¹ Kwa yele mmwe mwajangu iwaga nkwalamula wane ngankombola kulichenjela natamuno mme waani pakuwa pankwalamula wane akuno nomwe nkwendelechela kuipanganya iyoyo nkulilamula mwasye. ² Nowe tukumanyilila kuti ulamula wa akunnungu uli wa usyene kwa awala wakuitendekanya indu yanti yeleyo. ³ Nambo alakwe junkwalamula wakuitendekanya indu yanti yeleyo ni mwasyene nkuitendekanya iyoyo peyo anankuganisya chinchiuwambala ulamwe wa akunnungu? ⁴ Pane nkuunyelusya umbone wekulu wa akunnungu ni utulale ni upililiu wao, uli nghankuimanyilila kuti umbone wa akunnungu ukunnongosya kuti nneche sambi? ⁵ Nambo mmwe nkatame ntima ni nkwete ntima wangasaka kuleka sambi kwa ligongo lyo nkuligosela mwasyene magambo pa lyuwa lya akunnungu kulamula kwao kwa chigolochelo pachikulolechele. ⁶ Pakuwa akunnungu chachinlipa jwaljose malinga ni masengo gakwe. ⁷ Wandu wakuitendekanya yambone pangali kupela akuno achisosaga ukulu ni kusichila ni umi wangakujonasika akunnungu chachapa wandu wa umi wa mowa gose pangali mbesi. ⁸ Nambo awala walipamo awala wakuukanila usyene ni kuikuya yangalumbana isyene akunnungu chachalamula kwa lutumbilo ni uchimwa wakwe wekulu. ⁹ Chigapagwe masauko ni kulaga kwa jwaljose jwakuitendekanya yangalumbana kutandila kwa wayahudi ni sooni kwa wandu wangawa wayahudi. ¹⁰ Nambo jwalijose jwakutendekanya yambone akunnungu chachimpa ukulu ni luchimichimbi ni chitendewele kutandilila kwa wayahudi ni sooni kwa wandu wangawa wayahudi. ¹¹ Pakuwa akunnungu wangali lusagu. ¹² Wandu wangawa wayahudi wangakumanyilila mala jisyo ga che musa chasochele pangagamanyilila malajisyo ni chalamulikwe ni malajisyo. ¹³ Pakuwa wakugapilika malajisyo ngawa wakuwalanjikwa wambone paujo pa akunnungu nambo awala wakugajitisya malajisyo wambone paujo pa akunnungu. ¹⁴ Pakuwa wandu wangawa wayahudi wangakugamanyilila malajisyo nambo pakutenda indu kwa lwendo lwapagwile nawo chisau ni yaitite pakulamulikwa mmalajisyo kupanganya namuno nganagamanyilila malajisyo. ¹⁵ Pakuwa lwenda lwao lukulosya kuti malajisyo galembekwe mu mitima jao miningwa jao jikulisya kuti au uli usyene pakuwa nganisyo syao sikwawecheta sikwachenjela kuti atesile yambone. ¹⁶ Yeleyo ni ichikopochele pa lyuwa litachilamula akunnungu yantemela ya wandu kwa litala li che yesu kilisto mpela ngani ijikuti pakusala. ¹⁷ Ni mmwe junkuliwilanga myahudi nkugakulapilila malajisyo ni kulifunila ndi mundu jwa akunnungu, ¹⁸ Nkulitenda kuti nkumanyilila yaikwanonyela akunnungu ni kwitichisya indu yao yambone pakuwa nyiganichikwe ni malajisyo. ¹⁹ Nkuliganichisya mwasyene ni njiganyo jwa wanache lyao waali mu chipi. ²⁰ Junkwaunda wakulowela ni njiganyo jwa wanache achanandi pakuwa nkuganisya mu malajisyo nkwete umanyilisi ni usyene. ²¹ Nipele mmweji junkwajiganya wane ana kwa chichi ngankilijiganya mwasyene? mmweji junkwalichila wane nkajiwa kwa chichi mwasyene nkwiwa? ²² Mmweji junkusala nkatenda chikulu?nkuichima unyogo ya achiminungu kwan chichi mwasyene indu mu majumba ga chinnungu? ²³ Nkulilapa kuti nkuyamayiyi malajisyo ga akunnungu nambo nkunjalusya akunnungu pankuleka kugamulisyo malajisyo go. ²⁴ Pakuwa mpela yagakuti kusal malembo ga akunnungu wandu wangawa wayahudi akulitukana liina lya akunnungu kwa ligongo lya agala gankugatenda wanyamwe wayahudi ²⁵ Kuumbala kwenu chikwe ni malumbo iwaga chingajitichisye malajisyo nambo iwaga nkugapwanya malajisyo mbaya ngankaumbale. ²⁶ Ni iwaga wandu wangawa wayahudi wanganaumbale akugakamulichisya malajisyo uli ungaumbala wao ngauwilanjikwa uumbale. ²⁷ Wandu wangawa wayahudi wanganaumbale mu chilu nambo akugakamulichisya malajisyo chanlamule wanyamwe malajisyo namose nkugamanyilila malajisyo gamalembekwe ni adi waumbale.! ²⁸ Myahudi jwa usyene ngawa ajule jwakuloleka kwa meeso atamuno mundu ngakuwa myahudi jwa usyene pakuwa aumbele mu chiilu. ²⁹ Nambo myahudi jwa usyene ni ajula jwali jwati iyoyo nkati malumbo gakwe ajula jwaumbele muntima kuumbala kusyene kuli mbumu jwa akunnungu akukupanganya mu ntima mwa mundu ngaakulapikwa ni wandu nambo akulapikwa ni akunnungu.