¹ Unsiekhie ghula, u Helode akhaphulikha imbombo incha Yesu. ² Akhavavula avavombi va mwene, "Uyou vi Yohana umwonchi anchukhiele ukhuhuma khuvuwe. Amakha ghamwene ghakhale ghipivomba eimbombo khumwene." ³ Ulwa khuva u Herode amwibite u Yohana akhankhungha akhanchikhundhaha munyololo, kunongo iya Herodia, undhala uvava Filipo va nkaghaye. ⁴ Ulwa khuva u Yohana ambuliele akhata, "Salukhale lwiva lunonu ukhuva ave indhala vakho." ⁵ U Herode akhalonda unkhumbuda pwa akhadwada khuvanu ulwakhu avanu vambwene u Yohana ukhuta inyamalagho. ⁶ Lyavile linchuva ilya lukhenkhelo ukhumbukha eilinchuva lielyo aholiwe u Herode umwa uva Herodia akhaneva vunonu phaghati phavanu u Herode akhanogwa. ⁷ Pwa anchovile akhijyiegha akhata uyuniekhukhupa khila khinu khikyo uvywinogwa une nikhukhupa. ⁸ Umwana ula vakhanchovana nu vanina akhata, udove, "Akhuphe mukhekhombe untwe ugwa Yohana Uvikwoncha." ⁹ Untwa adwadile nukhusagha akhavona inchi mbaha, ulwakhu aeinjyeghile, pavulongolo pavanu vavo vyalinchagha ikyakhula pamesa numwene pwa khata vakhalete. ¹⁰ Akhansuha umunu ankhandete u Yohana khunyololo ¹¹ pwu vakhaghieola untwe ugwa Yohana vakhagheghela ungiencha musahani akhuphiela akhahielikha khwa vanina. ¹² Avankhongi va mwene pwu vakha mpiemba umfimba ghula vakhaluta khusyiela, vuvasyelile vakhaluta khukhombula u Yesu, einongwa ieyo. ¹³ U Yesu waphulikhe inongwa iencho, akhahegha phala akhaluta pavutali akhatoghe munghalava akhaluta khukhilunga eikhenghe, avanu vinghi vaviele vaphuliekhe ukhuta aheghile pwu vakhaghenda na malunde vakhankhonga ukhuluta khukhilungha ukhwalutiele. ¹⁴ Hanghe u Yesu akhavavona avanu avinghi phavolongolo pa mwene avankhonghile. Akhava kholela ikhiesa pwu akhavayavila avatanu vavo vainchile navo. ¹⁵ Lyakhiemihe avankhonghi va mwene vakhaluta khumwene vakhanchova vakhata, "Apha tuliephalukhunghu eilinchuva lielutile. Vavule avanu vaghodokhaghe khuvunchenghe wa vene vakhaghule ikyakhula kya khula. ¹⁶ U Yesu akhavavula akhata ava savakhaghodokhe, "Umwe muvape eikyakhula." ¹⁷ Vakhambula, "Apha tulienie nie fisyesye fihano ni somba ieveli vuvule." ¹⁸ U Yesu akhanchova akhata, "Mume une." ¹⁹ U Yesu akhavavula avanu vatame pasi pamanyasi. Pwu akhatola ifisyesye fihano nie somba ieveile. Akhalola khukyanya, akhamanyula akhavapa avankongi. Avankhonghi vakhavaghaviela avanu avienghi. ²⁰ Pwu vakhalya voni vakhighuta. Pwu vakhalundamania ififyasighile fikhadhiegha ifitundhu khinchigho nifi vielie. ²¹ Avanu avalile avaghosi ava elfu vahano avadala savavaliwe na vavanana vophe savavaliewe. ²² Pwu akhata khuvankonghi va mwene vienghiele muwato, vakheghe ukhulonghola ukhuluta khumwambo, umwene vuikhelagha khuvanu vavo vale vinghi. ²³ Vueilaghile khuvanu ukhuta vaghodhokhaghe, umwene pwu akhakhegha akhaluta khuvutitu khukhwisaya mwene. Yiekhava lyakhiemihe akhava mwene. ²⁴ Vuvafikhe phaghati pha nyanja ienghava pwu yieliekwelela ulakhuva khwale numbelo nukhulughuta gwale imbaha. ²⁵ Pwu pakhilo eikhilo iya nne u Yesu akhava pawipi, aliekhughenda pakyanya pa maghasi munyanja. ²⁶ Avakhonghi vamwene, vuvawene u Yesu eighenda pakyanya pamaghasi vakhadwadha vakhata khipepenchela, vankhakhuta vakhapwata khumakha khuvundwanchi. ²⁷ Nambievie u Yesu akhavavula akhata, "Vulekhe uvudwanchi, inumbula nchienyo nchielekha ukhudwada nene, mweilekhelwe ukhudwada." ²⁸ U Petro akhanda akhata, "Ntwa, ienave veve, wiembule nayune ninche khulyuve nieghende pakyanya phamaghasi." ²⁹ Akhanchova akhata, "lenchaga." U Petro akhikha mukyombo, akhaluta na malunde pakyanya pamaghasi ukhuluta khwa Yesu. ³⁰ Pwu u Petro aviele ieluta khwa Yesu akhalola unkhulughutu nu umbelo akhadwada, akhatenghula ukhwikha phasi pamaghasi, akhovela khulimenyu eilivaha akhata, "Nkhuludeva, iemokhe!" ³¹ U Yesu akhagholola eikhievokho kya mwene iembive akhamwibata akhankwegha u Petro, akhambula, "Uve ulienu lyiedhikho ludhebe, khikhi ukhale nuvundwanchi?" ³² U Petro akhinghile mughati munghalava eimephu yiekhanunala. ³³ Avankhongi vavo vale mughati mukyombo, vakhansana u Yesu vakhanchova vakhata, "Lweli uve ulie Nswambe va Nghuluve." ³⁴ Vuvalowiekhe vakhafikha, khukhilungha iekya khu Genesareti. ³⁵ Avanu ava khwonu ukhwa vuvalumanyile ukhuta vie Yesu, pwu valikhunchova ukhuvavula avanu avaukhwa khufilungha fifwo filiemulonkhanji mbunjenghe uwa ukhu, pwu vakhavaghegha avanu voni vavo vale vatamu. ³⁶ Pwu valiekhudova nukhusiemieliencha ukhuta tudova twiebate ulughonjo ulwa mwenda gwakho, avienghi vavo vaibiete vaponile vunonu.