¹ Aribha kweki Eriobha abhesisimuri hamwe naa Kristo, mwendere amang'ana giguru eno Kristo ikeri okubhoko kwoo bhuryo kwe Eriobha. ² Isega amang'ana giiguru tiga kwisega gamukyaro. ³ Kwukubha mukuri, noobhwikari bhenyu bhubhisirwe hamwe na Kristo ku Riobha. ⁴ Aribhaga rino Kristo arirorekana mukikarare kyenyu, riho mwosi mukurorekana kubheru ⁵ Mutige amahokya gamukyaro obhusebhati, obhukwarya, kusega amabhihu, orukuzi, goosi gayo mbusengeri bhwa emisambwa. ⁶ Kwookubha yamahokya gaaya obhutindi bhwe Riobha bhuri iguru wa abhaatu bhano bhatakusuka. ⁷ Kumahokya gaayo mwoosi mukagahokya haomo muhagendenia nabho. ⁸ Nawe bhoono gayo gosi murenderwa mugarusyeho, nago ngano; kutiinda, amang'ana amabhihu gano gakureta muminwa ⁹ Mtang'enerenia abhene kwa abhene kwookubha murusibhwe kumahokya geenyu gee kare. ¹⁰ Mwibhohiri amahya gano gakubhakora kubha bhahya na amang'eeni gano gakureka kumubhumbi wetwe. ¹¹ Kumang'eeni gayo ataroho Muyunani na Muyahudi kusarwe murisha, musomi, mtasoma, mbagazi, uno utari ¹² Kwookubha abhasorwa bhe Riobha, abhazomu, abhasegwa, mwibhohe obhuhokya bhuzomu, musambaruku mwitegereri, munyoohu, mwikong'ererya. ¹³ Mgegere abhene kwa abhene mwabhirane mutu na murikyaye, aribha mutu anakiriro iguru womurikyaye amwabhire kyeego bhurtya Eriobha rikabhabhira emwe. ¹⁴ Iguru wa amang'ana gayo goosi mubhe no obhuseegi, kwookubha nibhwe eng'ana ¹⁵ Obhuhoru bhwa Kristo bhubherekyereryezikoro zyenyu. kwookubha yo obhuhoru bhuyo kubha mkabhirikirwa kumubhiri gumwi. mubhe no murembe. ¹⁶ Ering'ana rya Kristo mwiker naryo kwo bhunibhi kuuzihzkiri zyosi mwengenye na kutongerena kuzababuri, emembo, emembo ga muzikoro mwembe kuzomererwa muzikoro nzyenyu Kriobha. ¹⁷ Kino kyosi mukukora kumang'ana amatenyo mukore gosi kurina rya Tata Yeesu. Kuhitira kunewe kunanye ubhuzomererwa bhwetu ¹⁸ Abhakari mwikombe kubhasubhe bhenyu kyego Eriobha asegiri. ¹⁹ Emwe abhasubhe musege bha mukenyu mtabha bhahari iguru wabhu. ²⁰ Abhana musuke abhihuri bhenyu kumahokya goosi, Kwokubha nigo gakuzomera Eriobha. ²¹ Bhatata mutazabhura abhana bhenyu, bhataza ²² Abhabhagati musuke abhatemi bhenyu iguru wo mubhiri kumang'ana gosi ila etazakubha kubhuhokya bhwe meso kyego abhatu bhakuzomya, nawe mubhe nekoro yehene, mwobhohe Eriobha, ²³ Kira kinu mukora kireke mumitima, muhokye ge Riobha. ²⁴ Mumenyiri kubha murazakuhwa obhwimereri ne Eriobha. ²⁵ Wumo wosi akukora amahokya amabhihu obhusinziro bhwye bhurakorwa kyego anamahokya gaye gari.