¹ Abhana musuuke abhibhuri bhenyu kuu Tatabhugya, bhuyo nibhe obhuhene. ² "Musuuke uso wenyu na nina wenyu" (ino niyo ehamuri yeembere), ³ "ebhe hakiriiku kunemwe mwikare no omurembe bhwikari bhutaambi ⁴ Emwe bhatata, mutabhatindira abhaana nookubhakoreera obhutindi, erendeerwa mubharere kumakyooro kubhutaratibhu bhwe ⁵ Emwe abhabhagati, mubhe neeheshima kubhatemi bhenyu bhamukyaaro haano kubhusuki obhukuru nookurigita kweehahe bhino bhikureeka muzokoro zyenyu. Musuuke kuubhayo kyeego mukuheshimu Kristo. ⁶ Obhusuuki bhwenyu bhutaabha tu haano abhatemi bhakubhamahiriira ili kubhazomerya. Kwahiyo, mubhasuuke kama bhabhagati bha Kristo. Mukore obhusegi bhwe Eriobha kureka muzikoro zyenyu, ⁷ muhookye kuzikoro zyenyu zyoosi, kukubha muramuhokerya Tatabhugya na ntari bhaatu, ⁸ murenderwa kumenya kubha kira ering'ana erizoomu rino omutu akukoora, arageega omubhano kureka kuu mutemi arabhe ni mubhagati aua mutu wunon ⁹ Na nemwe abhateemi mukore bhuyo bhuyo kuubhatumwa bhenyu. Mutabhakanga mumenyiri kubha ewe wuno ari Tatabhugya wa bhoosi ni uno arimwisaaro. Mumenyiri kubha atakwahura mukoro ¹⁰ Mubhe na amanaaga ku Tatabhugya no obhunagya bhwe ezinguru zyaye. ¹¹ Mwibhohe ebhitaniiro vyoosi vya Eriobha, mubhe no obhunagya bhwookwimereera embarika na amang'eni go ¹² Kwokubha eriihi ryetu ritari ryaamanyinga neenyama, ira mbyabhukuru na ezinguru zya ekoro na bhukuru bhwaamukyaaro kya amabhihu ga mukirima, iguru wa amabhihu kuumaeneo ga kwiisaaro. ¹³ Kuugayo, mwiibhohe ebhiirwaniro bhyoosi bhya Eriobha, muuze mwimerere bhwaheene kumabhihu kwiibhaga rino eribhiihu. Hano muramaare kira kigiro, murimereera ¹⁴ Bhono mwimerere kisuubhe. Mukoreego kwookubha mwibhoohiri omuchipi neeheene muukikuubha. ¹⁵ Mukoreego araabhe mwibhohiiri no okutuura sawa amaguru geenyu kukurariika ering'ana ryoobhuhooru. ¹⁶ Kwa kira namuna mugeege engubha yoobhuhooru, ino erakusakirye okukinga emwiibhwe gyo ¹⁷ Mwibhohe ekofira yoobhuhooru neerisabha rye ekoro, ambayo ni enga'ana ya Eriobha. ¹⁸ Kuugayo amasabhi na amiasasaamo. Musabhe kweekoro kira ibhaga. Kubhuroori bhuuno mwangaraaare kira ibhaga mwikong'ereerye bhoosi naamasabhi kubheenyaangi ¹⁹ Musabhe iguru waane, iri mbone amang'ana hanonkwasaama omuunwa gwaane. Musaabhe kubha nierekibwe obhunagya bhuno bhubhisiirwe kuhusu ering'ana. ²⁰ Kwokubha yeekina enye ni murariiki wuno mbohiirwe neeminyoror, iri kunebho nkereenie kwa manaaga kyeego nkwiyiigwa ²¹ Hatemwe mwoosi mimeenye amang'ana gaane na kyeego nkugya, Tikiko omuhiri waane omuseegi noomuhokya omwikiriiryaku Tatabhugya, arabhabhuriira kira kigiro. ²² Nimutumiiri kuneemwe kwa makusudi, mumenye amang'ana geetu azizoomye ezikoro ²³ Abhahiri bhaani muubhe noobhuhooru, no obhuseegi hamwe noobhuhoru kureka ku Eriobha Tata na Tatabhugya Yeesu Kristo. ²⁴ Obhuhooru bhubhe haamwe na bhoosi bhano bhamusegiri Tatabhugya Yeesu Kristo kwo obhuseegi bhuno bhutakuukwa.