¹ Paulo, Silwano, na Timotheo, kwa kanisada Wathethalonikekwa Mulungu Tatietu Bwana Yesu Kristo. ² Neema na iwe kumwenu na amani ilawa kwa Mulungu Tatietuna kwa Bwana Yesu Kristo. ³ Yolondeka cheye kumshukuru Mulungu siku zose kwa ajili yenu ndugu. Maana vino ivo ilondeka, kwa kuwa amani yenu yokula hng'ani, na upendo wenu kwa kila muhnu ongezeke mwingi. ⁴ Ivo cheye wenyego cholonga kwa dehng'o juu yenu muna gamakanisa ga Mulungu. Chosimulila mbuli za kugoza kwenu na imani yumwili nayo muna gameso gose. Cholonga kwa habari gomustshili. ⁵ Icho ndiyo kilaguso cha haki ya Mulungu. Matokeo ga gano ni mpetiligwe kuwa na mostahili kuwingila ufalme wa Mulungu ambao kwa ajili yake motesigwa. ⁶ Kwa kuwa ni haki ya Mulungu kuwaliha mateso waja owatesa mweye, ⁷ na kuwehng'a raha mtesigwa hamwe na cheye. kezatenda vino wakati wa kufunuligwa kwake Bwana Yesu kulawa luulanga hamwena na malaika wa udaho wake. ⁸ Muna ulmwale wa moto kezawalihiza kisasi waja hawammanyile Mulungu na wao hawaitii injili ya Bwana wetu Yesu. ⁹ Wezateseka kwa maangamizi ga milele wahawa watengigwa na uwepo wa Bwana na utukufu wa nguvu zake. ¹⁰ Kezatenda wakati yaheza ili kutukuzigwa na wahnu wake na kushangazigwa na wose waaminile. Kwa sababu ushuhuda watu kumwenu utogoligwa kumwenu. ¹¹ Kwa sababu ino chowaombea mweye siku zose. Choomba kwamba Mulungu wetu kuwa mustahili kukemigwa. Choomba kwamba yapate kutimiza kila kilondeka cha wema na kila kazi ya imani kwa nguvu. ¹² Choomba mbuli zino ili mpate kuditukuza zina da Bwana Yesu. Choomba kwamba mpate kutukuzigwa nayeye, kwa sababu ya neema ya Mulungu na ya Bwana Yesu Krito.