¹ Ekitabho kyekete kino nakaamiri Theofilo, nkahaya goosi gino Yeesu Yeesu aratemya no okwegya, ² tee hano yagegirwe iguru. Yino yaari hano yamara okuusha emirigo kuhitira Ekoro enyoohu kwo abhabhagati bhano yasoriri. ³ Yama okunyakibhwa, ewe akarorekana kubha neebho arimuhoru no obhwiyereka ni bhukarorakana. Kuzisiku mirongo ene kubha neebho no okugambera obhuteme bhwe Eryoobha. ⁴ Hano aratemeraro nabho akabharagirirya bhatareko Yerusaremu, nawe bhagaryera kwookubha yo obhugye bho Taatabhugya mwigwiriri kureka kunenye. ⁵ Kubha Yohana akasubha kwa amanzi nawe bhoono murasubha kwa Ekoro ehoreeru kuzisiko ze haguhi. ⁶ Na hano bhari bhakumenie hagiro hamwi bhakamubhurya, Taaatbhugya eribhaga rino neego okutukyorera obhuutemi Abhaiszraeri? ⁷ Ewe akabhurira, kisi emwe kumenya eribhaga rino Taata yendiri kobhutemi bhwaaye omwene. ⁸ Nawe mrabhona amanaga, hano Ekoro ehoreru ikuza iguru wenyu, na neemwe mrabha abhagambiri bhaane kwemera Yerusaremu, Bhuyahudi, ne Samaria. tee. ⁹ Taatabhuugya Yeesu yamara okugahaya gano, mbaari bhararorerera iguru, naneemwe akagegwa iguru, ne erisaaro rikemukundikirya bhatamurora kwo meeso gaabhu. ¹⁰ Hano bhaari bharamaherira iguru kwisaaro kwo obhwangareri na neemwe aragya, bhutokerwa abhatu bhabhiri bhakimerera igati wabhu bhibhoohiri amibho amarabhu. ¹¹ Bhakahaya, emwe abhatu bha Gariraya, kwaki mwimeriri hano muramaharira iguru we risari? Yeesu wuno atiriri iguru we risaro arakyoora kwe egoego kyeego mumuruzi aragya kwisaaro. ¹² Neho bhakakyoora Yerusaremu kureka kukiguru kye mizeituni, kini kiri haguhi ne Yerusaremu, kwo orugeendo rwe esabhato. ¹³ Hano bhakatira kwigorofa hano bhaari okwikara, Petro ne Yohana, Yakobo, Andrea, Filipo, Tomaso, Bathoromayo, Mathayo, Yakobo wo Alfayo, Simoni wo Zerote, ne Yuda wo Yakobo. ¹⁴ Bhoosi bhakagwatana kyo omutu wumwi, kwumukya bhakagendererya na amasabhi. Bhaari hagiro hamwi na abhakari, Mriamu nina waye Yeesu, na bhaumwabho bhekimura. ¹⁵ Kwazisiku zirya Petro akimirira igati ya abhahiri bhaye mbhaari abhatu 120, akahaya, ¹⁶ Bhahiri bhane, yaari kubha amakaamo gahikirwe, gano Ekoro ehoreru yahayiri kuminwa gya Daudi ku,ubha ye Yuda, wuno yabhabhuriri bhano bhamugwatiri Yeesu. ¹⁷ Kukubha yaari omurikyeetu akabhona erituumo ryaye nobhweera kubhuhokya bhwaaye. ¹⁸ Bhoono omutoono akagura omugundu kukirya yagegiri kwumabhihu gaaye na hano akagwa akangatiri omutwi, akabhaaruka endana amara gaaye gakiteka haasi. ¹⁹ Bhoosi bhano bhakwikara Yerusaremu bhakiigwa kugano. Niigo omugundu bhakiritoga kwungambo yaabhu "Akeldama" guno nigo "mugundu gwa amanyinga".) ²⁰ Kwe ekitabhu ke Zaburi gakamirwe, kubha tiga ahagiro haye habhe riitongo na atabheho wuno akwikaraho hayo, na abhonekane owundi wuno akugega ekitambi kyaye kyo obhukangati. ²¹ Kiyo nkisinyiriri, kweego wumwi we abhasubhe bhano bhaari hagiro hamwi na Taatabhugya Yeesu wuno yaari arahuruka no okusikira igati yaabhu. ²² Kweemra kwo okusubhibhwa na Yohana tee hano yagegirwe iguru kwisaro, tee abhe omugambiri wo okuryokibhwa kohagiro hamwi ne neetwe. ²³ Bhakatuura bhatu bhasubhe bhabhiri, Yusufu na wuno akabhirikirwa Barnaba, kweki bhahamutoga Yusto na Mathia. ²⁴ Bhakasabha bharahaya, nanewe Taatabhugya, niomenyiri omukye gwa abhatu bhoosi, turakusabha otuure habhoori wumwi igati wa abhanu bhabhiri wuno omusoriri. ²⁵ Kugega omweeya wo obhubhagati, hano Yuda Iskariote yakoriri amabhihu nokugya ahagiro haaye. ²⁶ Bakitema ikuura kukubha yabho, ne ikuura ikamugweera Mathia wuno ya sorirwi hagiro hamwi na abhabhgati ikumi na aibhiri.