¹ Umo Mwana ngoto eze afungule vengelo mfungate kutenda na kunyamala kwembingu nusu sa. ² Niyo nawaona wandima mfungate, wakuchimala kulongozi kwa Chohile niyo wenkigwa magunda mfungate. ³ Mndima mtuhu keza katoza bakuli dya zahabu dyenye uvumba kachimala mwe nchanja kenkwa uvumba ulozize chani kugamba, aulavye hamwenga na malombezo ya wazumile wose mwe nchanja ya zahabu kulongoz mwe chiti cha ukulu. ⁴ Mosi wa udya uvumba hamwenga na malombezo ya wazumile ukwela kulanga kulongozi kwa Chohile kulawa mwe mikono ya wandima. ⁵ Wandima waguha bakuli ya uvumba niyo waimemeza moto kulawa mwe nchanja, niyo aidula hasi mlanga mwe isi niyo kwalaila izwi dya mbaula na chisingisa cha mwe isi. ⁶ Wadya wandima mfungate ambawo nawendile na magunda mfungate nandile wemalanya kale kuyatowa. ⁷ Mndima ywa nkongo katowa gunda dyakwe, niyo kwalaila fula ya mayuwe na moto uhangane na sakame vidulwa hasi mwe isi chaani kugamba ntendele yakwe ihye na ntendele ye miti ihye na mani yose ye isi yahya. ⁸ Mndima ywa kaidi katowa gunda dyakwe naho, chintu saviya lugulu nandile ukahya na moto udulwa mwe bahli utenda sakame, ⁹ ntendele ye vumbe vikwikala mwe bahli vifa na ntendele ye meli niyo wabalangwa. ¹⁰ Mndima ywa katatu katowa gunda niyo ntondo nkulu igwa kulawa kwembingu yaka saviya lumuli mlanga mwe ntendele ya makolongo mifajo ya mazi. ¹¹ Zina dye ntondo dyetangwa Pakanga, ntendele ya mazi utenda Pakanga na wantu walozize wabanika kulawana na mazi nandile yesungu. ¹² Mndima ywa kane katowa gunda dyakwe, ntendele ye dizuwa utoigwa hamwenga na netnedle yo mwezi na ntendele ye zintondo. ivyo nendele zose zihitukila zitenda chiza nendele yo msi na ntendele ya nechilo havitendile na ulangazi. ¹³ Nasisinya niyo neva dege nandile dikapilika mo ulangazi dyetanga kwa izwi kulu na mluwone kwa wadya wakwikala mwe isi mwilo wa magunda yasigale ambayo ibula hajihi kutoigwa na wandima watatu