¹ Yakobo msigilwa ywa Chohile na Wazumbe Yesu Kulisito kwa makabila mlongo na maidi yazagale namlamsani. ² Wazani kugamba, ni kwelelwa kwa uzumizi mno walukolo wangu mkajinka mwe majezo yesimane. ³ Mkamanya kugamba kujezwa kwa uzumizi kwenyu kwenga ujijimizi. ⁴ Lekani ujijimizi uchintize ndima yakwe kugamba mdahe uchuma jejeje ukaleka kuhungukilwa mwe dyodyose. ⁵ Mna hegu mntu mgati mwenyu aunga ubala alombeze kulawa kwa Chohile uyo alavya kwa chisekwesekwe hahena kukwamila kwa wose wakumlombeza nawenke ubala. ⁶ Mna alombeze kwa uzumizi asekutenda na nkama mntu akujela nkama aligana na mawimbi ya mwe bahali aguhigwa ni mpeho na kudulwa uku na kudya. ⁷ Nichindedi mntu yuno asekufanyanya kugamba nahokele lombezo dyakwe kulawa kwa Zumbe. ⁸ Mntu yuno anasila mbili ahitukila mwe izisila zakwe zose. ⁹ Mlukolo mchiwa aungigwa kwefenya mwe kuchimala kwakwe mno. ¹⁰ Aho aho mlukolo mgoli mo kunyanyahala kwakwe kwa viya nauswe saviya luwa dya kumbago mwe nkonde akujinka. ¹¹ Zuwa dya tontomoka na mpungile ya koka kunyaza mani na maluwa yagwa na utana wakwe wabanika, ivyo nivyo wantu wagoli nawasakale mgati mwe zindima zawo. ¹² Kajimbikwa mntu yudya akujijimiza majezo kwaviya akaheza kuyadaha majezo ayo nahokele jeleko dya ujima ambadyo wekiwa wadya wakumunga Chohile. ¹³ Mntu yoyose hakungigwa kulonga akajezwa jezo dino dilawa kwa Chohile hakujezwa ni wavu naho Chohile mwenye hakumjeza yoyose. ¹⁴ Chila mntu ajezwa ni ungi wakwe wihiye umo akasentwa na kugwizwa hale. ¹⁵ Nivyo ungi wa masa wenula nda, masa yelekwa akaheza masa yazwelwa niyo yasila mwe file. ¹⁶ Walukolo weyangu wambuya msekudantika. ¹⁷ Chila jeleko dyedi na chila jeleko jejeje dyalawa kulanga na kusela hasi kulawa kwa tate wa ulangazi naho hakuhitukila saviya mpeho ivyo ikuhitukila. ¹⁸ Chohile kasagula suwe kuchinka ujima kwa ulosi wa chindedi chani chidahe kutenda saviya lweleko lwa nkongo mgati mwe vyumbe vyekwe. ¹⁹ Mwamanya dino walukolo weyangu wambuya chila yumwenga aungigwa kutenda mhufu wa kwiva mna siyo mhufu ywa kulonga hegu kwihiwa. ²⁰ Kwaviya maya ya mntu hayakudaha kudamanya ndima ya Chohile. ²¹ Naho ikani hale wihi wa masa na wihi wowose wihantu hohose na kwa kunyanyahala hokelani mbuli ihandigwe mndani mwenyu ambayo ina udahi wa kwambula imuye yenyu. ²² Tegelezani ulosi msekwetegeleza du mkedanta mo udahi wenyu wenye. ²³ Hegu uneva yoyose akwiva ulosi akaleka kuudamanyiza ndima aligana na mntu akwesinya uso wakwe mwe chioo. ²⁴ Ebweda uso wakwe niyo aita zakwe akajika chidogo kajala ivyo nendile eli. ²⁵ Mna mntu yudya akwesinya mpalahole mbuli jejeje, mbuli ya kulekeilwa na kujendeleza kuitongela siyo kwa viya yudya ni mtegelezaji akajala yuno mntu na ajimbikwe akaidamanya. ²⁶ Uneva mntu yoyose nafanyanye mwenye kugamba, ni mntu wa kutongela mna hakudaha kuchinda ululimi lwakwe audanta luhenyo lwakwe na kutongela kwakwe ni kwabule. ²⁷ Kutongela kutana hakukubalangwa mwa Chohile ywetu ni vino kuwambiza wabanikilwe ni welesi wawo, wabanikilwe ni wagosi zawo mwe masulumizo yawo na kwedima wenye na ubanasi we isi.