¹ Che yesu walolechesye kwa nnope waaweni waipaje ali nkutaga sadaka syao mu lisanduku lya kugosela sadaka pa nyuumba ja akunnungu. ² Wammweni jwakulaga jwawililwe ni wankwawo ali nkutaga senti sivili. ³ Nipele watite isyene ngusalila kuti aju jwakulaga jwawililwe ni wankwawo atasile yajinji kwapunda wose. ⁴ Pakuwa wane wose atasile sadala syao kutyochela mu yakupunda ya mupanje yao nambo jweleju nkulaga kwakwe atasile yose yakwete ya umi wakwe.'' ⁵ Wandu wampepe wa che yesu walji nkukunguluchila yankati nyuumba ja akunnungu ijatile pakoloswa ni maganga gambione pampepe ni sadaka kwa akunnungu nipele che yesu watite. ⁶ Yele yose unkwawona chigaiche mowa gaati ngali sigalila liganga paliganya line pakuwa yoseyo.'' ⁷ Nipele wakuljiganya wao wausisye jwakwiganyaana chigatyochele chakachi gele ana chimanyisyo chi chachichilosye kuti gwanduichile kutenda gelego?'' ⁸ Che yesu waajanjile nlilechesye ngansinlambuchikwa wandu wajinji chachika achililendaga wanyawo ali une achitjii une ndili kilisto nkulupusyo ni kuti katema kawandichile nambo wanyawe ngasimwakuya. ⁹ Pachinchipiklikana yangondo ni utiunda ngasinjogopa pakuwa ikusachilwa uweleche kaje yeleyi nambo mbesi ngajityochela kwanakamo.'' ¹⁰ Sooni wajendelechele kuwecheta wandu wa chilambo chimo chachimenyana ni wandu wa chilambo chine umwenye chiupatene ni umwenye wine. ¹¹ Chichityochele chindendemesi chachikulungwa cha chilambo ni sala ni ilwele yakogoya panepa chiipagwe indu yakogoya nio imanyisyo yaikulungwa kwinani. ¹² Nambo gakanawe kukopochela gelego chinchikamulwa ni kunnagasya ni kunjausya mmajumba ga kupopela ni kwawechetelela ni chachinjausya mmajumba ga kutawilwa wandu. ¹³ Chanjigale paujo pa ma,wenya ni pa wakulamula ligongo lya kungulupilila une. ¹⁴ Nlapilile mmtima jenu kuti nganganisya kaje ichinjile pakulichenje, ¹⁵ Pakuwa une chinampe wanyamwe malowe gakuwecheta pamo ni lunda nombe wammagongo wenu ngakombola kugakanila namose kugakana. ¹⁶ Achawelesi wenu ni achalongo achinjenu ni achapwenu ni achambusanga wenu changalauche wanyamwe ni wampepe mwa wanyamwe chimmulajikwe. ¹⁷ Wandu wose chachinchima wanyamwe ligongo lya kungulupilila une. ¹⁸ Nambo namose lumbo lwa mmitwe jenu ngalusowe. ¹⁹ Nambo mpunde kupilila pakuwa kwa lyele litala lyo chiumuulupusye umi wenu. ²⁰ Pachinchiuwona musi wa ku yelusalemu ali asyungwile mipingo ja wangondo pelepo mmanyilile kuti kugumulikwa kwakwe kuwandichile. ²¹ Pelepo waali ku yudea autuchile mmatumbi ni waali nkati yelusalemu akopochele paasa ni wele waali mmingunda akajinjila wele musi wo. ²² Pakuwa gele ni mowa ga akunnungu kwalamula wandu wakwe wa ku islaeli kati gose gagalembekwe mmalembelo gamaswela gawe isyene. ²³ Chalaje waali ni uli ni wakonjesya gele mowago pakuwa chikupahwe kulaga kwakukulungwa pachilambo ni ni uchimwa wa akunnungu chiwe kwa wandu wa chilambo chi. ²⁴ Ni wandu wampepe chaulagwe kwa lipanga ni wane chajigalikwe mateeka ni kwapwiliganya mu ilambo wa ilambo ine mpaka pachiumalile ulamusi wao. ²⁵ Chipagwe imanyisyo mu lyuwa ni mu iwesi ni mundondwa wandu wa pa chilambo chasupuche ni kulola lipamba ligongo lya kulindima kwa matyumbele ga mu bahali. ²⁶ Wandu chapwe mitima ligongo lya lpamba achitolelaga indu ichityochele pachilambo pano, pakuwa indu yose yaili ni machili kwiunde chisau lyuwa ni iwesi ni ndondwa ni ine yose chiitingangokwe. ²⁷ Pelepo chachimmowa mwana jwa mundu achiikaga mwiunde ni machili gamakulungwa ni ukulu wakwe. ²⁸ Pachigatande kupochela gelegoi njime mwa kulimba nchijinamukuila mitwe jenu ligongo chiwombolo chenu chiwandichile.'' ²⁹ Nipele che yesu watanjile wanyawio chitagu chati,''nnilechesye chitela cha ntini ni itela ine yose. ³⁰ Nnyiwonaga itele ininkusipuka nkuimanyilila kutichuku chiwandichile. ³¹ Iyoyopeyo nomwe wakwe pachinchiiwina yeleyo ichikopochelaga mmanyilile kuti umwenye wa akunnungu iwandichile. ³² Isyene ngunsalila au uwelesi wa ngaumala mpaka indu yose pachiimalichikwe. ³³ Kwinani ni chilambo chiimale nambo malowe gangu ngangamala gng'oo. ³⁴ Nambo nlilochesye mwachimisyene kuti miitima jenu ngasijitopelwa nio upoche ni kukolelwa ni kuasuchila umi u pakua lyuwa lyo chilinnyopchilile chisisimuchile. ³⁵ Pakuwa chiljaichile mpela chitanji wose wakutama mu chilambo chose. ³⁶ Nipele nlilolechesye ni kupopela katema kose kunti nkole machili mpakombole kuwambala yele yose nityochele ni kwima paujo pa mwana jwa mundu.'' ³⁷ Che yesu waliji nkwajiganya wandu pa nyuumba ja akunnungu katema kose ka muusi nambo katema kachilo wajaulaga kukutama kuchikwesya cha miseotuni. ³⁸ Wandu wose wajimukaga kundawi pe ni kwaula pa nyuumba ja akunnungu kukwapilikanila che yesu.