¹ Kyego muhabha mukuri no okusarya amabhihu genyu. ² Ghahawa gati ya ghano okubha mukahirana nieribhaga ryeesi yiino. Muhabha murahirana kwo okutunirira omukangati wo obhunagya bhweerisaro. Yino niyo ekoro yaye wurya akuhokya emirimo kuubhana bhaano bhakwangwa. ³ Twusigo kubhutangiro tuhaabha tutahikiririrya. Tuhbha tutakora kwe emigono gyeemibhiri gyetu. Tuhakora obhusegi kwoomubhiri no okumenya kwetu. Tuhabha na amang'ana go obhutundi ⁴ Nawe Eriobha rineebhigongi bhyaaruno obhusegi bhukuru kwookubha atasugire twosi. ⁵ Haano tuhabha abhaku kumakosa getu, akatureta haamwe kukwikaari obhuhya mwoosi mwa Kristo. Ni kwo orubhango muturibhwe. ⁶ Eriobha rikaturiora hamwe no okutukora tuiikare haamwe ahagiro kiiguru mwosi mwa Kristo Yeesu. ⁷ Akaakorego gatigati we eribhaga rino rikuza anagye kutwerekya obhunibhi obhukuru bhwo orubhango rwaye aratweerekya etwe rino kwenzira yoobhuru bhweye mwoosi wa Kristo ⁸ Kwoorubhango muturibhwe kwenzira yo kwikirirya. Na kwookubha etarwiri kunemwe ni emibhano gye Eriobha. ⁹ Etakubhoneka mumahokya kumenya kwaye atabhaho wumwe wabhu wokwikumia. ¹⁰ Kwookubha etwe ni amahokya geekyaro tutemirwe gagtigati ya Kristo Yeesu kukora amahokya amazomu. Ni amahokya gano gaari ge Eriobha akagatwa kwemera inyuma ni inyuma kwighuru wetu kweego tugende gatigati wa ¹¹ Kweego muhite kubha ekare hayo mwaari abhatu bhe ebhyaro kweenzira yo omubhiri murabhirikirwa bhano mutana esaaro kukino kikubhirikirwa esaaro yoomubhiri yino ekukorwa kumabhoko ga abhatu. ¹² Kweribhaga rino mwari murahurwa no omu Kristo. Mwari bhagini agano kuburage mutahabha no obhukenebhwa eribhaga rinorikuza muhabha mutana Eriobha gatigati we ¹³ Bhoneego Kristo Yeesu emwe bhano hayo kubhutangiro mwari kure nee Eriobha muretirwe haguhi ne Eriobha kumanyinga ga Kristo. ¹⁴ Kwookubha ewe niwe okwikirirya kweetu. Akakora bhahiri kubha wumwe kumubhiri gwaye akasarya orugito kwookubha twanikania, runo ahabha arwahukenia obhubhisa bhuyo. ¹⁵ Akanagya erihatike no okukumirirya kubha akore omutu owumwe omuhya mwoosi waaye akakora amani. ¹⁶ Akakoreego kugwatania ebhigoto bhibiri bhya abhatu kubha mubhiri gumwe ku Eriobha kuhitira omusarabha. Kweenzira yoomusarabha akamara ¹⁷ Yeesu akaaza okurarika okwikirirya kweenyu bhano murikure nookwikirirya kwabhu kubhano bhahabha haguhi. ¹⁸ Kwookubha enzira twosigo bhabhiri tunoomweya kukoro yimwe okusikira ku ¹⁹ Bono emwe abhatu bhe ebharu mutaari bhageendi na abhagini kweeki eemwe ni bhikari bha na bharya bhagirwe nee Eriobha na abhatu bha munyumba yee Eriobha. ²⁰ Mwombokirwe iguru wa abhabhagati na abharoti. Kristo Yeesu ahabha ni igina ikuru rye embarika. ²¹ Gatigati we nyuma yoosi agwatanibhwe hamwe no okukura kye erisengerero mwoosi wa Tatabhugya. ²² Ni mwoosi waaye nimwe na bharya mrombokwa hamwe kya ahagiro hokwikara he Eriobha ne ekoro.