¹ Yumwenga ywenyu anatenda ana ulemanyi, adaha kwita mwe vitala vya hewana chindedi, kujinka mwa wazumizi? ² Hammanyize kugamba wazumizi nawaikantile isi?Naho hegu namwiikantile isi hamkudaha kulamula mbuli hezina ulafya? ³ Hammanyize kugamba nachiwakantile wandima? Ni chiasi chani mno chadaha kulamula mbuli za wikazi uno? ⁴ Hegu chadaha kukanta mbuli ya wikazi uno, kwambwani wajeza kwigala malongelezo mwa wadya hewechimale mwe divikilo? ⁵ Nalonga yano kwa soni zenyu hahana mta ubala mgati mwenyu wa kuchinta kwika mbuli vyedi mwa mlukolo na mlukolo. ⁶ Mna hegu nivyo vili haluse mwazumila yumwenga aita mwe vitala kujinka mzumizi mtuhu na malongelezo ayo yaikwa mwe mkanti hezumile. ⁷ Chindedi ni kugamba kuna ulemani mgati mwa wakulisito ukaleta masumbuko mwenyu kwambwani msekwesulumiza mwa yehiye kwambwani mwetikila kudantilizwa? ⁸ Mna mdamanya wavu na kudantiliza watuhu naho awo ni wakulu na malumbu zenyu ⁹ Hammanyize kugamba hewena chindedi hawaulisi uzumbe wa Chohile? Msekuzumila lulimi wa vilanga wavikila matukulu wagonyi wadya mapulu, ¹⁰ wabavi, walafi, wakozi, wabunyanyi, wahulutaji, hahana mgati mwenyu mwa awo akunga aulisi Uzumbe wa Chohile. ¹¹ Na awo wendile mgati mwenyu nyuwe mna mheza kulenguswa naho mheza kusuntwa kwa Chohile naho mtendwa chindedi mwa Chohile kwa zina dya Zumbe Yesu Kulisito na kwa Muye wa Chohile ywetu. ¹² Vinty vyose viligana kwa miye mna siyo chila chintu china wedi vintu vyose vyaligana na miye mna sanilongoilwe ni vimwenga mwa ivyo. ¹³ Nkande ni kwachausa che inda na nda ni kwachausa cha nkande mna Chohile na vyose na mwili aumbile kwachausa cha Zumbe na Zumbe naudamanyize ndima umwili. ¹⁴ Chohile kamwinula Zumbe na suwe naswi nachinule kwa nguvu zakwe. ¹⁵ Hammanyize kugamba imili yetu ina mlungano na Kulisto? mwadaha zeze kuvilavya vya Kulisito na kwita kuvilunganya na mchilanga? Havikudahika. ¹⁶ Hammanyize kugamba akulungana na mchilanga katenda mwili umwenga na yeye? Saviya dolonyo ivyo dikulonga waidi nawatende mwili umwenga. ¹⁷ Mna akulungana na Zumbe natende muye umwenga hamwenga naye. ¹⁸ Usumkeni wavu chila masa akudamanya mntu kuse no mwili wakwe mna wavu wa mntu atenda masa mo mwili wakwe mwenye. ¹⁹ Hammanyize kugamba imili yenyu ni vikilo dya muye ukukile ukwikala mndani mwenyu yadya ambayo mwinkigwa kulawa kwa Chohile? Hammanyize kugamba siyo nyuwe wenye? ²⁰ Nagamba mgulwa kwa yombe kulu kwa ivyo mtunyeni Chohile mwe mwe mili yenyu.