¹ Lelo kuhusu kwiza kwa Bwana wetu Yesu Kristo na kukusanyigwa hamwe ili kiwe nayeye: chowapula mweye ndugu zetu, ² kwamba seka msumbuigwe wala kutabishigwa kwa urahisi, kwa roho, au kwa usenga au kwa barua ioneka kuwa ilawa kumwetu, ilonga kwamba siku ya Bwana tiyali iza. ³ Muhnu seka yawavizile kwa namna yoyose. Kwa via haizakwiza mpaka dia anguko dilawilile kwanza na muhnu kwa uasi yafuhnuligwe, ija mwana wa ubananzi. ⁴ Ino ndiyo yopinga nayo koinula mwenyegoyahampinga Mulungu na chochpse choabudigwa. Na matokeo gake, hukala munadihekalu da Mulungu na kuilagusa yeye kuwa kama Mulungu. ⁵ je, hamkumbuka kuwa vinikalile na mweye niwalongela mbuli zino? ⁶ Lelo muvimanya kia kimzuia ,ili mbali yadahe kufunuligwa kwa wakati sahihi vonda ufike. ⁷ Kwa kuwa sili ya ija muhnu mwenye kuasi yotenda kazi mpaka sambi, ila tu kuna yomzuia sambi mpaka vonda yalavigwe muinzila. ⁸ Ndivo ija mwenye kuasi vonda ,yafunuligwe, ambaye Bwana Yesuke keza mkoma kwa muhe wa mulomo wake. Bwana keza mtenda kuwa si chochose kwa lugubulo lwa wizilo wake. ⁹ wizilo wa ija mwenye kuasi wizakuwa kwa sababu ya kazi ya Shetani kwa nguvu zose, vilaguso na mauzauza ga uvizi, ¹⁰ na uvizi wose wenye udhalimu. Mbuli zino zizakuwa baho kwa waja okwaga, kwa sababu hawaubokele upendo wa kweli kwa ajili ya kuokoigwa kwao. ¹¹ Kwa hiyo Mulungu kowatumila kazi yenye ubananzi ili waamini uvizi. ¹² Matokeo gake ni kwamba wose wose wezahukumigwa, waja ambaohawaaminile ukweli bali wao odehng'elela muna uudhalimu. ¹³ Lakini yolondeka kimshukulu Mulungu kila mala kwa ajili yenu ndugu mupendigwe na Bwana. Kwa sababu Bwana kawasagula mweye kama malimbuko ga wokovu kwautakaso wa soho imani muna ija ikweli. ¹⁴ Kino ndiyo chaawakemele mweye, kwamba kufosela injili modaha kuupata utukufu wa Bwana wetu Yesu Kristo. ¹⁵ Kwa hiyo, ndugu, imeni goya. eleweni uja utamaduniumufunzigwe, kwa mbuli au kwa barua yetu. ¹⁶ Lelo Bwana wetu Yesu Kristomwenyego, na Mulungu Tatietu yachipendile na kuchihng'a falaja ya milele na ujasili unogile kwa ajili ya maisha gokwiza kufosela neema, ¹⁷ yawafaliji na kuitenda goya mizoyo yenu muna ikila mbuli na kazi inogile.