¹ Lyuwa lyaandanda lya chijuma kundawi pe achakongwe wala wapite ku lilembe ali ajigele mauta gakununjila gawalingenye. ² Pawaiche walisimene liganga lyekulungwa lila lili lyegalambula pambali kutyochela pakwinjila mwilembe. ³ Nambo pawanjile nkati mo nganachisimana chilu cha ambuje che yesu. ⁴ Pawaliji nkusimonga kwa ligongo lya yeleyo kwanakmo wandu wawili uwawete ninjilo jakung'alima nnope wajimi pachiwandi. ⁵ Wele achakongwe wo wakamwile ni lipamba wakoteme nambo wandu wala waasalile kwachichi nkunsosa jwajumi pasikali pa wandu wawe? ⁶ Welewe nganapagwa apano asyuchile nnkumbuchele watite pakunsalile pwawlji chiwela ku Galilaya kula. ⁷ Achitiji mwana jwa mundu akusalilwa kuwichila mmakono mwa wandu wa sambi ni kwawamba pa nsalaba namboi pa lyuwa chiwa chao chachisyuka.'' ⁸ Pelepo achakongwe womwagakumbuchile malowenga che yesu. ⁹ Wausile kutyochela kunlilmba ni kwasalila achinduna kumi na moja pamo ni wakulijiganya wane ngani sye yeleyo. ¹⁰ Wane uwapelechele achinduna sye ngani waliji che mariamu kutyochela musi wa ku magidala ni che jaana achakongwe uwadongene nawo. ¹¹ Nambo achinduna wala nganagakulipilila malowe ga wele achakongwe wo waghanisiye galiji gamgali malumbo. ¹² Nambo che petulo wajimwiche walukunwile mpaka ku lilembe ni wakoteme ni kulingulila nkati wajiweni sanda pe nipele watyosile achisimingaga ni yele iyakopochele. ¹³ Lyuwa lilyolyo wawili mwa wawankuyaga che yesu wajaulaga ku nsida umo lina lyakwen emau uwaliji kwakutalikangana ni ku yelusalemu mpela ulendo masaa gawili. ¹⁴ Walinji nkukunguluchila yankati yose n iyakapochele. ¹⁵ Pawakunguluka ni kuusyaga che yesu asyene wawandichile ni kulongana nawo. ¹⁶ Waweni kwa meeso gao nambo gasiwikwe kuti ngasiwamamanyilila. ¹⁷ Che yesu wausisye ana ngani chi asi sinkuku nguluchila nli nkwenda?nombewo wajimi chimu alalile ni ku kwao kwalilasiche. ¹⁸ Jumo jwao lina lyakwe che kuleopa wanjajile ana mmwenmwe pe jwannendo mu yelusalemu ni ngankuimanyilila indu yaikopochele kweleko agano mowa ga?'' ¹⁹ Che yesu wausisye ana ngani chi?wanyawo wanjanjile ngani jankati che yesu jwa ku nasaleti jwelejo wawaoneche ni akunnungu jwali ni ukombole mu indu wapanganyaga ni kuwecheta. ²⁰ Achakulu wambopesi ni ilingola wetu wantyosisye melepe alamuilikw chiwa nombewo wawambile pa nasalaba. ²¹ Noweji twalji ni chililelo chakuti wealewo ni wawatumikwe kwawambola wandu wa ku islaeli nambo lelo jino lili lyuwa lyaatatu chitandile kutendekwa yeleyolo. ²² Sooni achakongwe wampepe mumpingo wetu watutojimye wajawile ku lilembe kundawi pe. ²³ Nambo nganachisimana chiilu ni che yesu wausile ni kutusalila kuyti wakupochelwe ni achikatumetuyme wa kwinani wawasalile kuti welewo ali wajimi. ²⁴ Wandu wampepe waliji pamo ni uw wajawile ku lilembo kukulola yele yawecheteje achakongwe nambo cjhe yesu nganiwawona.'' ²⁵ Nipele che yesu waasalile mwanya nli wakulowela kwanti yele ni mitima jenu jakutopele nkulu pilila malowe gose gawawechete wakulondola wa akunnungu. ²⁶ Ana nganiyawajila kilisto nkulupusyo akole masau ga kwanti yeleyo ajinjile mu ukulu wao? ²⁷ Nipele waasagumulile gose gagalji nkwagamba mmalembelo ga akunnungu kutanmdilila mmalembo ga che musa mpaka mmalembo ga walalomndola akunnungu. ²⁸ Pawawandichile aula nsinda uwajaulaga che yesu watesile mpela akwaula mmbujo ni ulendo. ²⁹ Nambo wanywao wachondelele kwa kuchalila achitji ntame nowe pakuwa sambano kuswele ni chilo chikwinjika nipele wajinjile nkati kutama nawo. ³⁰ Pawtemi kulya chakulya nawo wajigele nkate ni kwatogola akunnungu ni waugawenye ni kwapa. ³¹ Kwanakano meeso gao gaukwiche ni waimanyilile nambo che yesu watyosile pasikati jao. ³² Nipele wawechetesye ana ngawa mitima jetu pasisi mwiche oawawechetetaga nowe mwitala mula ni kutusagamukulila malembelo ga akunnungu?'' ³³ Papopo wajimi ni kuujila ku yelusalemu waasamune achinduna kumi na moja wala pamo ni wandu waneali asongangane pamo. ³⁴ Achitji isyene ambuje asyuchile ni wakapochele che simoni. ³⁵ Ni uwakayaga che yesu wawili wala wamanyisye yose yakupochele mwitala mula mu iwatite pakwamanyilila che yesu pawagawengenye nkale. ³⁶ Pawaliji nkuwecheta gelego che yesu nsyene wajimi pasi kati pao ni waasalile chitendewele chilwe kukwenu.'' ³⁷ Watojime ni kugopa kwannope achiganisyaga kuti wona lisoka. ³⁸ Nambo welewo wasalile uli nkutenguka chichi ni kuwa ni lipamba mmitima jenu? ³⁹ Nnolanje makono gangu ni makongolo gangu mmanyililanje kuti ndili une mumbapasye mulile pakuwa lisoka nganilikola namuno maupa mpela inkuti kunola une.'' ⁴⁰ Pawamasile kuwecheta gelego walosisye makono ni makongolo gao. ⁴¹ Pawaliji akanawe kulupilila kwa ligongo lya kusengwa ni kusimonga che yesu wausisye chakulya chachili chose pelepa. ⁴² Wapele chipande cha somba jejoche. ⁴³ Wachijigele ni kulya paujo pao. ⁴⁴ Nipele waasalile Gelega ni malumbo ga malowe ganansalile panaliji pamo ni wanyamwe kuti gawajilwe gamalichikwe gose akunnungu gawapete che musa ni itabu ya wakulondola wasabuli.'' ⁴⁵ Nipele waunukwile mu lunda lwao kuti akolanje kugamanyilila malembelo ga akunnungu. ⁴⁶ Waasalile ilemechekwe mmalembelo ga akunnungu kuti kilisto nkulupusyo chalagaswe ni chasyuche lyuwa lyaatatu pakumala cjiwa chao, ⁴⁷ Ni kuti wandu wa ilambo yose chitandile ku yelusalemu alalichilwe kwa liina lyangu kuti alechanje sambi nombe akunnungu chiwalechelesye. ⁴⁸ Wanyamwe ni uchimwasalile wandu umboni u. ⁴⁹ None nasyene chinampelechele chilanga cga atatu wangu pachanya pemnu nambo nnindilile kaje ku yelusalemu kula mpaka pachimpengwe machili kutyochela kwinani. ⁵⁰ Nipele che yesu walogwesye kwaula mpaka ku nsinda besabia ni wanyakwile makono gakwe ni kwapa upile. ⁵¹ Pawalji nkwapa upile po walisapwile ni wajigalikwe kwaula kwinani. ⁵² Wanyawo wap[opelele nombewo waiusile ku yelusalemu achichinaga. ⁵³ Walonjile pa nyuumba ja akunnungu mowan gose achalapaga akunnungu.