¹ Wanangu wapendwa, nowandikila mbvuli zino kumwenu ili seka mtende zambi. Mbali kama imwe wenu yahatenda zambi, chinayo wakili imwe na Tata, Yesu Klisto- ambaye ni mwenye haki. ² Yeye ni mpatanishi kwa zambi zetu, na si kwa zambi zetu muhala, mbali na kwa isi yose ivia. ³ Kwa dino chivimanya kwamba chimmanya yeye, kama chahazitunza amli zake. ⁴ Yeye yolonga, "Nimmanya Mulungu," mbali hazahma amli zake ni mvwizi, na kweli yamwabule mgati yake. ⁵ Mbali yoyose yokwahma mbuli yake, kweli kwa muhnu ija upendo wa Mulungu ukamilishigwa. Kwa dino chivimanya kwamba chamgati yake. ⁶ Yeye yolonga koishi mgati ya Mulungu kolondeka mwenyego ivia kugenda kama via Yesu Klisto viyagendile. ⁷ Wapendwa, siwandikila mweye , ila amli ya umwaka ambayo tiyalimukala nayo tangu mwanzo. Amli ya umwaka ni mbuli ambayo muihulika. ⁸ Hata ivo nowandikila mweye amli mpya, ambayo ni kweli kwa Klisto na kumwenu, kwa sababu ziza dofosa, na buhng'ulo da kweli tiwali dobuhng'ula. ⁹ Yeye yolonga kamuna dibuhng'ulo na komchukia ndugu yake kamdiziza hata sambi. ¹⁰ Yeye yompenda ndugu yake koishi muna dibuhng'ulo na habule jambo jojose didaha kumkwaza. ¹¹ Mbali yeye yomchukia ndugu yake kamdiziza na kogenda mdiziza; Yeye havimanya kulihi koyoita, kwa sababu ziza dimpofusha meso gake. ¹² Nowandikila mweye, wana wapendwa, kwa sababu musamehigwa zambi zenu kwa ajili ya zina jake. ¹³ Nowandikila mweye, kina tata, kwa sababu mummanya yeye yeli tangu mwanzo. Nowandikila mweye, vijana, kwa sababu mumuhuma ija im-bananzi. Nowandikila mweye, wana wadodo, kwa sababu mummanya Tata. ¹⁴ Nowandikila mweye, kina tata, kwa sababu mummanya yeye yeli tangu mwanzo. Nowandikila mweye,vijana, kwa sababu, muna nguvu, na mbuli ya Mulungu yokala mgati yenu, na mumuhuma ija im-bananzi. ¹⁵ Seka muipende isi wala mbuli zili muiisi. Yahawa ija yoipenda isi, upendo wa kumpenda Tata wamwabule mgati yake. ¹⁶ Kwani kila kihnu kili muiisi- tamaa ya lukuli, tamaa ya meso, na kibuli cha ugima- havilawa kwa Tata mbali volawa muiisi. ¹⁷ Isi na tamaa zake vofosa. Ila yeye yotenda viyolonda Mulungu iyo kodumu milele. ¹⁸ wana wadodo, ni wakati wa mwisho. Kama vumuhulike kwamba mpinga klisto kokwiza, hata sambi wapinga klisto weza, kwa hali ino chovimanya kwamba ni wakati wa mwisho. ¹⁹ Waita zao kulawa kumwetu, kwani hawawile wa kumwetu. Kama via wawile wa kumwetu wahaendelee kuwa hamwe na cheye. Mbali wakati viwaitile zao, icho kilagusa hawakalile wa kumwetu. ²⁰ Mbali wagumigwa mafuta na ija Mtakatifu, mweye mose muimanya kweli. ²¹ Siwandikila mweye kwa sababu hamuimanyile kweli, ila kwa sababu muimanya na kwa sababu habule uvwizi wa ija kweli. ²² Nani ni mvwizi ila ni yeye yopinga kwamba Yesu ni Klisto? Inomuhnu nimpinga klisto, kwamba kompinga Tata na Mwana. ²³ Habule yompinga Mwana yawe na Tata. Yoyose anaye yomkili Mwana kanayo Tata ivia. ²⁴ Kama kwa ajili yenu, kia chumuhulike kulawa mwanzo leka kiendelee kuwa mgati yenu. Kama kia chumuhulike kulawa mwanzo chizakala mgati yenu, ivia, mwizakala mgatii ya Mwana na Tata. ²⁵ Na ino ni ahadi yaachihng'ile cheye: ugima wa milele. ²⁶ Niwandikila gano mweye kuhusu waja ambao wahawaongoze myeye muna uubananzi. ²⁷ Na kwa ajili yenu, gaja mafuta gamuhokele kulawa kumwake gokala mgati yenu, na hamwizalonda muhnu yoyose kuwafundisha. Ila kama mafuta gake gowafundisha kuhusu mambo gose na ni kweli na siyo uvwizi, na hata kama gafundishigwa, kaleni mgati yake. ²⁸ Na sambi, wana wapendwa, kaleni mgati yake, ili wakati yahalawila, kidahe kuwa na usede na siyo kuona kinyala mbele yake kwa kwiza kwake. ²⁹ Kama muvimanya kuwa yeye ni mwenye haki, muvimanya kwamba kila imwe yotenda haki kaleligwa na yeye.