¹ Yoyose yoamini kuwa Yesu ni Klisto kaleligwa na Mulungu. Na yoyose yompenda yeye ambayo kalawa kwa Tata ivia huwapenda wanage. ² Kwa dino chivimanya kwamba chowapenda wana wa Mulungu -- vichimpenda Mulungu na kutekeleza amli zake. ³ Vino ivo chimpenda Mluungu kwamba chozahma amli zake. Na amli zake ni nyepesi. ⁴ Kwa kuwa kila yaleligwe na Mulungu huihuma isi. Na uno ndio uhumaji wa kuihuna isi, imani yetu. ⁵ Ni nani yaihumile isi? Ni ija yoamini kwamba Yesu ni Mwana wa Mulungu. ⁶ Ino ndiyo yezile kwa mazi na damu - Yesu Klisto. Hezile kwa mazi muhala ila kwa mazina damu. ⁷ Kwa kuwa kuna watatu woshuhudia: ⁸ Loho, mazi na damu. Wano watatu oitogolela. (Zingatia: Maneno gano "Tata, Neno, na Loho Mtakatifu" hagaoneka muna zinakala bola za umwaka). ⁹ Kama chouhokela ushuhuda wa muhnu ushuhuda wa Mulungu ni mkulu kuliko uo. Kwa kuwa ushuhuda wa Mulungu ni uno- kwamba kanao ushuhuda kuhusiana na Mwanage. ¹⁰ Yeye yomuamini Mwana wa Mungu kana ushuhuda mgati yake mwenyego. Na yoyose ambaye hamuamini Mulungu kamtenda kuwa mvwizi, kwa kuwa hauaminile ushuhuda ambao Mulungu kaugala kuhusu Mwanage. ¹¹ Na ushuhuda ndio uno-- kwamba Mulungu kachihng'a ugima wa milele, na ugima uno wamgati ya Mwanage. ¹² Yeli na yeye Mwana kanao ugima. Yeli bila ya yeye Mwana wa Mulungu kabule ugima. ¹³ Niwandikila gano mudahe kuvimanya kwamba munao ugima wa milele -- mweye muamini kwa zina la Mwana wa Mulungu. ¹⁴ Na uno ndio usede uchilinao mbele zake, kwamba kama chahpola kihnu chochose sawa sawa na viyolonda yeye, kochihulika. ¹⁵ Na kama chivimanya kwamba kochihulika -- chochose chichimpula chivimanya kwamba chinacho icho chichimpulile. ¹⁶ Kama muhnu yomuona ndugu yake kotenda zambi ambayo haigala ifa, kolondeka kupula na Mulungu kezamwihng'a ugima. Nolonga kwa waja ambao zambi yao ni ija ambayo haigala ifa -- Kuna zambi igala ifa -- silonga kwamba kolondeka kupula kwa ajilli ya zambi iyo. ¹⁷ Uasi wose ni zambi -- ila kuna zambi ambayo haigala ifa. ¹⁸ Chivimanya ya kuwa yaleligwe na Mulungu hatenda zambi. Ila yaleligwe na Mulungu hutunzigwa na yeye salama daima, na ija im-bananzi hadaha kumzulu. ¹⁹ Chivimanya kuwa cheye ni wa Mulungu na chivimanya kwamba isi yose ya hasi ya utawala wa ija im-bananzi. ²⁰ Mbali chivimanya kwamba Mwana wa Mulungu keza na kakihng'a ubala, kwamba chimmanya yeye yeli kweli na kwamba chaumo mgati yake yeye yeli kweli, hata kwa Mwanage Yesu Klisto. Ni Mulungu wa kweli na ugima wa milele. ²¹ Wana wapendwa, muinege na nyahng'iti.