¹ Une che paulo, jwakutumichila ju che yesu kilisto nguchilemba chikalata chi akunnungu amilasile menduna ni asigwile naalalichile wandu ngani jao jambone. ² Kalakala ko akunnungu waasalile wandu ajiji ngani jambone kwa litala lya wakulondola wao mpela itite pakulembekwa mmalembo ga akunnungu. ³ Ngani jambone ji jikungamba mwana jwa akunnungu ambuje wetu che yesu kilisto jwati nkati indu wakwe pakuwa wapagwile mu lukusyo lwa mwenye che daudi. ⁴ Nambo nkati umi wao wa chimbumu mbumu jwa akunnungu walosisye kwa litala lya ukombole wakwe kuti mwana jwa akunnuingu kwa kusyaka kwakwe yaani kilisto ambuje wetu. ⁵ Kwa litala lyakwe mbegwile upile kwanduna kuti ligongo lya kilisto wandu wa ngosyo akulupilile ni kuitichisya. ⁶ Wanyamwe ni pasikati ja wandu wo, wankutana ku loma mmilanjikwe ni akunnungu mme wandu wakwe che yesu kilisto. ⁷ Nipele une che paulo ngunlembela wanyamwe wose wankunonyelwa ni akunnungu wankutama ku loma ummilanjikwe mme wandu wakwe ngunsachilwa ambuje wetu che yesu kilisto. ⁸ Ikanawe yaili yose ngwatogolela akunnungu wangu kwa litala li che yesu kilisto kwa ligogo lya wanyamwe wose, pakuwa chikulupi chenu chikupikanila ku chilambo. ⁹ Akunnungu ungwatumichila ni ntima wangu wose nkulalichila ngani jambone ja mwanangwao ali jwaumboni jwangu kuti ngunkumbuchila wanyamwe. ¹⁰ Mowa gose pangupopela ngwapopela akunnungu yanonyela ga ambe lipesa lyambone lya kunjimajimila. ¹¹ Pakuwa sachile kwannope kummuna wanyamwe kuti yanonyele ga mulangane ni wanyamwe lya akunnungu kuti mme walimbangene. ¹² Chingusaka wanawose tukusyaneje mitima wanyamwe mulimbisye une mu chikulupi changu ni uneji nanlimbisye wanyamwe mu chikulupi chenu. ¹³ Achalongo achinjangu ngusaka mmanyilile kuti kakajinji masakaga iche kukwenu nambo nekasiswe mpaka sambano nasachile kwika ngambone wangawa wayahudi kulimbangana mu chikulupi. ¹⁴ Pakuwa ngusachilwa kwalalichila wandu wose wagiliki ni wangawa wagiliki ni kwalalichila waali ni lunda ni wakulowela. ¹⁵ Kwaligongo lyo ngulajila kwannope kunnalichila ngani jambone wanyamwe nombe wankutama ku lima. ¹⁶ Ngangujikolela soni ngani jambone pakuwa jikwete machili ga akunnungu gakunkulupusya kila mundu jwakukulupilila kutanda kwa wayahudi ni sooni kwa wangawa wayahudi. ¹⁷ Pakuwa ngani jambone jikulosya yatite akunnungu pakwetenda wandu kwa wambone paujo pao kwa litala lya chikulupi chitandite kundanda ga akunnungu mundu jwatendekwe jambone paujo pa akunnungu chatame kwa chikulupi.'' ¹⁸ Kutyochela kwainani akunnungu alosisye uchimwa wao kwa litala lya sambi syose ni kwa litala lya ugongomalo wose wa awala wandu wakuliwata usyene ukamanyika kwa litala lya ugongomalo wao. ¹⁹ Pakuwa yose yaikuntesa akunnungu amanyiche kukwao imanyichikwe ligongo akunnungu nsyene ailisye kwa wanyawo. ²⁰ Chitandile akunnungu pawagumbile chilambo ukombole wao wa mowa gose pangali mbesi ni unungu wao ikuwoneka pangasisiska namuno ngaikoneka ni meeso wandu kwapele wandu ngakumbola kulichenjela kwa yaili yose. ²¹ Namuno akumanyililaga kuti akunnungu apali nambo ngakunkasya atamuno kuntogolela yakuti nambo nganisyo syao sili syangalimate. ²² Akulitendaga wa lunda nambo ali wakulowela. ²³ Alesile kwapopela akunnungu wangakuwa nambo akwipopela unyago yaikulandana ni mundu jwakwasika chisa unyama pane ijuni pane unyame yaikukwawa. ²⁴ Kwa ligongo lya yeleyo akunnungu waalesile mu tamajangalumbana ja mitima jao ni kupanganyichisyana indu ya soni mu ilu yao. ²⁵ Akwitindanga usyene wa akunnungu kwa unami akwipopelela ni kuitumichila indu yepenganyikwe ni akunnungu ni kwaleka akunnungu waaipanganyisye wakusachilwa kulapikwa mowa pangali mbesi eloo. ²⁶ Kwa ligongo lya akunnungu waatesile wakuyanje tamasyo sya soni namuse achakongwe walesile kugonana ni achalume yaikuti pakusachilwa wagonanaga ni achakongwe achinjao. ²⁷ Achalume nombe iyoyo peyo akulekanga kugonana ni achakongwe yakuti pasusachilwa wakolelene mchesele ya sooni kwa ugongomalo wao wautesile. ²⁸ Pakuwa wandu wa wakanile kuuwika mu nganisyo usyene wa kwamanyilila akunnungu nombe akunnungu waalesile akuyanje nganisyo syangalumbana waipanganyisye aila yekanye kuipanganya. ²⁹ Wandu wa aguumbele ugongomalo wose ungalumbana ni lipamo ni wiu ni ulasi ni unami ni ngomo ni kulambusya ni kunong'ona. ³⁰ Ni kunamanilama wakwachima akunnungu wakutukana ni wakulilapa ni wakulifuna wakwilana kwitendekanya yangalimate ni wangaajitisya achawelesi wao. ³¹ Wakulowela wangakukamula chilanga wangali unonyelo ni nganakola kwa wane. ³² Wakumanyilila kuti malajisyo ga akunnungu gakuti wakugapanganya gelego akuwajilwa kuwa natamuno yeleyo akwendelechela ngawa kugapanganya pa nambo akwilana ni awala wakugapanganya gelego.