¹ Enye ni Pauro omubhagati. Enye ntari mubhagati kureka kuabhatu na kweego kuhitira kuabhatu, kwego kuhitira ku Yeesu Kristo ne Eriobha Tata yaryokiri kureka kuubhaku. ² Hmwe na abhahiri bhoosigo na neenye ndaakamira amasengerero ga Garatia. ³ Orubhango rubhe kuneemwe na gabhego kureka ku Eriobha Tata wetu na Tatabhugya Yeesu Kristo. ⁴ Wuno yirusirye omwene iguru wa amabhihu geetu kwookubha atugurye ne eribhaga rino ryoombhusarya, kuhitira kubhusegi bhwe Eriobha ryeetu na Tata. ⁵ Kunewe bhubhe obhweru bhwa kimera ne kimera. ⁶ Ndarughura kwo okuubha mwikyoreri bhwangu ku bhina ebhindi. Ndarughura kubha mumwikyoreri kure kureka kuneemwe ewew wuno yabhabhirikiri kwo orubhango rwa Kristo. ⁷ Kitariho ekiina ekindi, nawe bhariho abhatu abhandi bhano bhakubhakorera eemwe enyaako no okwenda kukirania ekiina kya Kristo. ⁸ Nawe aribha kweego nitwe nawe maraika kureka mwisaaro arararika kunemwwe ekiina kinokitatubheni na kino twarerikiri kuneemwe, na kweego yihimwe. ⁹ Kweego twari tuhayiri kubhutangiiro, na bhono ndahaya kweki, "aribha ariho omuutu arabhararika ekiina kutatubheni na kyeego mubhweni kweego yihimwe." ¹⁰ Kweego bhonego ndamoha amahene kuuabhatu haamwe ku Eriobha? Ndamoha kubhasambarukya abhaatu? Aribha ndagendererya eenye ntaari muhokya wa Kristo. ¹¹ Muhiri, mumenye kubha ekiina kino nararikiri kitakubhoneke nawe kubhaatu. ¹² Ntaigegiri kureka kumutu, kwego ntegibhwe kweego hayo ehabha kubhukundukuro bhwe Yeesu Kristo kunenye. ¹³ Mimariri kwigwa iguru weekikarire kyane gobhuhuteti gati ye erisengero rye ekiyahudi, kweego nihabha ndanyaka kubhuhari bhwe erisengero rye Eriobha kubhwaru bhwa ekiteemo no okusikya. ¹⁴ Nihabha ngiri gati gati Mwiseengero rye ekiyahudi bhukong'u kubhahiri bhane abhayahudi. Nihabha no omuukya kweego gatigati ya amahokya gabhatata bhane. ¹⁵ Nawe Eriobha rikaseega kunsora enye kureka muunda ya mayi. Akambiarikira kuhitira orubhango rwaye. ¹⁶ Kumusambarukya omwana wane mwoosi waane, kweego nimurarike ewe gatigati ya abhaatu bhe ebhyaaro kweego tutakumohya obhwitegereri bhwo omubhiri na amanyinga. ¹⁷ Nawe no okutira okuugya Yerusaremu kubhano bhahabha bhabhagati akyari kuneenye. Kukirania kwaye nkyagya Mubharabhu no okukwora Damesiki. ¹⁸ Okumara kuhikira miaka etatu nkatira kugya Yerusaremu kutara Kefa, nkikara nawe kwibhaga rya siku ikumi nisanu. ¹⁹ Kweego ntaruzi bhabhagati abhandi kweego ni Yakobo muhiri waye na Tata. ²⁰ Rora, mubhusyo bhwe Eriobha, ntakung'enererya kukino mbhakamiri kunemwe. ²¹ Kumara nkagya mukyaro kya Shamu na Kirikia. ²² Ntahabha nimenyekeni kumeso ga amasengerero ga abhayahudi gaano gahaabha gati wa Kristo. ²³ Kweego bhahabha bhigwiiri, "bharigwego okwikirirya yino ahabha arasarya." ²⁴ Bhahabha bharakumwa Eriobha kwiguru waane.