¹ Niho Festo akasikira mwitinika ryee ekyaaro hano zyahuriri siku isatu akagya kurwa Kaisari tee Yerusareemu.. ² Omumweesi omukuru na Abhayahudi bhano bhamenyekeni bhakarete okwisegeera na Pauro ku Festo, bakakerania kwa managa ku Festo. ³ Bakamusabha Festo ebigengi iguru wa amanjana ga Pauro amenye kumubhirikira Yerusaremu amaenye kumwita munzira. ⁴ Nawe Festo akabhakyora kubha Pauro yabhanga mubhahwa eyo Kaisaria no okubha ewe omwene arakyoora eyo bwangu. ⁵ Akabhuga "Ku gayo bhano bhakunagya, bharanagya okugenda eyo nanetwe. Aribha kireho kigiro kibhihu kumutu wuyo, murenderwa kumusema" ⁶ Hano bhamariri kwikara siku inyanye hamwe ikumi embere, akagharuka Kaisaria. No orusiku runo rwa rwiri inyuma akaikara kukitumbi kyo obhusinziro no okumubhurira Pauro bhamurete kunewe. ⁷ Hano yahikiri, Abhayahudi kurwera Yerusaremu bhakimerera haguhi, bhakarusia amasemo mara makong'u ghano bhatanagirye okubhona amahene. ⁸ Pauro akakerania no okubhugaa. Etari kisina rya Abhayahudi, itari iguru ye erisengero na etari ya Kaisaria, nikoriri amabhihu.' ⁹ Nawe Festo akenda kwikangatirirya kubhayahudi, kwego akamukyora Pauro kwookubhuga, awe, orenda kugya Yerusaremu no okusinzirwa na nenye kumang'ana gano eyoo? ¹⁰ Pauro akabhuga nirimerera ambere ye ekitumbi kye erisinziro kya Kaisari hano nikwenderwa kusinzirwa. Nikyari kubhasarirya Abhayahudi, awe omenyiri buzomu. ¹¹ Niribha nisarirye naabha nikoriri kino kikwenderwa oruku, nitakwanga kukwa. Nawe aribha amisego ghabhu gatari kigiro, atareho mutu wuno akunagya kunitura kwebho. Niramusabha Kaisari. ¹² Hano Festo arimara okukerania ne erirwaziro akamukyora "Oramusabha Kaisari; oragenda ku Kaisari". ¹³ Hano ezisku ndebhe zirahwe, omutemi Agripa na Bernike bhakahika Kaisari okukora orugendo rwabhu ku Festo. ¹⁴ Hano bhamariri kwikara hayo ezisiku nzaru, Festo akahikya amasemo gaa Pauro kumtemi. Akabhuga; omutu wuno we akatigwa hano na Feriki kubha mubhohwa. ¹⁵ Hano niabhanaga Yerusaremu abhamwesi na abhakaruka abha abhayahudi bhakareta amasemo iguru wo omutu wuno kuninye nebho bhakabhurya iguru wo obhusinzi bhwo omutu wuno. ¹⁶ Kurino enye nikabhakyora kubha etari temwe ya Abharoma kumurusia mutu kwookugwera kwo omweya gwoomwisengerwa arenderwa kubha no omweya gwokubhahana abhasemwa bhaye nookukerania kwokwoturya kumisego gayo bhakwisengerwa. ¹⁷ Hano bhakaza hamwe hayo, nitanagirye, kuganya, nawe orusiku rwa tabhori yaaho nikikara kukitumbi kye erisinziro no okubhabhurira omutwooyo aretwe mwosi. ¹⁸ Hano abhasemi bhakimerera no okumusema, nikisega kubha gatareho makuru gano garusibhwe kunewe. ¹⁹ Omweya gwaye, bhabhanga no obhuhakani bhurebhe kunewe bwo bhusengeri bhwabhu no obhundi ku Yeesu wuno yabhanga akuri. Nawe Pauro arabhuga areho muhoruu. ²⁰ Nabhanga nibhisirwe gyego niramahye ering'ana rino, nikamubhurya aribha yangagiri Yerusaremu okusinzirwa kumang'ana gayo. ²¹ Nawe hano Pauro akabhirikirwa agwatwe aturwe hasi kubhuribhwa kwookubha omutemi ahayiri, nikabhuga aturwe nabhe ningamuhira ku Kaisari. ²² Agripa akakerania na Festo, "Narine segiri kweki okwitengeererera omutwano". "Festo akabhuga, "Tabhori oramwitengerera". ²³ Kwego tabhori yaho, Agripa na Berneke bhakahika ne ezinyangi nzuri bhakahika murukungu na abhakuru ibha abhanajeshi, na abhatu abhakamibhwa bha mumugye. Festo hano yarusirye ndagozyee Eryoobha, Pauro akaretwa kunebho. ²⁴ Festo akabhuga, "Omutemi Agripa, nabhaatu bhosigo bhano bharihano hamweego nanitwe, muramurora omutu wuno; Abhaatu bhosiigo bha bhuyahudi eyo Yersaremu na hano hoosi bhendiri nibhatongere, nebho bhakatema ekituri kwinye kubha atikara. ²⁵ Nikarora kubha atakoriri riryoryoosi rino rikwenderwa akwe; Nawe kwokubha abhirikirwe no omutemi, nikamurwa kumuhira kwekwe. ²⁶ Nawe nitana kigiro kya hene kino nirakane kumutemi kurino, nimuretiri kwawe hane kunawe, omutemi Agripa, nibhone ekigiro kyookukana kumasemo gaye. ²⁷ Kwookubha nirarora itareho ng'ana yokumuhira mubhohwa kitareho kino kyerekibhwe kumasemo gano anago gamukwatiri.