¹ Pwu Avafalisayo na vankhalani ukhua ku Yerusalemu. Vakhandhutiela u Yesu vakhanchova, ² "Khikhi avankhonghi vakho vienangha indagheilo incha vaghogholo veitu? Ulwa khuva savinkhalava amavokho ghavene vuvilya eikyakhula." ³ U Yesu akhanda akhavavula ankhata, "Mbhona na yumwe munanga ululaghilo ulwa Nguluve wuu mukhulyuphielila? ⁴ Ulwa khuva uNguluve anchovile, 'Umwiemiekhaghe udada vankho na yuo vanina vankho; uvie inkhudhukha udadaye aphange uvanina uva mwene ukhuwa afwinchaghe.' ⁵ Hanghe umwe mwinchova, 'Uvikhumbula udadaye na yu vanina va mwene, eikhilondiwa ukhutangheiliwa avatanghe noune khiva khisayiwe nwu Nguluve." ⁶ Umunu uveisinkhu ndwandwa udadaye nu vanina, lua ananghiela eilimenyu lya Nghuluve khumighendele igwumwuphielile. ⁷ Umwe mwievadhesi, luononu nduvuu u Isaya anchovile mumalagho pwu akhata, ⁸ 'Avanu ava vikhunsana une khumilomo gyavene, khumbe ienumbula ncha vene nchilikhutali nune. ⁹ Ukhutekhela khuwitekhela vuvule, ulumanyisyo uluviemanyisya lya vanu." ¹⁰ Akhavielangha avanu akhavavula, "Muphuliekhienche mulumanye-- ¹¹ Khiekyo khikhwiengiela mundomo ugwamu khwisakhiviekha uvuvivi. Eikhihuma mundomo ugwamu eikyou khwio khikhumbiekha umunu uvuvivi." ¹² Pwu avankhonghie vamwene vakhanduteila vakhambula vakhata, ulumanyiela ukhuta Avafalisayi vakhavile viephulikha eilimenyu liela vakhaviphiele?" ¹³ U Yesu akhavavula akhata, "Eikhiemeliele kyene khikhwo Udada vango uvakhukyanya savyaliele, khilukhuphuliwa. ¹⁴ Valekhe, avo valonghonchi avabofwile amiho. Uveisilola amiho anghandongonche uniene yuywa silola, voni vuvavilie vigwa vikhwinghiela mundighuli." ¹⁵ Pwu uPetro akhamula akhambuncha u Yesu," Uluvule ikhiekyani, ¹⁶ u Yesu ankhandha akhata, "Nayumwe mukhale samukhulumanya? ¹⁷ Samukhalumanye ukhuta eikhikyunghile mundomo khiluta mundhitumbhu, khinchitaghiwa khulinyasi? ¹⁸ Ulwa khuva iefinu fwoni iefihuma mundomo fikhuma mughati munumbula, vufieliewo ifienu fifwo vikhumbikha umunu uvuvivi. ¹⁹ Ulwa khuva einumbula yiekhumya amasago amavivi, uvubudi, uvulieghu, uvumalalaya, uvulyasi, ukhunchova uvudheisi na ghamadhusi. ²⁰ Inchi nchu mbombo nchincho nchikhumbikha umunu uvuvivi." ²¹ U Yesu pwakhahegha aphonu phala akhava pavutali akhaluta khuvunchenghe uwa Tilo nakhu Sidoni. ²² Lola pwa khincha undhala u Nkhanani ukhuhuma uluvafu ulwa, akhatoncha eilimenyu akhanchova akhata, "Inanghe, Ntwa, vinswambe va Daudi; umwalievangho alienimepho iembivi nchikhunganghayiesya eino." ²³ Umwene sakhamwamula khinu. Avakhonghi vamwene vakhandutiela vakhandhova, vakhata, "Wieng'enche aghodokhaghe ulwa khuva iekhutuyweghela." ²⁴ U Yesu akhavandha akhata, une saniekhasuhiewe khuvanu, nliekhasukhiwe khu ng'osi inchiyaghiele incha munyumba ya Israeli." ²⁵ Umwene akhincha akham fumiela, akhanchova, "Nkhuludeva weinanghe." ²⁶ Akhandha akhata, saluvile lunonu ukhutola eikyakhula ikyavana ulakhiela iembwa," ²⁷ Akhanchova, "Ena, Nkhuludeva, nanchimbwa nchihola eikyakhula eikhigwa pasi pha mesa iya Nkhuludeva vavo." ²⁸ Pwu u Yesu akhanda akhata, "Viendhala uve, ulweidhikho lwakho luvaha. Nchivombekhe khulyuve nduvukha nogwagwa. "Umwana va mwene akhaphona usienkhe ghugwa. ²⁹ U Yesu akhahegha pala akhaluta ukhukheghelela nie nyanja iya khu Galilaya. Akhatogha khukyamba aliekhunchima ukhwa. ³⁰ Avanu avienghi vakhincha khumwene, vakhavaghegha avikyafula, avasavilola, avasavinchova, avalemilwe na vanghe avienghi vavo vale vatamu. Vakhavaviekha mumalunde ghamwene valiekhupona. ³¹ Avanu pwu valiekhudhegha ukhuvona vavosavinchova vinchova, avalemilwe viva vanonu, avikwafula vieghenda, na vavo savielola vielola. Pwu vakhanghinia uNguluve uva Vanyaisraeli. ³² U Yesu akhavilangha avankhongi vamwene akhanchova, "Nikhuvankholela eikhisa avanu ulwa khuva vakhanchighagha nune amanchuva ghadatu savaliele khinu. Saniekhilaghe ukhuta vaghokhaghe nie njala ulwa khuva uyuvienchiliekha munjiela." ³³ Avankhonghi vamwene vakhambula, "Tunchilonda ndhakhu ifisyesye ifyakhwielanila avanu voni ava ukhuta valye vighute ulwa khuva vienghi hanghe tuliephalunyikha?" ³⁴ U Yesu akhavavuncha akhata, '"Mleini fisyesye filienghi?" Vakhata, "Saba, ni somba ndebe.'" ³⁵ U Yesu pwu akhavavula avanu akhata vatame phasi. ³⁶ Akhatola ifisyesye saba nie somba, akhasana, akhamanyula akhavapa avankhonghi. Avankhonghi vakhavapha avanu. ³⁷ Avanu vakhalya vakhakwielanila vakhighuta. Pwu vakhalundamanie ifiemenyuleilo ifyasigiele fikhadhiegha fitundu saba. ³⁸ Avanu voni vavo valiele vale avaghosi avaelfu vanne avadala na vana savavaliewe. ³⁹ Pwu u Yesu akhielagha khuvanu ukhuta vaghodokhaghe na vope akhatogha munghalava ukhuluta uluvafu ulwa khu Magadani.