¹ Chikulupi chili kukola usyene wa indu ikutwilolela ni kwitichisya kusyene kuti indu yangaikuwoneka ipali. ² Pakuwa kwa chikulupi chao, achachekula wetu wakundikwe ni akunnungu. ³ Kwa chikulupi tukumanyilila kuti chilambo chagumbikwa kwa lilowe lya akunnungu namose indu yaikuwoneka yagumbikwemu indu yangaikuwoneka. ⁴ Kwa chikulupi che habili watajile akunnungu mbopesi jambone kupunda ni jiche kaini kwapele wakundile mbopesi jakwe namuno che habili awile ipanganyo yao ikutujiganya mpaka sambano. ⁵ Kwa chikulupi che Enoki wanyakulikwe ni akunnungu kuti akasachiona chiwa nganaoneka sooni pakuwa wajigalikwe ni akunnungu malembo ga akunnungu gakusala kuti akanawe kwaigalikwa che enoki waanonyelesye akunnungu. ⁶ Nambo pangali chikulupi ngapagwa mundu jwakukombola kwanonyelesya akunnungu pakuwa mundu jwakusaka kwajaulila akunnungu akusachilwa akulupilile kuti akunnungu apali sooni kuti akwapa ntulilo wawo wakwasosa. ⁷ Kwa chukulupi che Nuhu, wajamwikwe ni akunnungu nti indu ichikopele yakanawoneche chiwela wanjitichisye akunnungu ni kukolosya ngalawa jajikiula nsyene pamo ni wandu wa pannanga wakwe chakulupuswe kwa chikulupi wandu wa pa chilambpo wose walamizi kwe kuti akwete sambi nombejo wawanjikwe jwambone paujo pa akunnungu. ⁸ Kwa chikulupi che Iblahimu wanjichi akunnungu apala pawawalanjikwe ajaule ku chilambo chiwalanjikwe ni akunnungu kuti chiwe chao watyosile pa chilambo chao ni kwaula kwangali kumanyilila. ⁹ Kwa chikulupi watemi jwannendo watemi kweleko mi maskasa mpela nombewo wapochelka chilanga chila chilo kutyochela kwa akunnungu. ¹⁰ Pakuwa che iblahimu waulolele musi wauli ni msingi jakulimbamgana musi wati akunnungu nsyene ni uwaganiosisye ni kuutawa. ¹¹ Iyoyopeyo kwa chikulupi che sala namuno wachekulupi kwannope wapochele ukombole wa kukola chitumbo pakuwa wakululipilile kuti akunnungu chatindimisye chilanga chakwe. ¹² Kwa ligongo li kutyochela kwa mundu jumo che Iblaimu juwaliji mpela jwammwe wapangawile wandu wajinji wangawalanjikwa mpela ndondwa sya kwinani ni mpela jwannunme waopangwile wandu wajinji wangawanlandikwa mpela ndindwa sya kwinani ni mpela nsanga wa munduluigulu bahali. ¹³ Awa wose wawile ali nkwalupilila akunnungu ngapochela aila iwalanjile nambo waiweni kwatutalichila kuisangalalila wajitichisya kuti wakiji wachalendo ni wandu wangalola pakutama pa chilambo nti pao. ¹⁴ Pakuwa wandu wakwicheta malowe gati iyiyi akulosya kuti ali nkuchisosa sosa chilambo chiwe chai achisyene. ¹⁵ Ikali akuganisya chilambo kwakopochele kula akakwete lipesa lyakwijila kukoko. ¹⁶ Nambo sambano akusakanga chilambo chachili chambone kupunda chachili chilambo cha kwinani kwa ligongo lyo akunningu ngasi kwatenda soni wandu wa pakwawilanga kuti akunnungu wao pakuwa wawichile chile musi. ¹⁷ Kwa chikulupi cha iblahimu pawalinjikwe chikulupi chao akunnungu wantyosisye isaka nti mbopesi che iblahimu wapochele chilanga no che wakundile kutyosya mbopesi mwanangwe jwa jikaka pe. ¹⁸ Namuno akunnungu waasalile uwelesi wenu akunnungu waasalile uwelesi wenu chichochele ni che isaka.'' ¹⁹ Che Iblahimu wakulupile kuti akunnungu akukombola kwasyusya wandu wawili n tukukombola kusala ni chitabu kuti ne che iblahimu wakombele kumpata sooni mwangwe juwaliji mpela jwannume. ²⁰ Kwa chikulupi che isaka wapele upile che yakobo che esau kuti akole upile kwa indu yaikwika mmbujo. ²¹ Kwa chikulupi che yakobo pawaliji kerwandichila kuwa wapele upile wanche gamilaga nkongojo wao. ²² Kwa chikulupi che yusufu pawawandichile kuwa wawechete yankati kutyoka kwa waislaeli mu chilambo cha misili ni walajichisye agajigale maupa gao pachacityoka ku misili. ²³ Kwa chikulupi che musa pawapangwaile wsisikwe ni achinango wao miesi jitatu pakuwa waiweni kuti ali mwanache jwakusalala ni nganajogopa makanyo ga mwenye jwa ku misili. ²⁴ Kwa chikulupoi che musa pawaliji wakulungwa wakjwanile kuwilanjikwa mwanache mwali jwa mwenye che falao. ²⁵ Badala jakwe wasagwile kamusyana kulaga pamo ni wandu wakunkulupilila nnungu nganasaka kupochela ni sambi ya mwenye che falao. ²⁶ Waganisyisye kuti kulaga kwa ligongo lya kilisto kuli kwakusichila kupunda ipanje yose ya chilambo cha kumisili pakuwa waliji nkulolela mbote. ²⁷ Yaliji kwa chikulupi che musa watyosile ku misili nganajopoga chisongolo cha mwenye pakuwa wapilililke kwa kulola kwa wangaoneka. ²⁸ Yaliji kwa chikulupi kuti wajitesile chindima cha pasaka ni kulajisya miasi jipachikwe pachanya nnango kuti katumetume jwa kwa akunnungu jwalajiswe kwikanao chiwa akaulaga wanache wa kwito wa chilume mu chilambo cha islaeli. ²⁹ Kwa chikulupi waislaeli wajombeje pa bahali ja shamu mpela petaka nambo wa misili pawalinjile komboka watitimile ni mmesi niu kuwa. ³⁰ Yaliji kwa chikulupi che lohabu ajula kahaba ngana jonasika ³¹ pamo ni awala wangana jitichisya kwa ligongo wapochele wakwalichisisya ni kwamba uchenene. ³² Chisale chichi sooni ?muda ngaukatosha kusimalila ya che gideoni baraka samusoni yefthe daudi damweli ni wakulondola wa akunnungu. ³³ Kwa ikalupi yao wanyawo wose wamenyene ni mamwenye ni waapundile watesile indu yambone paujo pa akunnungu wapochele ilangano ya akunnungu watetile kang'wa sya masimba, ³⁴ Wasimile machili ga mooto wautuwiche kuulajika kwa upanga walamiswe kutyochela mu magojwa waliji mashujaa kungondo, ni kwatenda wangondi wane autuche. ³⁵ Achakongwe wawakulupilile waaapochele wandu wao wawasyusikwe pawamasile kuwa nambo wane wakanile kugopolwa wakundile kulagaswa mpaka kuwa kuti ausimane usyusyo ni kwinjila mu utame wawili wambone mwakupunda. ³⁶ Wane walagasiswe kwa kunyelupiswa ni kwa kuputwa ni kwa kutawaikwa mwili gelesa. ³⁷ Waulajikwe kwa kwaponya matupi wakati kwe kwa misumeno ipande waulanjikwe ni upauga wajawile ni mapendega ngondoloo mapenda ga mbusi waliji wakusaka wajendelechele mu ipotesi achate ndaga yagalumbana. ³⁸ Chilambo ngani chiwajilwa kwinani wandu mpela wanyawo wajendagajenda mwikonde ni mmatumbi achitamaga mu mbugu ni masimbo. ³⁹ Wandu wa wose wawoneche ni akunnungu kuti atesile yambone mu chikulupi chao nambp nganachipochela chiwalanjile akunnungu cho. ⁴⁰ Pakuwa akunnungu walongelele kutwichila chindu chachili chambone ili kuti pangawa uwe ngakakombole kukamilishwa.