¹ Bhatata murusye kubhabhagati amang'ana gahene na gokusuuka, mumenyiri kweki muna Tatabhugya ² Mughenderere kubha ghati ghati mumasaabhimikare meso ghati ghati kyo okukumia. ³ Musabhe hamwe na kutwosi bhosiigho, kwukubha Eriobha righure ekiseku kwokubha ye ring'ana, kukerenia bhwiibhwisi bhwo obhuheene. Kurinorwe ne eminyororo. ⁴ Ndabhasabha nture kutura mwasi kwukubha endagiri ⁵ Noghenda na amaheene kubharya bharirya iguutu mutuurye eribhaga. ⁶ Amang'ana genyu ghabhe no orubhango kwibhaga ryoosi, gagwate omunyu ibhaga ryoosi kwego munagye kumenya ⁷ Kumang'ana ghano ghaniregiri enye, Tukiko araghakora gamenyekene kumwene, ewe muhiri musegwa. Muhokya muheene, no omubhagati omuri kyetu ghati ghati Tata. ⁸ Ndamureta kunemwe kwukubha ya rino kubha muture kumenya amang'ana kuhitira kunetwe kweki kwukubha anagye kubhana ekoro. ⁹ Ndamureta hamwene Onesmo muhiri wetu omuseghwa omuhene, na owimwe waabhubharabhabhurira goosigo kino kyabhone kiri. ¹⁰ Aristarko, omubhohwa omurikyetu, arabhakerya kwego na Mrko omwihwa waye na Bharinabha wino mwaturung'eni amahokya kurwa kunewe'', hano oraza owenyu mumwikirirye''. ¹¹ Hayo Yeesu bhakamubhirikira Yusto bhano abhene bhesaro niabhahokya bhemirimo abharikyane kwukubha obhubhagati bhe Eriohba bhabhweri bhuzomerwa kunenye. ¹² Epafra, arabhakerya ewe ni wumwe wenyu no omubhagati wa Kristo Yeesu. Ewe arakora omukya kumasabi kwego kubha munagye kwimarera kwe hene hene kurora ghati ghati kubhusegi bhwoosibho bhe Eriobha. ¹³ Kwookubha niruzi kwego ndakora emirimo kwomukya kunenwe bhayo murigo Raudekia kubhayo bhariyo Hierapori. ¹⁴ Ruka wurya omuhorya omusegwa, Deema arabhakerya. ¹⁵ Bhakerye abhahiri bhane bhariyo Reodekia, Nimfa, neerisengerero rinoririyo mumugye gwaye. ¹⁶ Ering'ara hao rino rirabhe risomirwe ghati ghati wenyu. isomwe mwisengerero rya Wareodekia, nemwe mumenye murasoma kureka Reodekia. ¹⁷ Haya ku Arkipo, '''rorerera obhuturo bhuno agegiri kurwa Kutata kubwa orenda kuimara. ¹⁸ Obhukerya bhuno bhwo okubhoko kwane omwene - Paulo. muhite eminyororo gyane. Orubhango rebhe na nemwe.