¹ Kwibhaga rino tuhabha nabho, na twagenda kunyanza tukahika kimwe mumugye gwa Kosi, na etabhori waho tukahika mumugye gwa Rodo, na kureka eyo tukahika mumugye gwa Patara. ² Hano tukabhona emeri yino ekwambukka kugya Finike, tukatira tukagenda. ³ Hano twahikiri mubhusyo bhwa kisiwa kya Kpro, tukaitiga orubhara rwa obhumosi, tukaghenda tee Siria, tukatura obhwikari kumugye gwa Tiro, kwookubha eyo niyo emeri ehebha yikumwe omurigho gwaye. ⁴ Hano twaruzi abheghi, tukikara eyo ezisikiu muhungati, abhaghi bhano bhakamubhurira Pauro kuhitira kukora kubha ewe ataaza Yerusaremu. ⁵ Na hano twamariri ezisiku zirya, etwe tukarekaho kughenda hetu, hoosi hamwe na abhakari bhabhu na abhana bhabhu, bhakatuhereghesya ghati wenzira zyetu tee hano twahurukiri igutu yo omugye, kumara tukatema amaru hasi, tukasabha, tukaraghana no owumwe. ⁶ Tukatira emeri, eno nabho bhakakyora yika wabhu kweki. ⁷ Hano twamariri rwetu kureka Tiro, tukahika Toremai, hayo tukahaya abhahiri na tukikara nabho kwa rusiku rumwe. ⁸ Tabhori hayo tukarekayo tukaghenda Kaisaria etwe tukasikira yika wa Firipo kimenyekereryo gwe ekiina, wuno ahabha wumwe wa bharya muhungati nanetwe tukikara hamwe nawe. ⁹ Omutu wuno ahabha na bhakya bhane abhakya bhano bhahabha bhararota. ¹⁰ Bahakabha bhikeri eyo kwa siku muganda akituma kurwa uyahudi muroti wumwe arabhirikirwa Agabo. ¹¹ Ewe akaza kunetwe na akaghega omushipi gwa Pauro akibhoha amaguru na amabhoko gaye omwene na akubhuga "ekoro ehoreru erabhuga ego" "Abhayahudi bha yerusaremu bharamubhoha omutu wuno agwatiriri omushipi guno na bharamutura mumabhoko gha abhatu bhe ebhyaro. ¹² Hano tukigwa amang'ana ghayo, ewe na abhatu bhano bhahabha bhikeri ahagiro harya tukamusabha Pauro atatira kugya Yerusaremu. ¹³ Niho Pauro akayora murakoraki emwe murarira na kunibhuna ekoro yane? kwookubha niri kisi etari angu kubhohwa nawe kweki ni kukwera eyo Yerusaremu iguru wa erina rya Taata Yeesu. ¹⁴ Kwookubha Pauro atahena kutongerwa tukatiga nokuhaya "Kwego amegha gha Taata ghakareke. ¹⁵ Kuhika ezisiku zino tukaghegha ezisakwa zyetu na kutira Yerusaremu ¹⁶ Abheghi abhasuhu kureka Kaisari kweki bhakatutinirira bhakamureta mutu wumwe arabhirikirwa mnasoni, mutu wa Kipro omwaghi we ekara ahabha yikeri nawe. ¹⁷ twahikiri Yerusaremu abhahiri bhakatutua kwa kuzomerwa. ¹⁸ Tabhori waho Pauro akagenda hamwe na netwe ku Yakobo na abhakaruka bhoosi bhahabhaho. ¹⁹ Hano twamariri okubhakerya akabhaha orubhoti yimwe kumara eyindi ya amang'ana ghano Taat bhugya yakoriri ghati we ebhyaro kuhitira obhusakirya bhwaye. ²⁰ Hano bhakigwa gayo bhakamukumya Taatabhuya na kumubhurira "orarora, muhiri kuriho maghana aringe bhikirirye ghati mwa abhayahudi bhayo bhosi bhana msango gwa kugwata migiro. ²¹ Bhakabhurira iguru wazo kubha eregya abhayahudi bhano bhakwikara ghati ye ebhyaro kutigana na Musa. Na kubha orabhaburira bhatabhassra abhana bhabhu na bhatighe etemwa ye kare. ²² Tuerenderwa tukoreki? Tigha bhwobha bharigwa kubha awe wiziri. ²³ Gwego kora kino etwe tukukubhurira bhono tunabho bhatu bhane bhano bhaturiri maraghano. ²⁴ Nighoghe abhatu bhano na wisundura omwene wumwe nabho, na obharihire amariho ghabhu bhanagye kumwa emitwe gyabhu kwego owumwe abhone kumenya kubha amang'ana ghano bhabhurirwe iguru waye ni gha bhubhehi bharaga kubha awe kweki oranagya emighiro. ²⁵ Nawe kwa amang'ana gha ebhyaro bhano bhamwikirirye tukakaama na kurusya amaragiririryo kubha murenderwa kutighana na ebhigiro bhino bhirusibhwe dhahabhu na ihundughuru na amanyinga kureka kukino kyang'etirwe na bhatighane na obhusimbe. ²⁶ Niho Pauro akabhagegha abhasubhe no orusiku rwa kabhiri, akisindura omwene hamwe nabho, akasikira mwisengerero kuhaya ibhaga rye siku zya kwisindura na ekimweso kurusibhwa na ekimweso kurusibhwa iguru wa wumwe wabhu. ²⁷ Ezsiku ziyo muhungato hano zyahikiri kubha abhayahudi bhandi kureka Asia bhakamurora Pauro mwisengerero, na bhamu kikaro bhakatinda na kubhagorokerya amabhoko. ²⁸ Bhahabha bharatema ekitiri abhatu bha Israeri mutusakirye wuno ni omutu wuno yabhegirye abhatu hagiro amang'ana ghano ni kihuteti na abhau, migiro, na ahagiro hano, kweki bharatiri abhayahudi mwisengerero na kuhasarya hagiro hano hobhweni. ²⁹ Kwokubha kubhwemero bhahab ha bhamuruzi Trifimo muefeso ari hamwe na mumugye nabho bhakisegha kubha Pauro amuretiri mwisengerero. ³⁰ Omugye gwoosi ghuhabha na obhwobha na abhatu bhakaryara hamwe na kumugwata Pauro bhakamuhurukya igutu wa erisengerero na ebhisaku bhikigharwa. ³¹ Hano bhahabha bharasakya kumwita amagina ghakamuhikira omukuru we erijeshi rya abharibhi kubha Yerusaremu yosi ehabha yizuri bhutindi. ³² Mara egho bhakaghegha abhasirikare na omukangati akaryarira erihizo ibhagha riyo abhatu hano bhmuruzi omukuru we rijeshi na abhasirikare bhakatiga kumutema Pauro. ³³ Kumara omukuru werijeshi akamwisukira na kumugwata Pauro na kuhaya abhohwe eminyoror ebhiri akamubhohya awe niwi na akoriri ³⁴ Abhatu abhandi bhahabha bharitakya kigiro kino, na abhand ekindi, kwookubha omukangati atanagirye kubhabhurira kwokubha ya ekitiri kirya akabhugha Pauro aretwe mungome. ³⁵ Hano yahikiri kubutiriro akagegwa no omusirikare kwookubha ya ekitiri kya abhatu. ³⁶ Kubha erizo rya abhatu bhakamugyaku na kughenderera kukora ekitiri mumurusyemu wuyo. ³⁷ Hano Pauro ahabha araretwa mwosi wengome bhakamubhurira omukuru werijeshi ndatira kukubhurira kigiro? wurya omukuru wa erijeshi akabhugha. "Orakerania kiyunani?" ³⁸ Awe otari wurya omumisiri wuno akakangata kutigha naakaghega amagaidi bhikwibhine kwibhara? ³⁹ Pauro akabhugha enye ni muyahudi kureka mugye gwa Tarso ya Kirikia, enye ni mwikari wa mugye kwo kukumibhwa ndabhasabha munihatike nikerenie na abhatu. ⁴⁰ Ibhagha omukangati akamuhana oruhusa Pauro akimerera kubhutwiro na akarusya kutemya kwa abha kwa kubho kwaye. Hano tuhabha na obhukiri bhukong'u akakerania nabho kwa Kiebhrania.