¹ Paolo mndima ywa Yesu Kulisito,etangwe kutenda mndima na kusentwa kwa Causa cha Chohile. ² Uno nuwo ulosi wedi wa Chohile udya alongaga kujinkila waoni wakwe mwa mawandiko yakukile ³ Nikulangwa elekwe kulawa mo lukolo lwa Daudi kwa chausa cho mwili. ⁴ Uyo nakalongwa mwe mwana ywa Chohile mo udahi wo muye ukukile mo ugubulo wa wabanike . Yesu kulisito Zumbe ywetu . ⁵ Kujinkila uyo chihokela wedi wa usigilwa no uzumizi wo utondowazi mgati mwe izisi zose kwa chausa che idizina dywakwe. ⁶ Mgati mwe izisi zino Nyuwe nanywi mwitangwa kutenda wa Yesu Kulisito. ⁷ Ibaluwa ino ni mwa wose we Lumi wakungigwa ni Chohile wetangwe kutenda wantu wakukile wedi noutende mwenyu no utondowazi kulaila mwa Chohile Tati ywetu na Zumbe Yesu Kulisito. ⁸ Ivyo namtogola Chohile ywangu mwa Yesu Kulisito kwa chausa chenyu nyose, kwa viya utondowazi wenyu walongwa mwe isi yose. ⁹ Kwaviya Chohile ni mukuzi ywa uyo humsankanila mo muye wangu mwe ulosi wa mwanawe. Ivyo nitogile mokuwalonga . ¹⁰ Kale na kale nawalombezeza mwe malombezo yangu kugamba mwe sila yoyose ni bule udumo kutenda na ugoli haluse moukunga mwa Chohile mo kwiaz kwenyu ¹¹ Kwaviya nabesa niwawone chani nidahe kuwenkani nyuwe awamwenga jeleko dyo muye kuwatogeza. ¹² Ivyo nabesa kujelwa myuye hamwenga na nyuwe kwa sila ya utondowazi wa chila nyumwenga ywetu yenyu na yengu. ¹³ Haluse walukolo sikunga mswese kumanya kugamba nkanana zilozize sunga kwiza kwenyu mna sichindwa kubula haluse naunga vino kugamba na matunda kwenyu saviya nendile chani mwa wantu we isi. ¹⁴ Natigizwa na Wayunani na wajeni wabala na wahezi. ¹⁵ Ivyo mwe ntendele yangu miye semalanya kale kulonga ulosi wedi wa Chohile mwenyu naho nyuwe mkwikala Loma. ¹⁶ Kwaviya sikuwonela soni ulosi kwa viya ni udahi wa Chohile ukuchigaila wambulwa wa chila azumile kwe Myahudi nkongo na kwe Myunani naho. ¹⁷ Kwaviya uwagilwa wa Chohile welavyanya kulaila utondowazi kubula utondowazi, saviya idolonywe , "Awagile nekale kwa utondowazi." ¹⁸ Kwaviya maya ya Chohile yelavyanya kulawa mo ulanga kujinka ubanasi no uwavu wose wa wwntu wadya kwa sila ya ubanasi wafisa ichindedi. ¹⁹ Ino ni kwaviya yose yakudhika kumanyika mwa Chohile umanyika mwawo kwaviya Chohile kawalagisa. ²⁰ Kwaviya mbili zakwe hezikuwoneka vyei yatenda pwilili kukongela ukumbwa kwe isi yamanyika kujinkila vintu vyumbigwe mbuli zino ni udahi wakwe wa kale na asili ya uchohile ulailo wakwe wantu wano hawana mbuli. ²¹ Ino ni kwaviya wamanya kugamba Chohile hawakumtunya saviya Chohile naho wawakumwinka ntogozi ukaleka wahezi mwe zifanyanyi zawo ne imuye yawo ina uhezi ijelwa chiza. ²² Wetanga kugamba ni wabala mna watenda wahezi. ²³ Wauhitula Uzumbe wa Chohile hena kubanika saviya sula ya mntu akubanika na ya wadege ya wanyama wana viga vine na viya vikutambala ²⁴ Mna Chohile kawaleka watongele izitama ze muye yawo no uwavu we mili yawo kusalamazwa watuhu wawo. ²⁵ Nawo wahitula ichindedi cha Chohile kutenda udanti wavikile na kudamanya viumbigwe wakamleka muumbi uyo naatongelwe kale na kale Taile. ²⁶ Ivyo Chohile nakawasa watongele tama zawo zikujela soni kwaviya wavyele wawo nawahitukila viya wakunga wawo mwe asili mwa wavyele na yadya yechinyume ne asili. ²⁷ Naho viya wagosi nawo waleka viya wakunga vye asili kwe wavyele na kutenda na vilanga na vilanga vya kujenda wenye na wenye wano nandile wagosi wadya wadamanya na wagosi weyawo hevikungwa na wadya wahokele nkanto diwagile mo uwavu wawo. ²⁸ Kwa viya walemela kutenda na Chohile mwe izifanyanyi zawo nakwawaleka watongele izifanyanyi zawo hezikuwagila wadamanye mbuli ziya hezikuwagila. ²⁹ Wamemwa ni maya , ubanasi, tama, na wihi wamemwa ni chinyulu na ukomi, nkumbizi, na kunga kwihiye. ³⁰ Wawo nho wateta , walulimi na wadya wakumwihiwa Chohile. Wata nkumbizi , chibuli na kwefenya. Wakulonga yehiye naho hawakuwatumnya welesi wawo. ³¹ Awo hawana fanyanyi hewena uzumizi hewene ungi wa asili naho hewene mbazi. ³² Wamanyize lagizo dya Chohile kugamba wantu wakudamanya mbuli wawagila kubanika. Mna siyo du wadamanya mbuli izo awo naho walungana na wadya wakudamanya mbuli zawo.