¹ Pauro, omubhagati wa Kristo Yeesu kwoobhusegi bhwa Eriobha, kuubhano bhakangwa kwookubha ye Eriobha bhono bhari Efeso na neebho ni bhaheene ku Kristo Yeesu. ² Orubhaango rubhe kwiimwe noomurembe guno gukurwa kwe Eriobha Tata wetu na Tatabhugya Yeesu ³ Eriobha na Tata wa Tatabhugya wetu Yeesu Kristoagungibhwe. Niwe akatuhaka amaguuta gamukoro, mu-ahagiro hamwisaaro mwosi mu Kristo. ⁴ Hano yakyaari okuteema esi, Eriobha akatusora etwe bhano twikiriirye ku Yeesu Kristo. Atusore etwe tubhe abhaare bhano tutana amasoro embere ⁵ Mubhuseegi bhwe Eriobha akatusora kurwa kubhutangiro kwookutugega kyaabhana bhaye kweenzira ya Yeesu Kristo. Akakoreego kwookubha akategeribhwa okukora kino aharohererya. ⁶ Gano gakaza ni kubha Eriobha aragungibhwa kwo orubhango rwoobhweru bhwaye. Kiino nikyo akatuhana bhusa kweenzira yoomusegwa ⁷ Kwookubha kumuseegwa waaye, tunabhweobhuhonikuhitira amanyiinga gaaye, amaabhira geebhibhi. Tunaryo rino kwookubha yoobhunibhi bhwoorubhango rwaaye. ⁸ Akakora orubhango runo kubha rwaaru kwiiguru wetu kubhwisegi ⁹ Eriobha akakora emenyekene kwitwe ehene yino yibhisiri kureka kwubhwendi bhuno bhwerekibhwe mu Kristo. ¹⁰ Erbhaga hano rirahike ryoobhuzabhi, bhwa amang'ana ga Eriobha arabhitura ebhigiro bhyoosi hamwe kira ekigiro kya mwisaro na kya iguru weekyaro ku ¹¹ Mu Kristo twaritusorirwe na okwisegerwa kwiibhaga rino ryarikyaari kuhika. Yiino yaari erekeni noobhwisegi bhwa wuno akukora ebhighiro byoosi kwa amega noobhusegi bhwaye. ¹² Eriobha akakoreego kwookubha tubheho kwoobhukumyo bhwoobhweru bhwaye. Twaari bheembere okubha na ekisubhe subhe mu ¹³ Ehaabha kuunzira ya Kristo kubha mukiigwa eng'ana yeeheene, ekiina kyoobhuturya bhwenyu kweenzira ya Kristo. Yaari kunewe kweeki kubha mwikirirye nookuturirwa orukaamo kumubhiri ne ekoro ehoreeru wuno yaari aragirwe. ¹⁴ Ekoro niyo yimerereri engabho yeetu tee orusuku rwookuhanwa hano rurahike. Yiino yaaari ni kuubhugungyo noobhweru ¹⁵ Kwookubha, kwema eribhaga hanonikiigwa iguru yoobhwikirirya bhwenyu mu Tatabhugya Yeesu na iguru woobhusegi bhwenyu kubharya bhoosi bhano bhatigirwe kwookubha yaye. ¹⁶ Nkyaari kutiga okumukumya Eriobha kwiguru yenyu no okubhatora kuumasabhi ¹⁷ Ndasabha kubha Eriobha wa Tatabhugya wetu Yeesu Kristo, Tata woobhweru, araza kubhaha ekoro yaamang'eni, amakundukuro go obhumenyi bhwaye. ¹⁸ Ndasabha kubha ameso genyu ga mukoro gaturirwe obhweru kwimwe okumenya ni bhuhe obhwisige bhwookubhirikirwa kwenyu. Ndasabha kubha mumenye obhunibhi bhwoobhweeru bhwoobhugabhi bhwaye gatigati mwa bharya bhaangairwe kwiiguru ¹⁹ Ndsabha kubha mumenye obhunagya bhaye obhukuru bhweezinguru zyaye mwitwe bhuno tukwikirirya. Ubhunagya bhuno bhurarekana nookukora emirimo kuuzinguru zyaye. ²⁰ Yiino ni nguru yino yakoriri emirimo mu Kristo eribhaga Eriobha hanom yamuryoriri kureka kuubhaku nookwimwikarya kukubhoko kwaye kwoobhuryo iguru mwisaaro. ²¹ Akamwikarya Kristo iguru kure noobhutemi, obhuturo, amang'ana, obhukangati na kumarina gano gakuhaywa. Akamwikarya Yeesu etari kwiibhaga rya bhoono nawe kwiibhaga rinorikuza ²² Eriobha akabhituura ebhigiro bhyoosi iyaasi wa amaguru ga Kristo. Amkoriri ewe abhe omutwe iguru we ebhigiro bhyoosi bhya munyumba yookusengereramu. ²³ Ni enyumba yookusengereramu kubha niyo omubhiri gwaye ebhigirobhyoosi kuzinzira zyoosi.