¹ Kassian issi nan ba di agnidié djian Pâques,afinin Jésus sci ka y tem wa djou o fité manhan nou kô y sci nin ka,nin kourolè bô o lè man bè bô bè ti y diè bô bè wo manhan nou,o kouro bè déhé djou man nin ahuériè. ² Kassian abozame (diable) a doumoi fa woura Judas Iscariot y arombaa nou,Simon wah,wa yi Jésus aman. ³ Nin Jésus si ka y sci wa fa nigué mô croir wroua y sah nou assa koussou o sa y si biékou Gnamian nin ka. ⁴ O yassouri aliè diriwa kpouyin won nan wa yi y tralè bô o kpro kon sou.O fari ngowroua nan wa fa kpè y bou. ⁵ Y si nan wa fa nzué goua botiki nou nan wa bo y bou nin wo houzi y djassifouè mô bè dja nan wa fa ngowroua bô o kpè y bou nan wa fa nounou bè dja. ⁶ O ba tô Simon Pierre,nan Simon Pierre a han hré y ka:"Mian,è bouaboua wo won nan a wa houzi min dja mô?" ⁷ Jésus mannin moyé ka:" bô min sè yo min bouaboua nan man yo,amô ndi man y bou tchénouye,koussou a mô lè ti y bou tchienbié. ⁸ Pierre han hréli ka:"È houzi min dja mô lé".Jésus mannin moyé sè man houzi o dja mô,è gnan man boussou lé nin min." ⁹ Simon Pierre han hréli:"Mian man houzi min dja mô gommin,koussou min sah mô nin min ti bié." ¹⁰ Jésus mannin moyé:"Bô wa doumoi bia o djian ka bè houzi y dja mô nan y won a fié kroi-kroi;amô won fié koussou man a mô croiwo. ¹¹ Jésus si bô o yi man;iti aman o kan so nion:"man amô croi yiê amô won fié wo. ¹² Tem bô Jésus houzi nin bè dja huéri nan wa fa y tralè mô nan wa tran asci biékou, wa han hré bè:"Amô sci bô man yo aman amô? ¹³ Amô frè min mian nin kpangni. ¹⁴ Sè min bô min ti kpangni bô min ti mian man hroi houzi amô djah mô o fata ka amô koussou amô houzi houzi amô won djah mô. ¹⁵ Man hré amô ka amô yo djouô issi nan amô nian sou ka min yo mannin amô. ¹⁶ Nanworè sou,nanworè sou,min kan tchré amô,djouman difouè y kpangni dra man kpangni bô o di djouman mangne;man soumanfouè yiê o tra bo souman nin nion. ¹⁷ Sè amô si sô nigué mô,gnira wo amô sou sè amô di soua. ¹⁸ Min gan amô croir amô won djorè,afrin min si bè bô man yi bè mô-koussou min kan sô mô croir nan nouan djorè bô bè hannin nan wa yo sô:"Sounan bô o di min kpanhon wa man y djassi sou o tô si min. ¹⁹ Min doumoi kan sô tchré amô a ka y si nan wa yo y nouan sou,y si nan amô hroi dafi sou ka mion. ²⁰ Nanworè sou,nanworè sou,min kan tchré amô,bô o sô min nou nin wa sô bié ala bô min souman y,nan sounan bô o sô min nou nin wa sô bô o souman nin min nou. ²¹ Bô Jésus hannin sô nin,nin y adjounin nou a sanga,o hannin huégni:" Nanworè sou,nanworè sou min kan tchré amô,amô nou kon o yi min man." ²² Y djassifouè mô bè nian nian bè won,bè bissa bè won wa diè Jésus sè kan y won djorè. ²³ Nin kpouyin won brè nin djassifouè bô o da Jésus koukroué sou,bô yiê o kouré y. ²⁴ Simon Pièrre nin o tô djassifouè sô nin y assouré nan wa han ka:"Kan kiré yê wan yiê Jésus o kan y won djorê." ²⁵ Djassifouè sone o kissari Jésus y koukroué sou nan wa bissaye:"Mian, wan ho? ²⁶ Y si Jésus séri ka:" Bô yiê kpanhon bô man titi nou min fa y nou bié man y."Tem bô o douari kpanhon o fa man Judas,Simon Iscariot y wah. ²⁷ Bô o diri kpanhon huéri, yiê bozame hroli y nou.Jésus han hréli biékou:"Bô a kinan sou bô ékouro ka é yo,yo y nènè." ²⁸ Bè bô bè wo kpouyin won bié sounan fi nzi djorè bô man Jésus sè kan sô. ²⁹ Bié mô djounin ka,afinin Judas yiê o nian asonin alaka sou,yiê Jésus o kan kiré:"Tô nigué mô bô yé hian bô yê fa di agnidié djian.Mié mô djounin ka o fata ka o man hianfouè mô bè nigué. ³⁰ Bô o gnannin kpanhon huéri,Judas fitéri brè nènè;nin kôhon-ngouè. ³¹ Tem bô Judas fitéri,Jésus hannin ka:"Sounan wah wa gnan kanvoulè,yiê Gnamian koussou wa gnan kanvoulè y nou. ³² Gnamian kanvou nin y won y nou,nan wa kanvoulè y dja nou brè. ³³ Matran kan kan mô min nin amô yê wo brè tem kan bié.Amô lè kpidè min ka min gan djréli Juifs mô."Nin ka kon bô min kô amô sè ngroi ngô dô bié."Kassian min kan tchré amô koussou bié. ³⁴ Min man amô mra foufrè,o fata ka amô kouro amô won;ka min va gouro amô,y sô nin o fata ka amô hro hro amô won bié. ³⁵ Y nou,yiê sounan mô lè hou ka amô ti min djassifouè,sè amô lè kouro lè man amô won. ³⁶ Simon Pierre han hréli:"Mian nifan yiê è kô?" Nan Jésus a man y moiyé ka:"Nika kon bô min kô,è ngroi ni min si,koussou é di min si kassian." ³⁷ Pierre han hréli:"O yo sè bô min groi nin wo si tchénou? min fa min gouan man wo" ³⁸ Nan Jésus a man y moiyé:"È fa o gouan yi mouzué man min?Nanworè sou,nanworè sou,min kan tchré wo,akônouman o noumoia mo nin a doumoia han ka è nzi min kpè zan.