¹ Uwakumbuse kunyanyahala ivilongozi na udahi , kuwazumila na uchinta wa chila ndima yedi. ² Uwakumbuse wasekumdamanyiza mntu yoyose vihiye. Waleke mahigano wawenke nafasi wantu watuhu mwekudamanya ungi na kulagisa kunyanyahala mwa wantu wose. ³ Mwe viya suwe naswi nachina ufanyanyi wihiye na kuhiga, nandile chaga nachidamanywa wasigilwa mwe ungi ulozize na ubwedo, nachikala mwe finju na wavu, nachihiza na kwihiwana. ⁴ Mna chipindi cha mbazi za Chohile mlokozi ywetu na ungi wakwe mwe wantu umo uwoneka, ⁵ Haitendile mwe ntendwa zetu za kuwagila chidamanye, mna nakachigombela mwe mbazi zakwe, nakachigombela mwe kuchisunta mo kwelekwa uhya na mwekudamanywa uhya mwe Muye Uukukile. ⁶ Chohile naketila Muye Ukukile mwe ulozize mnanga mwetu, kujinkila Yesu Kulisito mlokozi ywetu. ⁷ Nakadamanya vino chani kugamaba, chikatenda chawazizwa wagilo wa mbazi zakwe mo kuhangana mwe chindedi cha kwikala kale na kale ⁸ Uno ni ulosi wa chindedi, nawaunga myalonge mwe ukankalu mbulin zino chani kugamba wadya wakumzumila Chohile watende na ungi mlanga mwe ndima yedi, iyo nakaika kulongozi kwawo , mbuli zino ni ntana na ulozo mwe vikulanga wantu wose. ⁹ Mna wenege na mahinyo ya chihezi saviya mahigano na nkumbizi kulanga sigilizi mbuli zino hazinz mana hata ulozo. ¹⁰ Mlemeleni yoyose akuleta usongaganyi mgati mwenyu, akajika hokufundwa yumwenga hegu waidi. ¹¹ Mnyani kugamba mntu we inamna iyo kaileka sila ideleke naho adamanya masa kwekantila mwenye. ¹² Umo nanimsigile kwako Artemi hegu nahoTikiko utende upesi wize kwangu kuno, Nikopoli ambaho sunga kwikala chipindi cha mpeho. ¹³ Utende upesi naho umsigile Zena mbala mwe sigilizi na Apolo, hahana kuhungukilwa ni chintu. ¹⁴ Wantu wetu waungwa wahine kulonda mwe ndima ntana izo zikunga mbuli zawo chani kugamba wanese kwiza wakatenda hawakweleka matundu. ¹⁵ Wose wehamwenga na miye wakulamsa. walamse wadya wakunga mo utondowazi wedi utende na nyuwe naywi nyose.