¹ Pu leino u Yesu akhalongonjwa nu Mepo impakha khu lukungu ukhuta ageliwe nu tavangwa. ² Pu akhideenda ukhulya isikhu alubaini pamusi na pakilo, pu akhipuleikha einchala. ³ Pu leino ugeli akhincha pwakhambula akhata, "Unave uve ulie mwana va Nguluve gavale amaganga aga gave fisyesye." ⁴ Pu Yesu akhamwamula akhata, "Yeisimbiwe u munu sayitamaga ni khisyesye khyeene khisita limenyu eilihuma mndomo gwa Nguluve." ⁵ Pu utavangwa akhangileikha muvunchenge uvuvalanche pu akhambeikha patembile baho pa hungile fincho, ⁶ pu akhambula akhata, "Ungave uve uleimwana va Nguluve, weilaheile pasi ulwa khuva yeisimbiwe ikhuvavula avasuhwa vamwene vikhu khyupeila mumavokho ga va veene, ulekhe ukhukuvala eikhilunde khyakho muliwe." ⁷ U Yesu akhambula akhata, "Yeisimbiwe, 'Ulekhe ukhugela uNtwa vakho u Nguluve." ⁸ Pu leino, utavangwa akhaatola nu khumbeikha baho pahangile ukhuluteilila fincho pu akhambonesya uvukuludeeva wooni uwa kilunga nuvunonu wa incho nchooni. ⁹ Pu akhambula akhata, "Punikhukhupa eikhyuma khyooni ikhi ungave vukhunyimikhaga nu khwisuya khulyune." ¹⁰ Pu uYesu akhambula akhata, "Lutaga uhege apa, veitavangwa pakhuva yeisimbiwe umwimikhage uNtwa uNguluve vankho nukhumbombela umwene mwene." ¹¹ Pu utavangwa akhandekha, pu lola avasuhwa vakhincha vakhambombelela. ¹² Pu uYesu avile apulikhe ukhuta uYohana va mwibite akhahega nu khuluta khu Galilaya. ¹³ Akhahega khu Nazareti pwa khaluta khutama khu Kaperanaumu, eiyileikhunji mnyanja ya Galilaya, ukhupakhana ni khilunga eikhya Zabuloni nu Naftali. ¹⁴ Eiyi yahumile ewo ukhuvonesya eikhyukhyanchoviwe nu nyamalago u Isaya, ¹⁵ "Mu mbunchenge uwa Zabuloni nu vunchenge wa Naftali, ukhulonha khunyanja eimwambo ya Yolodani, Galilaya ya vapanji! ¹⁶ Avanu avatamile muhisi valuwene ulumuli uluvaha, na vala ava vatamile muhisi ya vufwe mumbeene ulumuli luvamulikhe." ¹⁷ Ukhuhuma apo u Yeu akhatengula ukhulumbeileila nukhuta, "Mpelage imbivi pakhuva uludeeva ulwa khukyanya lulipipi." ¹⁸ Avile igenda mundukanji mwanyanja ya Galilaya, akhavavona avana munu vaveili, u Simoni uvie ailangiwagwa Petro, nu Andreya umbahave, valie khutega inyaafu munyanja ulwa khuva vale valovi va somba. ¹⁹ U Yesu akhavavula, "Mwinchage mang'ongage, punikhuvaveikha valovi va vanu." ²⁰ Khimbeivimbeivi vakhanchilekha inyaafu pu vakhakonga. ²¹ Nu Yesu akhaluta pakhimbale akhavavona avana munu vaveili, u Yakobo umwana va Zebedayo, nu Yohana umbahave, vaale muwaato nu Zebedayo u vise vavo vahonaga inyaafu nchaavo akhavielanga, ²² akhaseikhi ndakhuleikhu vakhavulekha uwato paninie nayu vise vavo vakhakonga. ²³ Pu uYesu agendile mu Galilaya pakhasigala padebe ukhumala yooni, pwaleikhu manyisya mumasinagogi gaavo nukhulumbeileila eilivangeili lya ludeva nu khuponia uvutamu uvulipapingi mumbano. ²⁴ Pu ikhulongu ncha mwene chikha vaala mu Siria mwoni, pu avanu vakhincha vooni avuvale nuvutam uvalipapingi uvu wa pelaga uluvavo, uvavale ni mepo imbivi na vanyaligonchi na vavo vafwile eiganji emiveili gyavo. ²⁵ Ni fipuga fingi ifya vanu filikhukonga ukhuhuma khu Galilaya na khudekapuli mu Yelusalemu na mbu Yuta nu khuhuma eimwambo ya mu Yolodani.