¹ Ana myahudi akwete chichi cha kwapunda wandu wane?pane kuumbala kukumpokasya ichichi? ² Elo kwana upoche wekulungwa mose kundanda akunnungu wapele wayahudi lilowe lyao kuti alikamule. ³ Nambo chiwe uli iwaga wampepe mwa welewo nganakulupilila?ana ungakulupilila wao chiutityose chikulupicho cha akunnungu. ⁴ Ngawa akunnungu awe jwausyene kila mundu awele jwaunani mpela malembelo ga akunnungu yagakuti pasusala kila pankuwelecheta malowe genu nchipunde.'' ⁵ Nambo iwaga chigongomalo chetu chikulosya kuti akunnungu akupanganya yambone ana tujileje uli?tutujile akunnungu ali wa chigongomala pakutijamuka pelepa nguwecheta ni nganisyo sya chiundu. ⁶ Ngawa ikaliji yeleyo akunnungu akakombwele chinauli kwalamula wandu wa pchilambo. ⁷ Nambo iwaga unami wangu chiukamisya kuulosya kwa nnope usyene wa akunnungu ni kunjechesya ukulu wakwe ana kwa chichi ngulamulikwa kuti jwa sambi? ⁸ Iwaga yeleyo tusaleje tutende yangalumbana kuti iiche yambone kusyene kwana wandu wane wakundukana une achitiji mechete wandu wa chachilamulikwa. ⁹ Sambano tujileje uli?tujileje uweji wayahudi twandile wandu wane?ngawa pakuwa masile kulisya kuti wayahudi ni wandu wose ni sambi. ¹⁰ Mpela malembelo ga akunnungu yagakuti pakusala ngapagwa namuno jumo jwambone akunnungu . ¹¹ Ngapagwa namuno jumo jwali ni umanyilisi nghapagwa namuno jumo jwakulajila kwamanyanyilila akunnungu. ¹² Wose walesile akunnungu wose wangalimate ngapagwa jwakutendekanya yambone nachiwamuno jumo. ¹³ Malowe gao gakunuga nti lilembe lyangasiwilwa ni ndimi syao sigumbete ulamba mu ngomo syao mu kukupoka malowe gagali chisau ni sumu ja majoka. ¹⁴ Kang'wa syao malweso ni malowe gakwe wawa. ¹⁵ Ali wandu wakuutuchila kukwaulaga wandu. ¹⁶ Mwakupita mose akwikanago masuko ni malajisyo. ¹⁷ Ngakukumanyilila kutama kwa chitendewele. ¹⁸ Ngakwajogopa akunnungu kanandi.'' ¹⁹ Nipele tukumanyilila kuti malowe gose gagakuwecheta kwa ni malajisyo ga che gakwagamba welewo waali paasi pa malajisyo go kuti kila mundu akakombola kulichenjela, ni wandu wa akunnungu. ²⁰ Kwayele ngapagwa mundu juchawanjikwe kwa jwambone paujo pa akunnungu kwa kwitichisya malajisyo pakuwa malajisyo go gakinkamuchisya mundu kumanyilila kuti atesile sambi. ²¹ Nambo sambano litala lya akunnungu lya kwawalanjila wandu kuti ali wamboine paujo pao liwoneche pangali kukupilila malajisyo gagalembekwe ni che musa wakulondola wa akunnungu gakusaka umboni nkatai chindu chi. ²² Akunnungu akwawalanjika wandu ali wambone pauji pao kwa litala lya kwakulupilila che yesu kilisto akunnungu akutenda yeleyo kwa wanawose wakunkulupilila kilisto pakuwa nganikupanganya wangawa wayahudi. ²³ Pakuwa wandu wose atesile sambi ni atalichile ni ukulu wa akunnungu. ²⁴ Nambo kwa ntuuka wa bule wa akunnungu wandu wose akuwalanjikwa wambone paujo pwa akumnnungu kwa litala li che yesu kilisto jwakwawombola. ²⁵ Akunnungu wantyosisye che yesu awe mbopesi kuti kwa miasi jakwe akombole kwalechesya wandu sambi syao kwa kunkulupilila che yesu akunnungu walesile yeleyo kuti alosye umbone wao akanawe kilisto lya sambi syao. ²⁶ Nambo sambano watyosisye che yesu alosye kuti ali wambone kwa kutenda yele akunnungu asyene akulosya kuti akukombiola kuntenda awalanjikwe jwambone paujo pao. ²⁷ Sambano chiutulifunile chichi?ngapagwa kwachichi pakuwa akugajitichisya malajisyo ngwamba nmbo kwa litala lya kwakulupilila che yesu. ²⁸ Kwa yele tukulola kuti mundu akuwalanjikwa kwa jwambone paujo pa akunnungu kwa litala lya chikulupi ni ngawa kwa litala lya kugajitisya malajisyo. ²⁹ Ana akunnungu ali akunnungu wa wayahudi pe?ana nganawa akunnungu jwa wandu wangawa wayahudi nombe nawo elo ali akunnungu jwa wandu wangawa wayahudi nombe nawo. ³⁰ Akunnungu al;i wamo pewo ni wawowo chawalanjila umbone wayahudi ni wandu wangawa wayahudi wa chikulupi chcichocho. ³¹ Ana ni kuti tukugajasa malajisyo kwa ligongo lya chikulupi?ngwamba nambo tukulosya kuti tukugachimbichisya malajisyo.