¹ Wapendwa, seka muiamini kila loho, ila zigezeni loho izo mulole kama zolawa kwa Mungu, kwa sababu walotezi wengi wa uvwizi walawilila muna iisi. ² Kwa dino mwizammanya Loho wa Mulungu - kila loho yonda ikili kuwa Yesu Klisto keza kwa lukuli ni ya Mulungu, ³ na kila loho ambayo haimkili Yesu siyo ya Mulungu. Ino ni loho ya mpinga klisto, ambayo muihulika kuwa yokwiza, na sambi tiyali yamuna iisi. ⁴ Mweye ni wa Mulungu, wana wapendwa, na tiyali muwahuma kwa sababu yeye yeli mgati yenu ni mkulu kuliko yeye yeli muna iisi. ⁵ Wao ni wa isi, kwa hiyo chowolonga ni cha isi, na isi yowategeleza. ⁶ Cheyeni wa Mulungu. Yeye yommanya Mulungu huchitegeleza cheye. Yeye yeli siyo wa Mulungu hadaha kuchitegeleza. Kwa dino chovimanya loho wa kweli na loho wa uvwizi. ⁷ Wapendwa, chiipenda cheye kwa cheye , kwa via upendo ni wa Mulungu, na kila imwe yopenda kaleligwa na Mulungu na kammanya Mulungu. ⁸ Yeye ambayo hapenda hammanyile Mulungu, kwa sababu Mulungu ni upendo. ⁹ Katika dino pendo da Mulungu difuhnuligwa kumwetu, kwamba Mulungu kamtuma Mwanage mnyachende muna iisi ili chiishi kufosela yeye. ¹⁰ Katika dino pendo, si kwamba chimpenda Mulungu, ila yeye kachipenda, na kamtuma Mwanage yawe fidia ya zambi zetu. ¹¹ Wapendwa, yahawa Mulungu kachipenda cheye, ivia ivia cholondeka kuipenda cheye kwa cheye. ¹² Habule hata imwe yamuone Mluungu. Kama chahaipenda cheye kwa cheye, Mulungu kokala mgati yetu na pendo jake dikamilika mgati yetu. ¹³ Katika dino chivimanya kuwa chokala mgati yake na yeye mgati yetu, kwa sababu kachihng'a Loho wake. ¹⁴ Na chiona na kushuhudia kuwa Tata kamtuma Mwana kuwa mulokozi wa isi. ¹⁵ Kila yokili kwamba Yesu ni Mwana wa Mulungu, Mulungu kokala mgati yake na yeye mgati ya Mulungu. ¹⁶ Na chivimanya na kuamini upendo wayeli nao Mulungu mgati yetu. Mulungu ni pendo, na yeye kokala mgati ya upendo kokala mgati ya Mulungu, na Mulungu kokala mgati yake. ¹⁷ Muna dipendo dino tiyali dikamilishigwa kumwetu, ili chiwe na usede siku ya hukumu, kwa sababu kama yeye viyeli, na cheye ivo chili muna iisi ino. ¹⁸ Habule hofu muna uupendo. Mbali pendo kamili huyasa hofu kunze, kwa sababu hofu yohusiana na hukumu. Mbali yeye yodumba hanakamilishigwa muna upendo. ¹⁹ Chopenda kwa sababu Mulungu kasonga kuchipenda. ²⁰ Yahawa imwe kezalonga, "Nompenda Mulungu" mbali yomchukia ndugu yake, ni mvwizi. Kwa sababu ija hampenda ndugu yake, yomuona, hadaha kumpenda Mulungu ambaye hamuona. ²¹ Na ino ndiyo amli ichili nayo kulawa kumwake: Yoyose yompenda Mulungu, kolondeka kumpenda ndugu yake ivia.