¹ Akaheza wandima walagisa golongo dya mazi ya ujima, mazi nendile yekaya ya mgawo saviya binauli nayakajolozeka kulwa mwe chi cha ululu cha Chohile na cha Mwana ngoto. ² Kujinkila hagati gati he dikolongo nahana mti wa ujima ukweleka aina mlongo na mbili za matunda na kweleka chila mwezi mani yo mti ni kwachausa cha kuhonya we izisi. ³ Mna du hatende na ligito dyodyose, chiti cho ukulu chc Chohile na cha Mwana ngoto nachitende mndani mo mzi naho wandima wakwe nawamsankanile. ⁴ Nawamuone uso wakwe na zina dyakwe naditende kulanga kwe vinengo vye zinyuso zawe. ⁵ Hahatende na zuwa naho wala hahatende na kunga mwanga wa ta heu zuwa kwachausa cha Zumbe Chohile, na alagaze kulanga kwekwe nawo nawlongoze kale na kale. ⁶ Mndima anigamba milosi ino ni yakuzumilika chindedi, Zumbe Chohile ywa myuye ya waoni nakamtuma mndima ywakwe kuwalagisa wandima wakwe icho chikunga chilaile ivino hajihi. ⁷ Kaula, neza upesi kajimbikwa uyo akuzumila milosi ya uoni mwe chitabu chino. ⁸ Miye yohana ni miye nivile na kuwona izimbuli zino nive na kuyaona niyo sigwa hasi mwenye kulongozi kwe viga vya mndima kumsankanila, mndima niyo anilagisa mbuli zino. ⁹ Akanigamba, kusekudamanya vino, miye ni mndima mnyawo hamwenga na walukolo wako, waoni na wadya wakuzumila milosi ye chitabu chino, mumsankanile Chohile. ¹⁰ Niyo anigamba usekuijela mhuli milosi ya waoni we chitabu chino, mna chipindi chisogela. ¹¹ Suyo mweny kuwagila ajendeleze kutenda mta kuwagila, ekale mkuka, na ajendeleze kutenda mkuka. ¹² Kaula! Neza upesi jeleko dyangu diyuko hamwenga na miye, kumliha chila yumwenga kuligana na chiya adamanye. ¹³ Miye ni Alufa na Omega, nkongo na udumo. ¹⁴ Wajimbikwa wadya wasuntile izisuche zawe kugamba wapate ya uwagila wa kudya kulawa mo mti wo ujima na kwingila mo mzi kujinkila mwe nyuvi. ¹⁵ Kuse kuna kuli, wasi, wagonyi, wakomi, wakusankanila matukulu, na chila mukuzi wa lulimi. ¹⁶ Miye Yesu simtuma mndima ywangu mukuzi kulanga mbuli zino kwa mavikilo, miye ni mwelesi ywa lweleko lwa Daudi ntondo ya mtondo ikung'ala. ¹⁷ Muye na bibi halusi agamba, soo! Na uyo akwiva agamba, soo! Yoyose mta nchilu naeze, na yoyose akubesa, na pate mazi ya ujima bule. ¹⁸ Namukwila chila mntu akwiva milosi ya uwoni we chitabu chino, hegu yoyose nongeze yano, Chohile na mongezeze nkomano zidolonywe mwe chitabu chino. ¹⁹ Hegu mtu yoyose nause milosi ye chitabu chino cha muoni, Chohile nause hantu hakwe mo mti wo ujima na mo mzi ukukile ambawo mbuli zakwe zidolonywa mndani mwe chitabu chino. ²⁰ UYo akumukwila mbuli zino alonga, haya neza upesi Taile soo! Zumbe Yesu! ²¹ Wedi wa Zumbe Yesu utende na chila mntu. Taile.