¹ Nkeegyo mubhe abhaatu bhukugya kwe Eriobha, kyeego abhaana bhaye abhaseegwa. ² Mugeende kwoobhua, egoego kyeego Kristo yakaseegiri etwe, akiruusha omweene kwukubha yineetwe. Omwene yaari omheero, akabhu no obhuhuzu obhuzomu bhwe ³ Amabhihu na obhutungeri bhubhusi okuroherya no kusing'irya kuunetwe kyeego ekwenderwa kubhano bhakwenda, ⁴ na amabhihu gatagambwa, ebhigambo ga kigege gataghambwa, na amakeero gokusukya, gano gatari kisi, ne okukumya ⁵ Oranagya kubha no obhwikiririrya kubha ne amaragya, erikwi, etabhaho wokwiroherya, urya ni msengeri wa anasambwa, atana ne engabho kwo obhutemi bhwe Eriobha. ⁶ Omuutu wowosi atakubheherya kumang'ana gabhweenego, kwukubha ya amang'ana gayo Eriobha riratinda obhotindi bhwe Eriobha buraaza kubheene bhano bhatakwirirya. ⁷ Ego otagwatana ⁸ Kukubha nemwe embere mhabhe mukiirima, kyeego mubheri etsra kuu Tatabhugya. Ego mugende nkya abhana bhe Eriobha. ⁹ Kwokubha emesumo gye Eriobha garagwatania obhuzomu bhoosigo, eheene no obhuheene. ¹⁰ Komgakirya kikuzomerwa kuu Tatabhugya. ¹¹ Bhutabhaho bhugwatani kwe mirimo gye kiirima getari ne emisumo kuumweya gwaye gatari habhoori. ¹² Kwokubha amang'ana gano ga kukorwa nabho neembisiri nisoni kwo ¹³ Amang'ana goosi, garahumburwa omubhaso kubha, haboori no obhuheene, ¹⁴ kwookuba ebhigiro bhoosi bhino bhihumbuurwe kirikara habhoori. Ego aragamba ego, "Bhooka, wono ohindiri, na oreke muubha ne Kristo ¹⁵ Ego mubhe bhang'eeni kyeego mkugya, etari nkya abhatu bhano bhatari abhang'eeni mubhe bhang'eeni. ¹⁶ Noogye ne eribhaga kisi kukubha ni zisiku zimbihi. ¹⁷ Mtabha bhagege, kyoomweya gwaye, omenye niki amaseganeo ge ¹⁸ Mtanywa amarwa, gareerekya kwobhusarya, kuumwaya gwaye mwizurwe ne Ekoro endabhu. ¹⁹ Mugamba kwoumwe wenyu kwa bhwigwani na ameembo gamukoro nee sabhuri, mwembe no okubhina ko Tatabhugya. ²⁰ Kimwiego rusha amasabhi kwo mang'ana goosi kwo eriina rye Tatabhugya Yeesu Kristo na Eriobha Tata. ²¹ Mwirushe emwe abheene kyo omwe kwo omurikyaye kwo osukibwa ²² Abhakari, mwirushe kubhasubhe bhenyu, kyego ku Tatabhugya. ²³ Kwokubha omusubhe ni mutwe kwo mkari, kyego Kristo ari niwe omutwe mwisengerero. Omuturya wo omubhiri. ²⁴ Kyego erisengero rirhasi wa Kristo, bhuyo bhuyo abhakari bhahokye ego kubhasubhe bhabhu gati ye ²⁵ Abhasubhe, mubhasege abhari bhenyu kyego Kristo yari asegiri erisengerero akirusha omwene kunewe. ²⁶ Akakora ego ribhe izomu. Akarizomya kwa kuriogya na amanzi gatigati wering'ana. ²⁷ Akakorego kwokubha anagye okwikyorerya omwene mwisengerero erizomu, hatana eribhati obhunyaka kigiro kino kitubheeni na ²⁸ Kunzira irya irya, abhasubhe bharenderwa bhabhaseege abhakari bha abhumkye emibhiri gyabho. wurya asegiri omkari waye noomweene yiseegiri. ²⁹ Ataroho wuno yiregiri omwene. Tee, omwene aosegiri no kutuga omubhiri gwaye, kye Kristo kyego arisegiri erisengerero ryaye. ³⁰ Kwukubha etwe mbasangiri bhwo omubhiri ³¹ Kweego omusubhe aramtiga tata waye na nina waye nookugwatana no omukari waye, nabho bhabiri bhayo bharabha omubhiri gumwi. ³² Gunogwaari gwibhisiri. Nawe ndabhuga ku Kristo ne erisengero. ³³ Nawe, kwoumwe wetu ne ehateka arenderwa amseege omukari waye nkyego omwene, no omukari nanewe amusuke omusubhe waye.