¹ Ivyo nawaunga, walukolo kwa mbazi zakwe Chohile, ilavyeni imili yenyu itende lavyo itendile ujima ukukile ukuzumilwa kwa Chohile Dino nidyo idivikilo dyenyu dikwikala dikukiled ikuzumilika kwa Chohile. Uno nuwo uzumizi wenyu wenye ukuwagila. ² Naho msekutongela ye isi ino mna mhitulwe kwa kutendwa uhya na mbuli zenyu tendani vino mbule kummanya utana wa Chohile yekale vyedi na vijinkile. ³ Kwa viya nalonga kwa chausa cha wedi ninkigwe kugamba chila mntu eli hano mgati mwenyu hakungwa kulafya vikujinka kulanga kwakwe mwenye ukaleka ivyo akungwa kulafya. Mna kutende kulafya kwa ntunyo saviya Chohile kawenka chila yumwenga chidodo chisiku cha utondowazi. ⁴ Kwa viya china vitago vilozize mwe mwili umwenga mnalo siyo vitago vose vina ndima imwenga. ⁵ Ivyo ivyo suwe chiloza du mwili umwenga mwa Kulisito na vitago chila chimwenga kwa mnyawe. ⁶ China kalama zikale hezikuligana kwa wedi mwinkigwe uneva kalama ya mntu ni muoni naitendeke kwa kadili ya utondowazi. ⁷ Uneva kalama ya mnyu mndima naijese uneva mwe mntuhu anakalama ya kuhinya bule ahinye. ⁸ Uneva kalama ya mntu ni kuhoza bule ahoze uneva kalama ya mntu ni kulavya adamanye sa ivyo kwa kwelelwa uneva kalama ya mntu ni kulongoile na didamanyike kwa kusinyisa uneva kalama ya mntu ni mwe kudosa mbazi naidamanyike kwa kwelelwa ⁹ Ungi usekutenda na ubafu ihiwani wavu msekuguhilana yatendele matana. ¹⁰ Kulanga ungi wa walukolo mungane wenye kwa wenye kulanga ntunyo mtunyane weye kwa wenye. ¹¹ 11 Kuhusu bidii msekulegela kuhusu muye tendani na kwelelwa kuhusu Zumbe mtunyeni. ¹² Elelwani no utogi mnanawo kususu mazuwa yakwiza mtende na kugoja mwe mbuli yenyu mwikale mo kulombeza. ¹³ Mtende mwe kunga amahitaji yo mwili londani sila zongezeke za kudoseza utana. ¹⁴ Waungileni vyedi wose wakuwasulumiza nyuwe wajimbikeni naho msekuligita. ¹⁵ Elelwani hamwenga na wakwelelwa ilani hamwenga nawo wakwila. ¹⁶ Mtende na mbuli imwenga nyuwe kwa nyuwe msekufanyanya kwa kwefenya. Mna wazumileni wantu wa hali ya hasi msekutenda na ntunyo ya kuwaza kwenyu wenye. ¹⁷ Msekumliha mntu yoyose wavu kwa wavu tendani mbuli zedi ha meso ya wantu wose. ¹⁸ Uneva vikadahika sa ivyo ikigwe kwenyu mtende na utondowazi na wantu wose. ¹⁹ Wambuya msekwelihila vihiye nyuwe wenye mna inkeni itendekele masungu ya Chohile kwa viya idolonywa. ²⁰ Mna uneva mnkondo wako ana sala mwankizeni uneva ana nchilu mywese kwaviya ukadamanya saivyo mwawahaila makala ya moto kulanga ko mtwi wakwe. ²¹ Usekusindwa ni wihi mna ushindeni wihi kwa wedi.