Yê mra o man yê ati nan ya fa fobouo atou sounan won nan ya hougne." ³² Bè kan sô mô nan Jésus nouan djorê wa hroi yo y nouan sou tem bô nin o tchré éwoué sué bô o wou. ³³ Yiê Pilate o hroli djorê diriwa ninka nou dô biékou,wa frê Jésus nan wa bissaye:" Ê ti Juifs mô bè famian? ³⁴ Jésus han hréli:" Wo bôbô yiê ê tou min kossan sô nion,anzère bè yiê bè han hréli wo ka ê tou min kossan? ³⁵ Pilate mannin moyé:" Juifs lê min? O manvouè mô nin nou asone gbangni mô ba yi wo aman min.Nzou yiê a yo?" ³⁶ Jésus mannin moyé:"Min famian diriwa brè o nin manhan ka nou wa.Sè o ti ka o ti sô,angan min djouman difouè mô ba doumoi hon aman min nan ba ngroi yi min aman Juifs mô.Ê nian kpa min famian di brè o nin manhan ka nou wa." ³⁷ Pilate bissari:"Famian lê wo tiho?" O mannin y moyé:" Wo yiê ê hannin ka min ti famian.Y sô ti aman bè wouli min y sô ti aman min m'mari manhan nou assa biékou man di nanworè y won adaziè bè croi bô bè ti nanworè diè bè tié min nin." ³⁸ Pilate han hréli:" Nanworè lè béni?" Issi bô o hannin sô,o fitéri nan wa han hré Juifs mô:" Man hou nigué bô o ti kodiawou yériè bian sô nou. ³⁹ Amô aman-mrè yiê o man ati nan ba yi awaa-nou toufouè kon Pâques djian.Yiê,amô kouro ka min yaki Juifs mô bè famian nou?" ⁴⁰ Bè tiannin biékou nan ba han ka:" Man sounan sô nion, koussou Barabbas!" Sanhan Barabbas o ti kodiawoufouè.