¹ Dize dibule zuwa dya Pentekosite wose wendile wehamwenga hantu hamwe. ² Mna kulaila ntuntumo kulaila kulanga saviya mpeho nkali uimemeza inyumba yose umo wendile wahumule ³ Aho ziwalaila ndimi za moto zipangane zimlanga wawo chila yumwenga wawo. ⁴ niyo wose wamemezwa ukuka wa utakata niyo wakonga kulonga kwa milosi mituhu saviya ukuka uwamemile kulanga. ⁵ Haluse nendile weyaho Wayahudi nandile wakekala Yelusalemu wedi wa Chohile kulawa chila si hasi ho ulanga. ⁶ Ntntumo zino eze zivigwe bunga dya wantu diza hamwenga naho watenda na nkama kwa viya chila mntu wamwiva akalonga kwa semo zakwe mwenye. ⁷ Wehelwa na kwituka awo walonga kindedi wano wose wakutamwila sawo Wagalatiya? ⁸ Kwa mbwani suwe chaweva chila mntu kwa semo chelekwe nazo. ⁹ Wapalasiya na Wamedi na Waelamu nawo wakwikal meso Potamiya Uyahudi na Kapadokiya na kudya Ponto na Asiya ¹⁰ Kudya Filigiya, Pamfeliya, kudya Misili na ntendele za Libiya kubula Kilene na wajeni kulaila Rumi. ¹¹ Wayahudi na wambulwe Wakilete na Walaabu, chaweva wakalonga mwe semo zetu kulanga ndima udahi wa Chohile, ¹² Wose nendile wakaungazwa na kuzaganywa walongana wenye kwa wenye ino ni mbwani? ¹³ Mna wamwenga wabela wagamba wano wakolwa kwa mpombe mya. ¹⁴ Mna Petulo kachimala hamwenga na waday mlongo na imwe alavya nguto awagambila wantu wa Yudeya na wose mkwikala chani dimanyike kwenyu tegelezani kwa kusinya imbuli yangu. ¹⁵ Wantu wano hawakoligwe saivyo kufanyanya kwaviya uni ni mtondo wa saa ntatu. ¹⁶ Mna dino nadyendile dilongwa kijinkila kwa muwoni Yoeli. ¹⁷ Nditende mwe zuwa dya udumo Chohile agamba nanitile ukuka wangu kwa wantu wose awana wenyu na wandele nawalavye uwoni wambwanga wenyu nawaone uwoni na wadalahale wenyu nawalote sozi. ¹⁸ Iviya iviya mlanga mwa wasigilwa wangu na watumwa wakivyele mwa mazuwa ayo nanitile ukuka wangu nawo nawatamwile. ¹⁹ Nanilagise ntuso kulanga koulanga na pintuko hasi he isi sakame moto malundo ya mosi. ²⁰ Naho zuwa nadihitukile dyatenda chiza na mwezi watenda sakame umo havinati kwiza zuwa kulu dya kwehelwa dya Chohile. ²¹ Nvitende kugamba chila yumwenga uyo nadijele zina dya Chohile naambulwe. ²² Wantu wa Izulaeli tegelezani imbuli ino Yesu wa Nazaleti mntu amanyike na Chohile chimaliswa kwenyu kwa kutenda mdahi na visimo na pintuko izo Chohile kujinkila yeye mgati mwenyu sviya wenye mkumanya. ²³ Kwa chausa cha mawlo wikigwe kukonela nkongo na umanyi wa Chohile kalavigwa ni nyuwe kwa mikono ya wantu wabanasi mumsulumiza na kumkoma. ²⁴ Mna Chohile kamwinula kausa usungu kubanika kwakwe kwaviya havidahike kwakwe kulongozwa ni uwo. ²⁵ Mna Daudiagamba kulanga yuno simwona Zumbe kulongozi kwangu uyo eli mkono wangu wa kulume ivyo sanusigwe. ²⁶ Ivyo muye wangu nawendile na chinyemi naho lulimi wangu naubwedezwa. Naho mwili wangu nawikale mwe ukankalu. ²⁷ Holeke inausi yangu ite kwe kuzimu naho hounge mzumizi wako awone uzavu. ²⁸ Weye uklagisa kwangu sila ya ujima nonidamanye nimeme chinyemi kulongozi ko uso wako. ²⁹ Mlukolo nadaha kutamwila kwenyu kwa ukankalu kulanga tati yetuDaudi uyo kabanika niyo ahambwa naho kabuli dyakwe diyuko hamwenga na suwe kubula vino dyelo. ³⁰ Ivyo nendile ni muwoni nakamanya kugamba Chohile nakelisa kwa cheliso kwakwe kugamba naike yumwenga mo uelekwa wakwe kwe chiti cha kale. ³¹ Hadiwone dino hajihi niyo agamba mna kwinulwa kwa Yesu nandile hasigwe kuzimu naho umwili wakwe hauwonile. ³² Uno Yesu, Chohile kamwinula kwa hiyo suwe chose chiwachindedi ³³ Ivyo akatendwa kenulwa mo mkono wa kulume wa Chohile naho kahokela tigizo dya muye ukukile kulawa kwa Tate yuno ketila dino iditigizo uyo nyuwe muwona na kwiva. ³⁴ Ivyo Daudi hapuluke kwita kulanga mna agamba Zumbe na kulonga kwa Zumbe wangu. ³⁵ Ikala ukono wangu wa kulume kubula kuwadamanya wehi wako fumbi kwa chausa che iviga vyako. ³⁶ Mna ivyo nyumba yose ya Izulaeli inamnye kugamba Chohile kamdamanya uyo kugamba Zumbe na Kulisito yuno Yesu uyo mumsulumize. ³⁷ Haluse weve weve idyo noyo wokwa mwe imyuye yawo wamgamba Petulo na wasigilwa watuhu walukolo chitende zeze? ³⁸ NIyo Petulo awagambila kweileni naho Mbatizwe chila yumwenga ywenyu mwe zina dya Yesu Kulisito kwa chausa cho msalaba wa masa yenyu naho namhokele jeleko dya Muye Akukile. ³⁹ Ivyo kwenyu ni cheliso naho kwa wana wenyu na kwa wadya wose weli hale wantu walozize kwa ivyo Zumbe Chohile ywetu ivyo nawetange. ⁴⁰ Kwa milosi ilozize nakaukula na kuwaunga nakagamba kwelavyeni mfose mwe lweleko uno ubanike. ⁴¹ Naho ahokele milosi yakwe na kuwabatiza aho niyo wajenyela mwe zuwa idyo saviya nausi elufu ntaatu. ⁴² Niyo wajendeleza mwe mahinyo ya wasigilwa naho mlungano mwe kuubesula mgate na mwe malombezo. ⁴³ Nkama niyo yeza mwe chila nausi na maula yalozize na lagizo niyo zadamanyika kujinkila wasigilwa. ⁴⁴ Wose wazumile nawendile hamwenga na kutenda na vintu vyawo kwa hamwenga, ⁴⁵ naho niyo wataga ivintu na wikazi wawo naho wapanga kwa wose kuligana na viya ukunga kwa chila yumwenga. ⁴⁶ Ivyo chila zuwa kujinka zuwa nawajendeleza wakatenda na mwalo umwenga mwe nyumba nkulu ya vikilo naho niyo wabesula mgate mwe kaya naho walungana kudya nkande kwa chinyemi na kunyanyahala kwa muye, ⁴⁷ wamtogola Chohile naho wakatenda na chibali na wantu wose. Zumbe nakawajenyeza zuwa kubula zuwa awo wendile wakambulwa.