¹ UYeisu pu akhamula hange akhanchova nufihwani hata, " ² Uludeva lwa khukyanya luhwanine ndunkuludeva uviatelikhe ifinu vutenghulani vwa munu viatolangha udala. ³ Pu akhavasuha avavombi vamwene vakhaveilanghe aveilangiwa ukhwincha khwilya eikhyakhulya ekhitelekhiwe eikhyavutenghulani pu avanu voni vakhabela. ⁴ Unkuludeva pwakhasuha khange avavombi avange, akhavavula. Akhata "Mukhavavule voni aveilwangwa, mulole, pumeitesaminche ifinufya vutolani. Isenga nchangho ni finge ifinu ifinonile, fiheinjiwe pu fyoni neimalile ukhufitesania pu mwinchanghe khuvutengulani tuhovokhe paninie." ⁵ Pu leino aveilangwa avo savaleikhuyi sangeila einyielango pu valeikhwiluteila nu yunge ukhwa sanghie, umo aluteile khukhyalo khwileima uyunge akhuluta khukhedengha. ⁶ Avange avuvasinghile puvakhavasambukhila avavombi avasuhiwe vakhavabuda. Pu leino unkuludeva ula akalile fincho. ⁷ Pu akhasuha eikhipungha khya mwene, eikhya valwa linghoha ukhuluta khukhuvabuda vala voni avabudi vavavombi va mwene nukhuyanja uvunjenge vwavo nu mwoto. ⁸ Puleino akhavavula avavombi vamwene akhata, "Uluhekhelo lwakhulya ifyavute, ngulani lufikhe aveilangwa savanonghile. ⁹ Pu leino mulutanghe na munjeila malekhano eincha misevo voni uvuya khiva mukhuvavona muveilangenghe vinchange khuhekhela uvutengulani." ¹⁰ Avombi vala puvakhaluta pa njeila eimbaha vakhaveilanghe voni avavikhuvavona avangholofu na vavivi. Uluhekhe khela lwa vutenghulani pulukhadengha avanu vuvingi avanghenji. ¹¹ Pu leino avile eingile unkuludeva ula khwilola avanghenji, vamwene pwakha vuna munyumba ya vulenghulani eiyaluhekhelo mwale umo uveisafwalile eimienda einghya luhekhelo lwa vutenghulani! ¹² Pu Unkuludeva akhambuncha akhata, 'Imanyani, vangho vwingile ndakheikhi umu nuve nsufwalile eimienda nghya vutenghulani?' Pu umunu uywa sanchove khinu akhava eikelile ukhuva pala pavutenghulani. ¹³ Pu unkuludeva akhavavula avavombi vamwene akhata, '"Munkunge umunu uyu amavokho nanghamalunde pu mutanghe khunji khuhisi pu ukhwa khukhwiva nulukuto nulunghaduncho lwa mino. ¹⁴ Ulwakhuva aveilangiwa veingi avahalwa vadebe." ¹⁵ Pu ava Falisai vakhahengha vakhuluta nukhisavania umuyakhiva vikhumwibateila u Yeisu mumanyu ngha mwene. ¹⁶ Pu ava Falisai vakhasuha avakongi vavo navanya Heloti. Pukhanchita khwa Yeisu, "Manyisi, tulumanyile ukhuta uve ulei munu vayeilwei, nukhuta vumanyesya uvunonghwe vwa Nguluve vumanyeisya mumbwayeilweli. Hange savudwada uvuvaha vwa munu uvei avenchangha pakhuva savwilola khumiho umunu umwa velile. ¹⁷ Pu leinou Yeisu utuvule vwa vona ndhakeikhi? Panonghile, unkusanguncha nukhusongha eisongho khwa kesali pamo mwikho?" ¹⁸ Pu leino u Yeisu avumanyile uvvivi vwavo pu akhata, "Kheikhi munkhungela mweivangalukhi umwe? ¹⁹ Mume eindalama ya songo neilole puvakhapa eidinali. ²⁰ U Yeisu akhavavuncha, "Khiwani khyani eikhi?" ²¹ Pu vakhamula vakhata, "Khihwani Khya Kesali."Pu humbe muhombenge khwa kesali ifyavukesali vwa mwene nei fya Nguluve mupe UNguluve." ²² Vavile vapolikhe ewo vadenghile fincho puvakhandekha vakhanja ukhuluta. ²³ Pu eikhinghono eikhyo vakhinchaava Sadukai khwa Yeisu, avanu avavita vusikhuli uvunchikha, pu avavakhambuncha, ²⁴ Vakhata, "Manyisi, u Mose atile, umunu angafwe khita hola mwana ulukololwe ahalanghe udala ufwile pu angh'olele ulukololwe umwana. ²⁵ Pu khulyufwe kwale navana munu lekhela khumo. utanchi atolile udala pwakhafwa khitahola umwana. Pu akhandekhela ulukololwe udala. ²⁶ Pu yeikhava vuvuvwa nayulukololwe uva veilei vope na yuvadatu, pu voni saba yeikha vulevule savahole mwana. ²⁷ Pu leino udala vope nghukhafikha useikhi nghwa khufwa akhafwa. ²⁸ Pu leino khuvandukha valava vanchukhile voni pwa lava idala vani? Pakhuva voni lekhela khumo vale nave." ²⁹ Pu u Yeisu akhavamula akhata mwiyangha, "Mwiyangha pakhuva sambumanyile uvusimbe na nghamakha ngha Nguluve. ³⁰ Pu u Yeisu akhavavula akhata, khuvunchukha khusikhuli ukhutila khuve khuvu kha pu leino viva ndavasuhwa va Nguluve khukyanya. ³¹ Hange pakhulongu ya vunhukha, samwembile eilimenyu eilinchoviwe nu Nguluve eiliita, Une neilei ³² Nguluve va Abrahamu, neilei Nguluve va Isikakha, neileiNguluve va Yakobo? U Nguluve sa Nguluve vavafwile pu Nguluve vavumi." ³³ Pu ululundamano vavile vapulikhe ewo vadenghile fincho. ³⁴ Pu ava Farisai vavile vapulekhe ukhuta ava Sadukai, vavemilwe puvakhalundamana ava Farisai, vakhinchofanja. ³⁵ Pu umo, mwene umanyi va ndanghilo pu akhavunja elimenyu pakhunghela. ³⁶ "Pu akhata imanyisi, lyululanghilo luleikhu uluvaha ukhuluteila khunchinge mundangheilo?" ³⁷ U Yeisu pwakhamula akhata, "Ungananghe u Nguluve vakho nei numbula yakho yoni, na nghutima nghwakho nghyoni, na masagho ngha luhala lwakho lwoni. ³⁸ Ulu lyululanghilo uluvaha hange lulei mbulongolo. ³⁹ Ulwa veilei luhwanine nulwa lyope lyu ulu - Unghananghe unino nduvu vwi nghanile yuve. ⁴⁰ Eindanghilo nchoni eincha va nyamalangho muncheilotikhe mundangeilo eveilei inchi." ⁴¹ Pu ava Farisai vavalundamine pupaninie, U Yeisu akhavavuncha eilimenyu. Akhata, ⁴² "Pu!, musongha ndakheikhi ukhukongana nu keileisite? U mwene nswambe vani?" Pu avene vakhamula vakhata, "Nswambe va Daveite." ⁴³ Pu ndakheikhi, "U Daveite einchovela mwamepo ukhuta, 'U Nkuludeva ambulile u Nkuludeva vango,' ⁴⁴ Akhata tama khukhivokho khyango eikhya khundyo, punikhuvaveikhangha avatavangwa vakho pasi pa malunde nghakho.'"?" ⁴⁵ Pu leino eingave u Daveite inchova ita veinkuludeva va mwene, "Pu ivenchangha nswambe va mwene?" ⁴⁶ Pu sa nghele umunu nayumo ukhwamula limenyu, hange ukhuhumangha eikhinghono khila sanghele munu ukhuvuncha limenyu.