¹ Walukolo weyangu msekutongela utondowazi wa Zumbe Yseu Kulisito, Zumbe wa ukuka kwakuwahinyiza wantu wamwe. ² Hegu mntu yumwenga akengila mwe bunga dyenyu kavala madanga ya zahabu na suche ntana naho engila mchiwa mta suche nchafu. ³ Mkungisa kumtunya mna ni yudya mwenye izisuche ntana kumgamba weye ikala hano ahantu ahedi mna mkamgamba yudya mchiwa weye chimala hadya hegu naho ikala hasi he viga vya miye. ⁴ Togolani hamkukantilwa na nyuwe wenye kugamba walamuzi wenye fanyanyi zihiye? ⁵ Tegelezani walukolo weyangu wambuya kwa ni Chohile hawasagule wachiwa mwe si watende wagoli togolani siyo wagoli mwe utondowazi walisi useuta walaganagakwa wakumunga. ⁶ Mna muwabela wachiwa kwani siyo wagoli wakuwasulumiza nyuwe naho siyo wakuwabuluza mwe vitala. ⁷ Kwani siyo wagoli wakudihuluta zina diya iditana ambadyo kwa idyo mwetangilwa? ⁸ Mna hegu mwadamanya diya idilagizo dya useuta enga ivyo idolonywe mwa madolonyo umunge ehajihi hako saviya wemwenye mwadamanya vyedi. ⁹ Mna uneva mkahingiza wantu mwadamanya masa mwakantilwa ni lagizo kugambamwabalanga lagizo. ¹⁰ Kwa viya yoyose akujela lagizo dyose naho niyo abalanga katenda masa kubalanga lagizo dyose. ¹¹ Kwa viya Chohile agamba, usekugonya, nuyo naho agambile usekukoma hegu hukugonya mna wakoma kuheza kubalanga lagizo dya Chohile. ¹² Mna simwilani na kuzumila sa wadya mwihajihi kukantilwa ni lagizo dya ulekelwa. ¹³ Kwa viya ukanti weza hehena mbazi kwa wadya hewena mbazi yetunya mwe kukatilwa. ¹⁴ Hana utana wani walukolo weyangu hegu mntu agamba nina utondowazi mna hana ntendwa uyo utondowazi uwo wadaha kumwabula? ¹⁵ Uneva mlukolo wa chilume hegu wachiche ni mungi wa suche hegu nkande ya chila zuwa. ¹⁶ Niyo yumwenga ywenyu awagamba, hitani kwa utondowazi mkotele moto naho mdye vitana mna hamkuwenka yakwingizwa mo mwili ivyo vyatenda vyedi vyani? ¹⁷ Nivyo utondowazi uwodu mna hauna ntendwa, ibanika. ¹⁸ Mna mntu yumwenga adaha kugamba una utondowazi mna miye nina ntendwa nilagisa utondowazi wako bila ntendwa, na miye nilagise utondowazi wangu kwa ntendwa. ¹⁹ Wazumila kugamba eyuko Chohile yumwenga wi vyedi mna mapepo nayo yazumila ivyo na kuzingiza. ²⁰ Togola waunga kumanya weye mntu mhezi, ivyo utondowazi hewine ntendwa siyo wedi? ²¹ Kwani si tate Abulahamu awazigwe chindedi mwe ntendwa amlavize umwanawe Isaka mlanga mwe nchanja ye ntambiko. ²² Muwona kugamba utondowazi wakwe udamanya ndima na ntedwa yakwe yo utondowazi wakwe ubwila viya aungile. ²³ Madolonyo yachinta yagambaAbulahamu kamzumila Chohile elo Abulahamu ketangwa ni mmbuya wa Chohile. ²⁴ Mwasinya kugamba kwa ntendwa mntu awazizwa chindedi mna siyo kwa utondowazi du. ²⁵ Mna hatendile Lahabu yudya mchilanga kawazwa chindedi kwa ntendwa viya awahokelaga awajeni na kuwafisa mwe sila ntuhu? ²⁶ Kwa viya mwili hewina Muye ubanika ne ivyo utondowazi hewine ntendwa ubanika.